:26:السلام عليكم ورحمه الله وبركاته
اخواتي العزيزات كم احب هذا القسم وكم تمنيت اني اكون معكم من قبل ولكن شات الضروف ان اكون معكم الان ......
احب ان اسرد لكم قصة حملي الاخير لا لشي ولكن للعظه والعبره .....
العام الفائت كنت حامل ببنوته صغيره عمرها الان الله يحفظها لي سنه وثلاث اشهر
وكنت سعيده جداً بحملي لان صار لي ست سنين ماحملت انا عندي قبلها بنت وولد ومضت الشهور الاولى مابين تعب الوحام وفرحتي بالحمل الى ان وصلت الشهر الخامس وهنا تبدا معاناتي طلبت مني الطبيبه اللي اراجع عندها اشعه تلفزيونيه {على فكره انا اتابع في ارامكو}وذهبت في شهر رمضان وسويت الاشعه وانتيجه بعد اسبوع عند الدكتوره اللي في ارامكو بتعرفها ذهبت مع الممرضه وسوت لي الااشعه التلفزيونيه الممرضه كانت فلبينيه وكنت فرحانه جدا وبعدماقربت تخلص سئلتها عن جنس الجنين وياليتني ماسئلتها انفجرت علي زي البركان الثائر خليني اخلص شغلي ماني بفاضيه لك ابغى اشوف الجنين واعضائه اذا كويس ولاولاواشوف الكلى يشتغل والا لا{طبعا هي كانت تتكلم عربي مكسر بس انا علشان اوضح لكم كلامها}انا هنا تجمدت وحسيت ان فيه شي وماعادهمني جنسه كثر ماهمني الصحه والسلامه وجلست اسئلها الله يخليك الجنين بخير وهي تقول بعدين تعرفي عند الدكتوره ورجعت البيت انا وزوجي واناتفكيري مشغول واحاول اطرد ابليس من راسي واقول ان شاء الله خير وكنا في شهر رمضان كنت ادعي ربي بالي فيه خير
مرت الايام بطيئه وجا موعدي عند الدكتوره والله يابنات اني دخلت المستشفى وانا اسمع دقات قلبي وجسمي يرتجف وزوجي يهديني ويقول مافيه الا العافيه ..... دخلنا على الدكتوره وكانت تقرا ملفي وانا شوي ويوقف قلبي انتضرها تتكلم سالها زوجي عن الالتراساوند وجانا الخبر مثل الصاعقه والله اني حسيت اني مااشوف ولا اسمع {الجنين عنده تشوهات 1-مويه واكياس في الراس 2-انتفاخ في البطن 3- اكياس وتضخم في الاكلى}
كانت تقول لنا الخبر وكانها تقرا جريده يعني بكل برود اناالمفاجاه ابلمتني ماقدرت اتكلم وصار زوجي يتكلم معها على اللي مفروض نسويه بعدين طالعتني قالت عندك اسئله قلت لها بدون احساس يعني كل شي بخيرقالت لي بدون ماتراعي مشاعري كل اللي قلت لك وتقولي بخير سلمي امرك لله واللي الله كاتبه بيصير........
طلعنامن عندها ورجعنا البيت وزوجي يكلمني ويطمني وانا لاكلام ولاحتى دموع بس كلمه قالها للحين في قلبي وابغاكم يابنات تمشون عليها
المهم بعد كلام حبيبي هديت دخلت البيت عيالي في المدرسه وكان وقت الاذان صلاة الظهردخلت توضيت وصليت ودعيت ربي من كل قلبي وقلت يا ربي اذا له خير في الحياه فعافيه واشفيه واذا لا ريحه من الحياه ويسرعليه ولا تعذبه ...وبكيت من كل قلبي بعدين سلمت امري لله ......جاو حبايبي من المدرسه يسالوني شفتو النونو ايش بنت والاولد اناعندي بنت وولد كل واحد يبغى على كيفه قال لهم ابوهم اللي يجي من الله خير وبركه اهم شي تدعون له يكون بخير وبصحه وعافيه ......... هذاك اليوم كان زوجي عازم اصحابه للفطور كنا رمضان دخلت المطبخ ماكنت عارفه اطبخ الافكارتروح وتجي جاني زوجي قال اكسبي في هالعزوبيه اجر ويمكن من وراهم يستجيب الله لنا وفعلاً شديت حيلي وزبطت الفطور وانتهى هذا اليوم على خير........
