السلام عليكم حبابتي .. حبيت اشاركم قصه حملي اول بأول اذا ما عندكم مانع .. :)
يمكن بعضكم يكون صار له مثلي و يستفيد .. اذا حسيت انه فيه تفاعل و حبتوا اني اكمل .. بصير انزله على اجزاء يعني كل مره اروح موعدي ارجع اكتب لكم ايش صار اذا حابين
نبدء
بسم الله الرحمان الراحيم .
أنا وزوجي في امريكا طلاب ندرس .. و حصل حمل و الحمد لله رب العالمين على نعمة .. اول حمل .. و راح يكون اول حفيد او حفيده لي عائلتين ..
قبل تقريبا شهر عرفت اني حامل .. وكنت توي ثلاث اسابيع تقريبا .
و رحت مستشفى .. و قالوا لازم اتابعين مع دكتور او دكتوره انتي تحددين .. بس الله يصلحهم هنا نظامهم كان شوي غريب علي و ما كنت فاهمه شي في بدايه ..
قالوا لي د. النساء والولادةOB GYN ما تكون في مستشفى عيادتهم بره .. و انتي لازم تتعبين على روحك و ادورين لك احد ترتاحي معاه ..
و بدينا شغل انا زوجي انشوف التأمين ايش يغطي و ما يغطي و مين دكتاره الي يغطيهم .. و كنا في بدايه ضايعن ..
لين ما عصلنا لنا عياده خاصه يسمونهم هنا private practice عندهم مجموعه من دكاتره و سويت موعد قالوا لي اول موعد يكون مع نرس تجي تفهمك ايش صاير و ايش راح يصير لك و ايش تحتاجين و من هل الكلام و الموعد الثاني يكون بعد 10 ايام مع دكتوره تسوين فيه اول سونار و يكشفون عليك
قبل الموعد بي كم يوم كنا انا زوجي ناقلين لي بيت جديد و كنا انقل اغراض ..
و ما شلت شي ثقيل ابدا و لاحظت نهايه اليوم انه فيني بقع بنية غااامق و جيت كتبت لي بنات حواء .. و طمنوني انه اذا ما كان دم احمر لاتخافين .. وقفت البقع يوم .. و اليوم الي بعده الساعه 12 الفجر عدنا . انتبه انه فيني بقع بنيه و ثانيه حمره .. و افزع من محلي و اقول لي زوجي امشي انروح مستشفى الحين
و رحنا المشتفى و دخلنا الامرجنسي بس الله يهديهم تأخروا علينا و ما دخلت اشوف الدكتور الا ساعه4 الفجر .. حسيت روحي في مستشفى حكومي في بلد مره ضاقت فيني الدنيا .. و كنت مره خايفه . لانه رحت مستشفى قبل كذا و انتظرت طول هل المده ..
بعد 4 ساعات من انتظار اخذوا مني دم و حطوا لي مخذي ..
و دخلت على دكتور و قلت له ايش صار .. قال طيب المفروض ما تخافين بس راح نعمل لك التراساوند اذا كنتي حابه عشان نطمن من كل شي ..
و قلت ايي يااا لييييت ..
و اخذوني اعمل التراوسند .. و كانت الله يهديها الي تسوي التراسواند توها جالسه من نوم ما عندها مزاااااج اصلا حتى ما خلت زوجي يدخل معي .. :( ..
و في بدايه قالت لي مو مبين و لا شي و اعصابي انهلكت بس ما خلتنيلت ليها ايش يعني . قالت لي مو مبين شي .. عندك خيارين .. يا انه انتوا الكرامه يدخلون جهاز ثاني من داخل عشان يشفون كل شي . او اني اروح اشرب مويه كثير و ارجع لها بعد ساعه لانه قالت لي لازم المثانه تكون مليااانه .. قلت لها راح اروح اشرب مويه و ارجع لك بعد ساعه .. ما بي اشياء تدخل داخلي شكرا .. قالت لي طيب
رجعوني غرفتي .. و و شربوني 4 كاسات مويه و ما صار لي نص ساعه من شربت الا و انا خلااااااااااااص ابي الحمام و انتوا الكرامه .. و طبعا ممنوع قبل السونار اروح .. فأخذوني اسوي سونار مره ثانيه ..
