قصة حملي وولادتي الحمد لله

السلام عليكم ورحمة الله وبركاته.. اخواتي من زمان اتابع من خلف الكواليس... والان خرجت للأضواء
بذكرلكم قصة حملي وولادتي ان شاء الله ربي ييسر لكم
من بداية حملي مرضت انفلونزا وارتفاع في درجة الحرارة والتهاب اللوزتين وكانوا يعطوني بندول الابيض كل ست ساعات وفضلت عليه تقريبا اسبوع ومافاد وصارو ا يعطوني مضادات في الوريد وعدى الموضوع رجع صار معاي التهاب في الخلايا وصلت لمرحله صعبة من الالم وتنومت وصاروا يعطوني مضادات في الوريد بعدها تحسن وضعي ولله الحمد في الاثناء هذي كنت اخذ مثبتات عشان عندي تجمع دم في الرحم ... كان هذا كله اول ثلاثه اشهر
تحسنت وصرت الحمدلله طيبه
ونزل راس الجنين في السابع والدكتورة تقول وضعك كويس وسط التاسع نزل الرأس الحوض ومن بدايته معي الام مره تشد ومره خفيفة قالت هذي تساليف ومافي مشكله نتوقع ماطولين وتولدين .. المهم كملت التاسع قالت الدكتورة لازم اسوي اشعه تلفزيونيه نطمن على الجنين واتابعك عشرة ايام بعدها اعطيك طلق صناعي وكشفت لقيت الرحم مو مفتوح ولاسانتيرغم الالام الي تجيني .. وعطتني زيت خروع قالت خذي ملعقه مع كاس عصير لمدة اربع ايام وارجعيلي اشوفك .. استخدمت الزيت اخر يومين وبهذلني ذبحني بالمغص والاستفراغ الله يكرمكم
اخر يوم من الاربع ايام بدأت الام جداا قويه معاي ومنتظمه والوقت يقرب بينهم كل خمس دقايق .. بسرعه جريت للمستشفى اول ماحطوا جهاز الطلق راح الالم نهائيا ماكأن صار شي وكشفت برضوا الرحم مافتح ولاسانتي.. قالو ارجعي البيت ماعندك ولاده ... رجعت وساعتين ورجع الم شديد مره مره مره :eek:لدرجة اني مااقدر اجلس او اوقف اذا شد بس منحنيه واحس بشي بيطلع مني ..كلمت الدكتورة قالت هذا طلق تعالي المستشفى اشوفك واذا مو طلق اعطيك مسكن.. رحت ونفس الوضع اول ماحطوا الجهاز بدا الالم يخف وهي مستغربه حتى اختفى والرحم لازال مسكر .. قلت اخرج قالت لا خليك عندنا وصاروا يتابعون وضعي في الاخير قالولي الجنين ينزل نبضه من غير طلق وهذا خطر على حالته بنترك كمان اكثر نتابع جت الدكتورة التلي الجنين تعبان وصغير وانت رحمك مسكر والطلق الصناعي ماحيفيدك حيتعبك ويتعب جنينك مابيساعدنا في نزوله ونخاف يسوء وضعه حندخلك الان العمليات قيصري وانا صرت ابكي وخايفه واكلم زوجي اقله حاول فيهم اولد طبيعي وانا خايفه من الطبيعي موووت .. توكلنا على الله ودخلت العمليات وولدت بنج كامل وجبت احلى بنوته وفعلا كانت تعبانه وزنها صغير وناقص عندها الجلكوز وبقيت في العناية يومين وبعدين شفتها الله يحفظها يارب ويرزقني انا وبابتها برها ... والحمدلله عقبالكم يارب والله يرزق كل المسلمين بالذريه الصالحه المعافاه .... وتوته توته خلصت الحتوته ..

من توكل على الله فهو حسبه .. كنت جدا خائفه من الادويه الي كنت اخذها وقت مرضي والظروف الصحيه الصعبه الي مريت فيها مع انهم كانوا يقولوا امنه لكن الامان بالله وحده وكنت ادعي انه جنيني يكون سليم والحمدلله بنتي بخير يارب لك الشكر ولك الحمد ماشاء الله تبارك الله :26: