قصة حملي واخطاء السونار معي 😊😊

سلام عليكم ورحمة الله وبركاته...
كيفكم حبيباتي الله يهون ع كل حامل ويرزق كل من تتمنى الذريه الصالحه
اليوم حابه اقول لكم قصة حملي طبعا انا جبت اطفالي الثلاث ورى بعض تقريبا مافيه فرق كبير بينهم وبعد ماولدت ببنتي الاخيره اخذت مانع وقررت اني اتاخر واخذ فترة راحه واتفرغ لنفسي
كانت عندي امنيه ان حملي الرابع يكون ولد لاني اتعب بحملي وولادتي تعب مايعلم فيه الا ربي وودي باخو لولدي مو كره بالبنات لا والله لكن تمنيت ولد يصاحب اخوه
كانت بنتي الصغيره مررره هاديه ماشاءالله اغلب وقتها نايمه وممكن هذا اللي شجعني افكر احمل بالرابع ولما جاء عمرهااا سنه حنيت للحمل وودي احمل وغيرت رائي قلت اجيبهم ورى بعض وارتاح 😉😂
كنت اكتب مواضيع وفيه بنات يأيدون اني احمل وبنات ينصحوني اتاخر شوي وانا عشاني خوافه هههه قررت ااجل حملي واستمريت ع المانع وكل مره احن للحمل واتذكر تعب الاطفال واقول ارتاح فتره احسن
وجاء عمر بنتي الصغيره 3سنين وقررت اترك المانع واتوكل ع ربي واحمل
تركته كنت بين كل دوره ودوره اراقب التبويض واشرب زنجبيل واهتم بوقت الدوره بنفسي وكنت وقتها ضامنه الحمل سبحان الله
مر شهر شهرين ثلاث وانا ماحملت ووقتها كنت مره مهتمه اني احمل وحنيني للولد كان اكبر وقتها كانت تجيني احلام وافسرها انه حمل قريب كنت استبشر وافرح واحمد ربي ومتيقنه انه بيرزقني بفضله وكرمه
كنت كل شهر على هالحال اراقب التبويض واشرب اعشاب لكن سبحان الله ربي ماكتب لي حمل
وبشهر 8 اللي راح بعد ماتركت المانع بسنه وهذا الشهر ابدا مافكرت بالحمل ولاتوقعت ولا 1 % اني احمل ولا استخدمت اي شي ولا اهتميت بشي وقررت بعد ماتنتهي دورتي اراجع اشوف سبب التاخير
جاء شهر 9 تاخرت دورتي يوم وقلت معقوله اكون حامل وانا ماسويت شي ولااهتميت
قلت ماراح استعجل واحلل ممكن لخبطه وتنزل انتظرت اسبوع وجبت تحليل منزلي حللت كانت النتيجه
حااااامل
نزلت موضوع هنا وباركوا لي البنات
بعدها جاني وسواس ان التحليل ممكن غلط ممكن يكون لخبطة هرمونات
خفت اروح للمستشفى وانصدم بعد مافرحت بالتحليل المنزلي
انتظرت اسبوع ثاني ورحت وكان بالعشر الاواخر من رمضان العام
حللت وطلعت
حامل الحمدلله حمدا كثيرا الحمدلله القادر الرازق الكريم الرحمن الرحيم
الحمدلله الذي اذا قال لشيء كن فيكون
حمدته ربي وشكرته ودعيته يثبت حملي ويفرحني ويرزقني بما تمنيته
طبعا جاء وقت وحامي كان اغلبه تعب ونوم واستفراغ واللي زاد الطين بله كان وحامي بشوال النفسيه زفت وطول الشهر كلكم عارفينه
كل يوم اهوجس ايش راح يكون جنيني بنت او ولد طبعا بعد السلامه والعافيه
حلمت احلااام كانت تدل ع الولد دعيت ربي انه يرزقني بالولد الصالح وكنت متاكده ان حملي ولد 😈😂 والحمدلله الخيره فيما اختاره الله
جاء شهري الثالث وبالاسبوع 12 و5 ايام بالتحديد كشفت عند الدكتوره وطمنتني ان كل شي تمام وسالتها عن جنسه وقالت
ووووووولد
وقتها فرحت وتاكدت ان ظني صحيح واحساسي صدق
حمدت ربي وشكرته ودعيته يتمم لي ع خير واشوفه باحضاني بصحه وعافيه متاكده انه ولد😉😂😃😂😂😂
وكلام الدكتور فرحني واكد لي صحة احساسي
فرحت وخططت واخترت اسمه 😂 وهذا غلط لازم اتاكد ولااخذ كلام الدكاتره بدري ولاخبرت الا امي وخواتي فقط حتى زوجي ماخبرته
ضليت ع احساسي وانه ولد الى ان صار لي 18 اسبوع بنهاية الرابع
رحت للدكتوره غير الاولى فحصتني وطمنتني ان كل شي تمام وسالتها عن الجنس وانا كلي ثقه انه
وووووولد 😂😂😂
قالت بنووووته
صراحه انصدمت شوي مو كره فيها لكن عشمتني الدكتوره الاولى وانا امنيتي ولد
حمدت ربي وشكرته
طلعت وقال زوجي ايش قالت لك ماخبرتك عن الجنس قلت لا مو باين بس احس انها بنت
طبعا قلت كذا لان كنت احس انه بدري وممكن تعلقي بكلام الدكتوره وتمنيت انه ولد هذا اللي خلاني مااصدق
طبعا بعدها بشهر ونص وكنت بالاسبوع 23
تعبت ورحت لدكتوره بمستشفى حكومي طمنتني ان كل شي تمام وان العيل بخير انا انصدمت وقلت باين ايش الجنس قالت اه باين وووووولد
فرحت ورجع لي الامل وقلت اكيد ان الان واضح جنسه وحمدت ربي وشكرته وسالته العافيه والسلامه
ضليت شهرين ع هالحال وانا اخطط وارسم احلام انه ولد وشاهد علي ربي مو كره في البنات احب بناتي واموت فيهن ولاارضى عليهن شي
لكن امنيتي من قبل الحمل ان يكون ولد هي اللي خلتني اقتنع انه ولد وكشفت مرتين وقالوا ولد وزاد تعلقي فيه
طبعا بهذا الوقت احلامي تدل ع الولد كل حلم احلمه تفسيره ولد
وهذا اللي خلاني اتعلق ان جنسه ولد من كلام الدكتوره الاخيرررره واحلامي وكنت متوقعه انه ولد
خبرت زوجي انه ولد وكل العائله 😂😁 وهذا الغلط اني اخبر واتعلق بجنس معين وانا مو متاكده منه
بشهري الثامن رحت اتاكد وانا متوقعه وحاسه ان اللي ببطني ووووووولد
😂😂😂😂😂😂😂😂😂😂😂😂😂😂😂
كشفت وطمنتني ان كل شي تمام وقالت ليانا قلت لك من بدري انها بنوته طبعا هذي الدكتوره اللي بالرابع قالت لي بنت قلت لها بس انا قالوا لي ووولد قالت من اللي قال قلت مستشفى حكومي قالت لا يكذبوا شوفي بعينك هذا البضر والشفرتين