كان عندي موعد بعد رمضان قلت لزوجي ابغى اغير الدكتوره ماارتحت لها هي مالها ذنب بس اسلوبها مااعجبني وغيرنا للدكتوره{مليكه}اهي سعوديه حبوبه وصبوره جيناها وشرحنا لها اللي صار صارت تقرا الملف وبعدين سوت لي سونار قالت لازم احولك على حالات خاصه تكون المتابعه ادق ورحت عند الدكتوره {سحر السناري} مش بطاله اعطتنا عدة اسباب للتشوهات وطبعاً خوفتنا كثير مابين انه ممكن يموت بعد الولاده او يموت في الشهر الثامن اويعيش متشوه اويكون طفل منغولي او او او...... ابتديت عندها من الشهر السادس الى ان ولدت وكانت مواعيدي تقريباً اسبوعيه منتحاليل واشعات وسونار الى اخرة كانت فحوصات جداً دقيقه ومتعبه ولا اخفيكم كل موعد اروح له كنت ارتجف من الخوف من اللي بااسمعه ....بنات ماتركت الصدقه ابدا بنية الشفاء ولا الاستغفار والدعاء وسلمت امري لله عطيت من حر مالي بعت من ذهبي .....المهم في الشهر الثامن بدات تباشير الفرح في هذا الموعد قالت لنا الدكتوره الحمدلله الراس سليم مافيه لا انتفاخ ولا مويه وصار طبيعي 100% والبطن اختفت المويه والانتفاخ وصار جدا طبيعي لكن الكلى ماتغيرت بكيت على سرير الفحص من الفرحه وحمدت ربي وشكرته اللي خلى هذي الاعضاء تشفى قادر على الباقي ورجعت وانا مبسوطه كثير ورحت السوق وتقضيت اغراض البنوته لان في هذا الموعد خبرتنا ان الجنين بنت ومرت الاسابيع الى ان وصلت الى نهاية التاسع وفي هذا الموعد قالت لنا الدكتورة الكليه اليسار تشافت واليمين زي ماهي تضخم وفيها مويه وقالت بعد الولاده يمكن يروح ويمكن لا بيسوون لها بعد الولاده التراساوند ويشوفون اذا تحتاج مضاد اوعمليه اهم كانو خايفين لا يكون فشل كلوي .....
جا يوم الولاده وكنت في نهاية التاسع كل عيالي اولدهم في نهاية التاسع المهم قمت الفجر صليت واجهز عيالي للمدرسه وامشط شعر بنتي الا ذيك الطلقه القويه خلصت بنتي بسرعه زوجي في هذا الوقت راح الدوام وهومن الليل شافني اتقلب قال خلاص بكره باخذ اجازه يمكن تولدين قلت لالا روح دوامك روحت عيالي على باصاتهم وسلمت عليهم وانا ابكي وهم مستغربين واطلع بيتي اخذت لي حمام دافي واكلت لي كم تمره وكاست حليب بالعسل والفلفل الاسود وفي هذا الوقت الطلق شغال قلت اروح انام شوي لين يزيد بعدين اكلم زوجي لكن بمجرد ماحولت انام زاد كثيييييير واتصل على زوجي جا وطيران على المستشفى في هذا الوقت كنت افكر في حاله البيبي لمل يولد هل بيبكي هل بيعيش هل الكلى بتكون بخير هل بيكون طبيعي وناسيه نفسي اول مره اروح ماني خايفه من الولاده عيالي كنت اروح وانا مرعوبه من الكشف والخياطه الى اخره هذي الولاده ولاجات على بالي فيه شي اهم عندي من الولاده{شفتو كيف ياحريم الولاده ماتخوف}:oايه هين المهم دخلني زوجي عند باب الطواري وراح يوقف السياره في المواقف وانا جاتني ممرضه فلبينيه وقالت لي ادفك بكرسي قلت لالا اقدر امشي وانا الطلق مقطعني {صار موقف يضحك وانا والنيرس في المصعد شافت شيلتي عليها نقش قالت انت من فين بشتري الله حلو كثير قلت لها والله فاضيه انافي ايش والاايش قلت لاتدعي علي هالفلبينيه قلت هذي ياطويلة العمر من محلات عبايات شمس من الخبرفي شارع السويكت ... وعهداًعلي اذاقمت بالسلامه بعطيك اياها استانست المسكينه ومسكتني من يدي ونزليني من المصعد ووصلتني عند الجناح الخاص بالولاده وسلمت علي وقالت انابشوفك بعدين في غرفة التنويم ايه تبغى الشيله معذوره ..........المهم نجي للجد قسم الولاده في ارامكو يخوف انتي خلقه خايفه تدخلين مع الباب ويسكرونه برقم سري مااحد يفتحه الاهم يعني اذابغيتي تهجين مافيه معصي في هذا الوقت استقبلتني قابله سعوديه اسمها فاطمه جزاها الله عني الف خير لواحكي عنها الى بكره مااوفيها دخلتني الانتضار وسوت لي فحص يدها مررره خفيفه وقالت ماشاء الله الرحم مفتوح 6سانتي قربتي تولدين جهزتني وحطت لي اجهزتهم وبعدين روحتني لغرفة الولاده وقالت لي تبغين ابرة الظهر او الاكسجين اوابرة العضل اخترت ابرة العضل لاني ببكري اخذت ابرة الظهر ممتازه في وقت الولاده لكن عانيت منها بعد الولاده مده شهر التهاب في اللثه والم شديد في الظهر والارجل تبين لي بعدفحوصات ان عندي حساسيه للمده الخدره للظهر......