و سويته و الحمد لله بس ما خلتني اشوف ولا شي .. قلت لها طيب راح تطبعين لي صور .. قالت لي لا هذول بس على كمبيوتر عشان يشوفهم الدكتور ..
حسيت انه خير ايش صاير .. ليش ما تبيني اشوف شي ليكون فيه شي غلط و الي يسمع انه لو فيه شي غلذ راح افهم يعني لما اشوف الصور ..
رجعوني غرفتي و على طوووووووول ركض على الحمام و انتوا الكرامه ..
و دخل على دكتور و قال لي الحمد لله تحاليلك كلها اوكي و طبيعيه .. السونار امبين انك لسه في بدايه الحمل .. مو امبين الجنين بس امبين الكيس حقه بس بعد كم اسبوع راح يبين كل شي .. لا تخافين ... و قال البقع الي طلعت لا تخفي منها بس ارتاااااااحي و لا تشيلين شي ثقيل .. و قال لي راح اكتب كل شي عن تحاليلك عشان تعطينه دكتوره حقتك ..
و اليوم الي بعده كان موعدي مع النرس :) و عطيتها كل اوراق و قالت لي الحمد لله كل شي طبيعي .. ما عندك شي يخوف و اخذت وزني و طويلي و شرحت لي كل شي الله يجزيها خير و طمنتني من ناحيه الدكتوره حقتي و قالت لي انها مرره مرره كويسه لاتخافين .
و طلبوا مني تحاليل دم و غيرها .. و اخذوا الهستري حقي و حق العائله ..
و قالت لي على اسم حبوب .. راح اكتبها لكم في موضوع ثاني .. قالت لي اذا تبين تاخذيها امر راجع لك بس يرفع نسبه ذكاء الطفل ... قالت لي احنا ننصح فيها و الامر راجع لك انتي و زوجك فكري في الموضع و ابحثي عنه اذا تحبي و اذا قررتي انك تاخذينها .. علمينا عشان نكتب في ملفك كل شي :)
و قالت لي كمان بنسبه لي بقع عشان لاحد يخاااف .. لانه لاحظت انه كثييييير منكم يصير له هل شي ..
قالت لي لاتخااافين من ناااحيه البقع طول ما انه بس بقع مو نزيف
قالت لي انه هذا شي مررررررره طبيعي يصير لي اغلبيه ناس لانه الرحم يمر في تغيراااااااات كثيره يكبر ويصيغر و يتغير مكانه .
فقالت لي لا تخفاين منه دام انه بس بقع بس اول ما تحسي لنه صار مثل نزيف على طول تكلمينا و احنا نرسلك لي مستشفى ..
و الحمد لله قالت لي موعد ولادتك راح يكون بدايه مارتش نهايه فبروري يتححد اكثر مع سونار .. و اني الحمد لله الحين ٧ اسابع و يوم ..
ادعوا لي ربي يثبت الي في بطني و يحميه .. و يتمم على خير ..
وصفوا لي حبوب الفايتمنز ...
و الحمد لله موعدي الجاي بعد عشره ايام مع دكتوره حق فحوصاتي و اول التراسوند راح اشوفه مررره متحمسه اني اشوف النونو الي في بطني حتى لو ما فهمت شي بس اني اشوفه ..
و هذا اول قصتي مع حملي في امريكا . الجزء الثاني ان شاء الله راح يكون بعد عشره ايام بعد اول موعد .. :)
اتمنى اني اكون امتعتكم :)
لؤلؤة السوداء @lolo_alsodaaa
عضوة نشيطة
يلزم عليك تسجيل الدخول أولًا لكتابة تعليق.
نواري الدوحه
•
الله يتمم لج على خيررر ولايحرمج من شوفته بس اختي لاتنسين الدعاء ثم الدعاااااء
الصفحة الأخيرة