شلونكم وشلون ماتحملون ان شالله بأحسن حال
للأسف احنا يالحريم اذا حملنا على طول نبي نعرف جنس الجنين
يعني ما فينا صبر خصوصا اذا الوحده تتمنى جنس معين
يعني مب عادي عندها
ولد
بنت
نفس الشي
في هالحاله تشوفونها تتعلق بالاحلام وتركز عليها وتحاول تفسرها
عند احسن المفسرين بس عشان تأكد هل اللي في بطنها نفس ما تمنت
وانا زيكم بالظبط خصوصا في حملي الاخير
عشان كذا انا حابه اذكر لكم قصتي لأني كنت زيكم حامل وتمنيت
جنس معين
وقصتي وما فيها هي اني
اغلب خلفتي بنات وحملت وتمنيت انه يكون ولد
وحلمت تقريبا احدى عشر حلم وفسرتها كلها عند مفسر ثقه
وكان تفسيره لعشر احلام اني حامل بولد
وفرحت فرحه كبيره وخبرت زوجي وهو بدوره بانت عليه الفرحه
وكل ما احلم بحلم وافسره يقولون لي تفسيره ولد
وحلم واحد اللي قالوا انها بنت
المهم ايقنت اني بجيب ولد وحطيت كل آمالي عليه
وكل ما تحرك ألمس بطني واقول آه بس لو أشوفك ألحين عشان أتأكد أنت ولد ولا بنت
لأني الصراحه خايفه من المفاجأه
وفي الشهر التاسع سألت الدكتوره شاللي فيني
قالت لي00000000000بنت
انا حسيت بصدمه من زود الصدمه بين علي الحزن وقلت لها بإستغراب 00 بنت 00!!
عاد هي عرفت من طريقة ردي اني اتمنى ولد
فقالت لي 000ومالها البنت في بنات بميت راجل
وشوفي ستنا مريم ومكانتها عند الله وان امها تمنت ولد
والله رزقها باللي احسن من الولد
والبنات حنينين
وقامت تذكرني بأفضال البنت
وفعلا والله كلامها حلو ومقنع ومنطقي
ماشالله عليها كأنها مجهزه لي الرد
وانا اقولها صح000بس انا مب مركزه معاها من الصدمه
وبعد كم يوم بدا يرجع لي الامل مره ثانيه انها يمكن تكون غلطانه
لأنه ما يصير كل هالاحلام تفسيرها غلط
بس نفس الشي اقول احتمال غلطها ضعيف لأنها شافتني وانا ما بقى على
ولادتي الا اسبوعين
وفي هالفتره بيكون جنس الجنين واضح
واحتمال الخطأ فيه ضعييييف
وكل ما قرب وقت الولاده ادعي يكون ولد
ويوم بدا الطلق قلت واخيرا بتشرف واعرف جنسك اللي حيرني طول هالشهور
ولما دخلت غرفة الولاده كل ما انفتح الرحم سانتي يدق قلبي زياده
لحد ما انفتح عشره وطلع المستخبي وبعد ما طلع على طول حطته الدكتوره على بطني
كأنها تدري اني متلهفه اني اعرف جنسه
بس للأسف حطته وخلت ظهره مقابل وجهي يعني للحين ما شفت اعضاءه
وبعدين شالته الممرضه وانا للحين ما عرفت جنسه
و بعد ما غسلوه ولبسوه جابته الممرضه عشان ارضعه
واخيرا شفته وطلع المستخبي
وعرفت ان اللي في بطني كان
0
0
0
0
0
0
0
0
0
0
0
0
0
بنت
يعني صدق السونار وكذبت كــــــــــــل الاحلام
بس الحمد لله ألحين هالبنت اغلى من عمري 000فديتها وفديت خشتها البريئه
وألحين عمرها سنه و 7 شهور وكم يوم
وتسوى عندي الدنيا وما فيها
وتوته توته خلصت الحدوته
وانا ذكرت قصتي هذي فقط للعبره
يعني لا تتعلقون بالأحلام
يعني لا قالوا لكم التفسير ولد او بنت قولوا الله يكتب اللي فيه الخير
وكلهم ان شالله فيهم الخير والبركه
وعموما كانت رموز احلامي اللي فسروا على حسبها اني بجيب ولد هي
خواتم ذهب
طقم ذهب
عقد ذهب
عصفور
قلم
أرنب
واشياء ثانيه نسيتها
واخيرا اسأل الله ان يرزق كل وحده ما تمنت
واتمنى اني افدتكم بذكر قصتي
وعلى فكره انا عندي ولدين وفيهم الخير والبركه
بس مادري ليه ابن آدم طمّاع