جابولي زوجي بعد ماتهاوش معهم مادخلوه الا لماخلصت واعطتني الابره وياليتها مااعطتني يابنات احس ماني في الدنيا اقول كلام غير مفهوم واحس اني مااقدر اتحكم في حركه جسمي بس خففت الالم كثير وحانت لحظة الصفر وجا وقت الدفع وجاتني الممرضه فاطمه ومعاها وحده زنجيه طيوبه وزوجي طردته برا الغرفه وطلعت بنوتي للحياة وانا قلبي على ايدي قلت لهم ليش ماصاحت وشوي الااسمع صوتها تصيح صياح ناعم وحطوها على صدري قعدت اقلب فيها اشوف راسها وبطنها وحمدت ربي وشكرته كل شي شفته كان طبيعي وكانت زي القمر وكانت تبكي وقالبه برطمها زعلانه علينا هههه في هذاالوقت جا دكتور الاطفال ومعه واحد اجنبي اخذوها يسوون لها فحوصات علشان يشوفون حالتها واخذو قلبي معاهم قعدت اصيح والممرضه تقولي احمدي ربك نشوف كل يوم حالات تقطع القلب وحمدت ربي الف حمد وشكر.....في هذاالوقت كانت الممرض تسووي لي الخياطه بكل تاني وبضمير وتعطيني نصايح مع ان دوامها انتهى وجات واحده تستلم عنها لكن رفضت ونظفتني ولبستني ونظفت اللي عندي وجابت لي وجبه دافيه وقعدت على راسي الى ان خلصتها واعطتني حبوب علشان تريحني ونادت زوجي وسلمت علي ودعت لنا الله يشافي بنوتتي وراحت واناطلعوني لغرفة التنويم طبعاً بدون بنتي وكان هذا شعور غريب اول مره اجربه جابو لي بنتي وانا على اعصابي وكنا بالليل وسئلتهم ايش قال الدكتور قالو بكره يجي ويقولك مافيه الحين دكتور رجعنا لحرقه الاعصاب زوجي راح البيت علشان عيالي واناماجاني نوم واناانتظر بكره مع اني جداً تعبانه وجابو بنتي ورضعتها وجلست اتاملها وفحصها ماشاء الله عليها طبيعيه وجا بكره وجا الدكتور وقال الكليه اليمين خف التضخم لكن ماراح ونبغى نسوي لها التراساوند بعد ثلاثه اشهر .
انتهت معاناتي مع ابنتي في الحمل وطلعت انا وياها البيت وكانت صحتها ممتازه وفرحوا اخوانها فيها...
لكن ابتدات معاناتي مع ابنتي مع الفحوصات بعدماجات للدنيا اقولها لكم في موضوع اخر لاني والله تعبت وبنتي اذتني جوعانه وان شاء الله اكون افدتكم وكنت خفيفه عليكم.
:26:وشكرا لكم مقدما اخواتي الغاليات:26:
هذا الموضوع مغلق.
اولادي نور عيني
•
اولا فخر لي اني اول وحده ارد وثانيا الحمد لله على سلامتك وسلامة العروسه تفرحي فيها يارب وتشوفيها في اتم الصحه والله ياجرك يارب والله يشافيها
الصفحة الأخيرة