بسم الله الرحمن الرحيم
حبيباتي في الله ...
انا من المتابعين لهذا القسم دعوت لكل من طلبت الدعاء بالحمل او تسهيل الولادة او جنس معين
بكيت مع قصص الكثيرات منكن
احببتكن تابعت اخباركن (مقدمة حلوة صح بس والله صادقة)
أبدأ قصتي تزوجت قبل سبع سنوات وكان عمري21 وزوجي اكبر ابن في عائلته وقالتها حماتي صراحة استعجلوا نبي عيال وهذا كان من اول الضغوط
ومروا أول خمسه اشهر عادي وبعدها حماتي كل فتره تتصل علينا ها في حمل وللا مافي.
بعدها انا صرت احسب ايام التبويض واجيب كل شهر شريط فحص الحمل.
ومرت سنة وقلت لزوجي نروح دكتور زوجي رفض في البداية بس في الآخر حسبها وقال يلحق ع عمره ورحنا الدكتور قال عادي عندك تكيس وفي تبويض تعالي اليوم الفلاني واروح اليوم الفلاني واليوم العلاني وكل شهر اجيب الفحص من قبل الدورة حتى زوجي صار يحفظ موعد الدوره لا ويجيبلي الفحص كمان ومر شهر واثنين وثلاثة وانا اقول الدكتور هذا شكله مو شاطر وما عجبني من البدايه واغير الدكتور واروح للدكتور اللي تتعالج عند فلانة وفلانة التانية حملت اكيد دكتورها شاطر ومرت الشهور والسنين وصرت اعرف كل شي عن الحمل وكل حبة وكل حقنة وصاروا الناس لما اروح ابارك لواحدة ولدت يدعون لي ربي يرزقني وبعدها صاروا يتهامسون وينظرون لي نظرة شفقة. وبعدها صرت ما اعرف انه فلانه حامل او ولدت الا بعد فتره . وبعدها صار زوجي يقولي لاتروحي تباركي، ومرت فترة ماتركت خلطة او كبو او عشبه وما عملتها وكنت اروح السوق مع زوجي واجيب الخلطات وكنت فرحانة وحاسة انه ح يحصل حمل وكل مازوجي يجي من الدوام يسألني سويتي الخلطة، وكل مايشوف شريط حمل مرمي يقولي بشري ومرت الشهور وزوجي مل وانا لسة واهل زوجي يكلموه يتزوج وانت ماقصرت معاها بس هو رافض والله اعلم بما في النفوس وانا كنت عارفة انه لو زوجي ماوافق اليوم بوافق باكر،وانا صرت قبل الدورة افحص الحمل وحتى لو جاتني ما كنت اقتنع واقول عادي ممكن يكون في حمل واخبي الفحص من زوجي وكل يوم اروح الصيدليه ولما احس الصيدلي ينظر اغير الصيدليه واحيانا اجيب عشرة واجرب كل يومين .
واخيرا تعبت وقررت اوقف كل شي وادعو ربي ولازمت الاستغفار وتحسنت نفسيتي ومر شهرين وخطر ع بالي استخدم منشط اسمه اوفاميت جربته من تاني يوم للدورة وقبل ما آخد الحبه اقول بسم الله وبعد كل جماع احط ايد في ر حمي واقول اللهم اني استودعك مافي رحمي انت الذ لاتضيع ودائعك وصليت صلاة الحاجة واكثرت من الاستغفار والدعاء والحمد لله حملت في نفس الشهر وانا مو مصدقة ومن الفرحة كلمت كل الناس وكمان زوجي ماقصر وكان طاير من الفرح لانه كان ح يسافر برا لمدة خمس سنوات ويافرحه ماتمت سقط الحمل وزوجي باقيله ثمانية ايام وتحطمت نفسيتي بس كنت اقول لنفسي انا قلت اللهم اجرني في مصيبتي واكيد ربن ماراح يتركني وارجع اقول بس زوجي ح يسافر
بعد اربع ايام اخدت حبه وقلت يمكن زوجي مايسافر لكن اراد الله وسافر زوجي وانا رحت لاهلي ومرت الايام والدورة ماجات وخفت افحص وارجع لنفس الحالة زمان وبعد شهرين خبرت امي و ع طول اخدتني لدكتور وسمعت احلى خبر من بعد تعب والم ودموع وقررت امي ان لا اخبر احد الا زوجي وطول فترة كان عندي نزيف وتعب واهلي الله يحفظهم ماخلوني اتحرك والحمد لله جبت احلى عبودي صحيح تعبت في الولادة بس احلى تعب واحلى زكرى وهذا عبودي يوم 14 ح يكون عمره سنه يا رب يرزقني بره وينفع به الامه ويرزق كل محرومة الحمل
يلزم عليك تسجيل الدخول أولًا لكتابة تعليق.
الصفحة الأخيرة
الله يحفظ لك ولدك وزوجك واهلك واحبابك
وان شااءالله تفرحين فيه وتشوفينه عريس