الحمدلله حمدا يليق بجلال وجهه وعظيم سلطانه ولدت يوم الاثنين وجبت احلى انس بعد عمليه قيصريه
ودخلت اكتب قصتي رغم اني تعبانه جدا من باب الافاده لاخواتي اللي مثل حالتي
هذا يابنات الحمل الرابع بعد 3 ولادات طبيعيه ولكن بعد استراحة 11سنه وحملت وماكنت ادري بحملي ولاحللت لاني متعوده على تاخير الدوره وكنت وقتها اعاني من ضرس العقل واخذ بروفين 600 واستخدم حبوب تخسيس وحبوب للبشره ولما عرفت انجنيت ووسوست في التشوهات الخلقيه
ومع ذلك طوال فترة الحمل كنت ابلع يوميا بنادول وفي الِهور الاخيره اعطوني ابر فولتارين بالغلط وخلاص ايقنت بتشوه الجنين بس كنت ادعي بالحاح واتصدق وحطيت ببالي اذا الله رزقني بمشوه بعتبره ابتلاء واصبر عليه وان ابتلاني بموته اعتبره من الباقيات الصالحات وكنت مجهزه نفسي خلاااص وتوكلت على الله في جميع الاحوال وماكنت اخلي فرصه فيها الدعاء مستجاب الاوادعي اخرها وهم يفتحون بطني كنت ادعي بسلامته
والحمدلله حمدا يليق بجلال وجهه وعظيم سلطانه ربي رزقني ولد جميل وكامل الخلقه واجمل اخوانه احمدالله واشكر فضله
اما قصتي مع القيصري فلأني دخلت الاسبوع الثاني والاربعين بدون ولاده وزاد وزن الطفل وقررو لي طلق صناعي ويوم رحت المستشفى جاني خوف غير طبيعي من الطلق وطلبت الطبيبه قيصري لان من كلام كثير من البنات هنا ان القيصري مريح وقلت اتخلص من كابوس الطلق والولاده ومااخرب من تحت خصوصا اني مسويه خياطه تجميليه متعوب عليها
اخذت بنج نصفي يعني ابرة الظهر وكانت لحظات مؤثره جدا خصوصا لما طلعو الطفل وبكى قدام عيني الشي اللي ماتوقعته اني بعد العمليه اتعب كل هالتعب
انا عمري بحياتي ماشفت نفسي ضعيفه متهالكه لهالدرجه بالذات اول يوم مااقدر اتحرك ولااجلس ويوم جلسوني شفت الموت والطلق اللي هربت منه اكلته 4 ساعات بعدما فك البنج ومانفع اي مسكن معي بس اصرخ من الالم
ويوم وقفوني اول مره الممرضات شايليني وزوجي يسندني بكل ثقلي والله اعاقه كامله مااقدر حتى استر نفسي اواروح الحمام
بااختصار اللي يمدحون القيصريه يااما يبغى يورطون الحريم ياااما انهم مااجربو الولاده الطبيعيه لاني يوم كنت اقرا كلامهم احسب الموضوع زي السلام عليكم
الولاده الطبيعيه نعمه الوحده تتعذب كم ساعه وبعدها تقوم زي الحصان لكن القيصريه فتح بطن وضعف والام ومسكنات اليوم خامس يوم لي والحمدلله صرت امشي شويه لكن بعكاز!!! ومااقدر اقوم من السرير الابمساعده ومااقدر انام الاعلى ظهري فقط والام العمليه والظهر شي لايطاق والادهى من كذا موقادره اتهنى بصغيري موقادره اهتم فيه لاني يادوب اجلس وانحني والخ
وهذا غير الكرشه المحترمه اللي بقيت لاني بالعاده بعد الولاده مباشره يصير بطني مثل الكيس الفاضي اقدر المه واربطه لكن الان منفوووخ وكله الم وعسر هضم وغازات
مع اني سويتها بمستشفى حلو وعنايه روعه والخياطه كبس لكن سبحان الله الله هيء الولاده الطبيعيه لانها تناسب المراءه اكثر من غيرها
بصراحه جدا ندمت واتمنيت لوانتظرت اوجربت الطلق الصناعي لكن قدر الله وماشاء فعل ولعله خيره
ماااخوفكم الصراحه التحسن يكون سريع نوعا ما حسب صحة المراءه بس والله القيصريه ماتستاهل كل هالتضحيه من صحتنا
هذه قصتي بااختصار عشان تنتبهون وبنفس الوقت عندي اسئله
متى تشفى الخياطه تماما واقدر البس مشدات ولبس ضيق؟؟
متى اقدر انام على جنوووووووووووووووبي؟؟:06:كنت احلم في الحمل متى اولد عشان انام على بطني ودحين احلم لوانام على جنب واحد بس
سحايب حب @shayb_hb
محررة
يلزم عليك تسجيل الدخول أولًا لكتابة تعليق.
