قصة حملي للتفاؤل 💕

بسم الله الرحمن الرحيم
مساء الخير
انا عضوه جديده ..لكني متابعه قديمه..وقارئه جيده لمواضيع تأخر الحمل بالذات


حبيت انقلكم قصة حملي بإرادة الله عز وجل
للتفاؤل والفائده
لاني نادرا ماقرأت بين المواضيع عن من تشبه حالتي


انا بنت من بلغت مانزلت علي الدوره الشهريه
راجعت كثير قبل الزواج ..وقالولي تكيس شديد مع اني كنت نحيفه جدت وهرمون حليب والعلاج فقط استمري ع حبوب منع الحمل
الى بعد الزواج
المهم قبل الزواج بفتره قصيره وانا في اخر المرحله الثانويه
حللت عن هرمون الحليب والنتيجه عاليه جدا ٤٠٠٠
ع طول سويت اشعة رنين
فكان عندي ورم غدي ع الغده النخاميه هو المسؤول عن انتاج الهرمون بشكل مخيف


واستمريت ع حبوب دوستينكس
ومن بعد الزواج بدأت رحلة العلاج المتعبه
استمرت سنتين مابين اشعه وعلاجات وابر منشطه وصبغه ومابين مراجعة استشاري الغدد واستشاري مخ واعصاب
ومابين معالجات وادويه شعبيه
كنت كل شهر اخذ منشطات ولايكون فيه حمل ..
لكن اكتشفت ان بعض الاطباء همهم مادي ولايراعون نفسية المريض
كان عمري ١٩
بعضهم يقولي عندك ارتفاع fsh مع انه كان مو عالي مره (١١)
وانا ماكنت اافهم بالامور هذه
والبعض يقول سوي انابيب
لكني وكلت امري لله ورقيت نفسي وسويت اشعه صبغه وبعدها اخذت منشط والحمدلله ربي رزقني وحملت

حصلت لي مضاعفات بالحمل
لان وقفت حبوب دوستينكس ...وسبب لي ارتفاع هرمون الحليب تضخم بالغده وصداع وتشوش النظر
رجعت للحبوب
والحمدلله ربي تمم لي ع خير ..ولدت
ولازلت مشكلة الدوره منقطعه والتكيس موجود
وراح ابدا رحلة العلاج من جديد مع التوكل ع الله قبل كل شي


وان شالله ابشركم قريب💕