قلت الحمدلله يارب ع الصحه والعافيه وخبرت زوجي واهله وخواتي وامي انها بنت وقالوا كيف اخطا الحكومي مستحيل دكتورتك تكذب
قلت لاااا انا اقتنعت انها بنوته قمرررر 😊☺


مر الشهر الثامن بسرررررعه دخلت التاسع جتني ولاده ببداية التاسع وخفت عليها حبيتها ببطني يانااااس حسيت فيها دعيت يارب تحفظها لي من كل شر واذى نسيت فكرة الولد
قضيت لها فساتين واغراض وانتظر متى اولد واشوف عيونها واضمها سبحان من صب محبتها بقلبي قبل اشوفها


طبعا جاتني ولاده قبل نهاية التاسع باسبوع
الحمدلله ماولدت مبكر الحمدلله حمدا كثيرا


دخلت المستشفى وبعد 10 ساعات ولدت وجبت احلى بنوته ملكة قلبي وحبيتها وسميتها الماس
وندمت ع كل شي تمنيته وتاكدت ان ربي كتب لي اللي فيه خير لي
الحمدلله يارب اللهم لك الحمد




💖💔 وقفه 💔💖




سامحني يالله
‏اذا بكيت على قضائك رغم اني مؤمنه به
‏وبكيت على من رحل وانا اعلم ان برحيله
‏خيراً لي
‏سامحني يالله اذا انفلت صبري
‏وضاق نفسي وسئمت ،




اللهم ارزق كل من تتمنى واصلح لنا ذرياتنا




💖💖💖💖💖💖💖💖💖💖