سحايب حب
•
نسيت اسئل رجولي بعد العمليه متنفخه مدري ليش من مرت عليها حالتي؟؟؟
سيف نملة
•
السلام عليكم ورحمة الله وبركاته
الف مبروك الولاده وحمد لله على السلامة وعساه يتربى في عزكم ان شاء الله
وعسى ربي يصلحه ويحفظه هو واخوته وخواته اللهم امين
واهم شي احمدي الله سبحانه وتعالى على كل شي
سبحان الله ما تدرين ربي كتب لك عملية لعله خير
ما تدري الولاده الطبيعية ايش كان حيصير فيها
الانسان دائما ادراكه محدود ما يعلم الغيب
لكن تصدقين العملية القيصرية تراها عذاب جربتها انا
بس انا كان لي ظروفي وغصب عني يعني مو بيدي اختار مثلك
لكن الحمدلله على كل حال
واهم شي الي ابغاه منك انك ما تصدقين كل شي تقرينه من نصايح للناس
كل انسان يرى بمنظور معين للحياه
ارجع وقولك عسى ربي يقومك بالسلامة ان شاء الله
وعسى ربي يسهل عليك امرك ويوفقك ويرزقك من اوسع ابوابه اللهم امين
الف مبروك الولاده وحمد لله على السلامة وعساه يتربى في عزكم ان شاء الله
وعسى ربي يصلحه ويحفظه هو واخوته وخواته اللهم امين
واهم شي احمدي الله سبحانه وتعالى على كل شي
سبحان الله ما تدرين ربي كتب لك عملية لعله خير
ما تدري الولاده الطبيعية ايش كان حيصير فيها
الانسان دائما ادراكه محدود ما يعلم الغيب
لكن تصدقين العملية القيصرية تراها عذاب جربتها انا
بس انا كان لي ظروفي وغصب عني يعني مو بيدي اختار مثلك
لكن الحمدلله على كل حال
واهم شي الي ابغاه منك انك ما تصدقين كل شي تقرينه من نصايح للناس
كل انسان يرى بمنظور معين للحياه
ارجع وقولك عسى ربي يقومك بالسلامة ان شاء الله
وعسى ربي يسهل عليك امرك ويوفقك ويرزقك من اوسع ابوابه اللهم امين
سيف نملة
•
سحايب حب :
نسيت اسئل رجولي بعد العمليه متنفخه مدري ليش من مرت عليها حالتي؟؟؟نسيت اسئل رجولي بعد العمليه متنفخه مدري ليش من مرت عليها حالتي؟؟؟
الدكتورة ما قالت لك انه لازم تمشين ؟؟؟؟؟؟؟؟
لانه الوالدة لازم تمشي عشان ما يجي في رجلها لا سمح الله جلطة
انتبهي على نفسك
امشي بقدر المستطاع في البيت
وغير كذا ما عطوك ابر في الرجل في المستشفى ؟؟؟؟
واذا لسه رجلك منتفخة راجعي الطبيبة احسن لك
الله يقومك بالسلامة اللهم امين
لانه الوالدة لازم تمشي عشان ما يجي في رجلها لا سمح الله جلطة
انتبهي على نفسك
امشي بقدر المستطاع في البيت
وغير كذا ما عطوك ابر في الرجل في المستشفى ؟؟؟؟
واذا لسه رجلك منتفخة راجعي الطبيبة احسن لك
الله يقومك بالسلامة اللهم امين
يالله
حمد لله على سلامتك حبيبتي
ويحمد مولانا عز وجل بمنه عليك بطفل سليم معافى
من حمى ذاك الطفل من تأثير المضادات قادر على شفائك حبيبتي
فعلا أختي عملت قيصريه وشافت الموت والتعب بعينه
بس ماربطت بطنها بسبب الألم
ربي يشفيك والحمد لله على سلامتك ودعواتك بأن يتتمم المولى علي حملي ويرزقني بالولاده الطبعيه يارب
شهدالشوق
•
ماشاء الله الحمدلله على سلامتك وربي يتمم لك الشفاء
بليز اختي لاتضيقين صدري انا هذي الولادة الرابعةلي بس بعد اربع سنوات بس الدكتورة مضيقة صدري تقول احتمال اولد قيصرية لأني مسوية شفط لبطني ماتتخيلين الرعب اللي اعيشه احيانا اقول الحمدلله على كل شي والخيرة يكتبها ربي ان شاء الله واحيانا يوسوس لي الشيطان واخاف ووووووو تعرفين
الله يخلي لك عيالك ويبلغك فيهم يارب ويحسن خلق أجنتنا يارب
عقبال ماتطلعين بالسلامة يارب
بليز اختي لاتضيقين صدري انا هذي الولادة الرابعةلي بس بعد اربع سنوات بس الدكتورة مضيقة صدري تقول احتمال اولد قيصرية لأني مسوية شفط لبطني ماتتخيلين الرعب اللي اعيشه احيانا اقول الحمدلله على كل شي والخيرة يكتبها ربي ان شاء الله واحيانا يوسوس لي الشيطان واخاف ووووووو تعرفين
الله يخلي لك عيالك ويبلغك فيهم يارب ويحسن خلق أجنتنا يارب
عقبال ماتطلعين بالسلامة يارب
الصفحة الأخيرة