السلام عليكم ورحمة الله وبركاته .........
اشكركم جميعاً ياللي رديتواعلي في موضوعي الاول والله يجزاكم عني الف خير واناماتأخرت الا لظروف قاهره .....ابدأ بقصتي مستعينه بالله:
تمت طفلتي الحبيبه الشهر الاول وكانت طفله طبيعيه ترضع تنام يجيها ماغص وماالى ذلك بعدين كان عندنا موعد مع اخصائي الاطفال الدكتور {عاشور}للحالات الخاصه فحصها وقال الحمدلله كل شي بخير وانا لا اخفيكم يدي على قلبي بعدين شاف نتيجة الالتراساوند اللي سووه لها بعد الولاده قل فعلاً الكليه اليمين متضخمه وفيها سوائل لكن ان شاء الله انها ماتخوف اشوفها بعد ثلاثه اشهراسوي لها التراساوند عشان نترك لجسمها فرصه للنمو يمكن يروح....
رجعت البيت وحسيت انه بدت معاناةجديده والحمدلله على كل حال الدكتور وصانااذاجاهاحراره لازم نوديها للطواري لانه غالباًمعناة من الكليه التعبانه وانا صار جهازي دائماً معي ......كنت اخاف عليها حيل من اخوانها من ابوها من الناس ماودي احد يشيلها اخاف تتأثر كان خوف زايد عن اللزوم لكن الام وقلبها....
خلصت الشهورالاولى ورحنا للمستشفى نسوي الاشعه نيموها على السريروهاتك يافحص على الكليتين والمثانه وكانويظغطون على جسمهابجهازهم وهي ياعيني تصيح وانا شوي واتهاوش مع الممرضه سألناها ايش شفتي ان شاء الله خيرقالت لالا عند الدكتورفي الموعد وعدناالبيت وانا ادعو الله ان تكون النتيجه سليمه وجا موعدنا بعد اسبوعين رحنا للدكتورقالللاسف رجع التضخم اكبر من الاول تحتاج اخصائي كليه عشان يعالجها عشان مايتحول لفشل كلوي وحرص علينا لا نستهين بالامرويالله كانت الدنيا ماهي واسعتني من الحزني على بنتي لاني خلاص تعلقت فيها.....كانت البنت جداً هادئه وناعمه :04:ورحنا الموعدوكان عمرهااربعة اشهر
وصادف ان الدكتوراللي محولنا عليه مسافروكان مكانه استشاري جاي من الرياض ...
ياحليله كان يحاول يطمنا بس يقول لاتهملون خذوا الامر بجديه وانا ودي اسوي لهافحوصات بس بعدها صغيره ماتتحمل تعالو اسويها لهالما يصيرعمرهاسنه قلت له يادكتور هي تعورها تحس بألم فيها قال غالباًلا بس انتبهي اذاتغيرين لهاوتكرمون رائحة البول اولونه تغيرت .........
المهم زوجي جاته من الشركه دوره لمدت سنه وقال فرصه نكمل العلاج هناك ..راح المستشفى وخلاهم يسوون له سي دي ويكتبون ملف كامل بالحاله وفعلاًجهزنا الملف والصور ورحنا امريكا.....
اول موعد جيناهم قالو لازم التراساوند وكان عمرها ثمانية اشهر ورحنا سويناه ورحنا للدكتوروحولنا على اخصائي الكلى قال لازم تسوون فحوصات ثانيه عشان نكون مطمنين
اول فحص كان عباره عن حقن ماده ملونه في المثانه وبعدين يصورون بأشعة اكس يبون يشوفون الجهاز البولي كامل وفعلاً رحت المستشفى وانا على اعصابي لان هذا الفحص اذا الكبيره تخاف منه ...طبعاً انا كنت رافضه هذي الفحوصات بس زوجي كان يقنعني اذا لا سمح الله فيها شي يعالجون من بدري ولا نندم بعدين ....المهم حقنوها عن طريق تيوب بهي المادهوالبنت ياعيني تضحك وتلعب بس ماشاء الله خلال 3دقايق وهم مخلصين الاشعه ...رجعنا للدكتورقال كل شي الحمدلله اشوفه سليم بس الكلى ابغى اسوي لها فحص ثاني عشان اتاكد من حجمها وكان عباره عن انها تصوم ساعتين قبل الفحص وبعدين عن طريق الوريد يحقنوها بماده مشعه {غير مضره}تبين حجم الكلى الحقيقي وعمل الحالب والمثانه لانها تبين نزول الماده من الكلى الى الحالب الى المثانه
واستغرق الفحص نصف ساعه وكانت نايمه لانهم معطينها منوم عشان يراقبون الكلى بدون ماتتحرك وسوو الفحص وانتهى على خير وصحت بنتي مافبها الا العافيه بس كانت جوعانه كثير لانها صايمه.....
رحنا للدكتور وجانا الخبر اللي لو اوصف مشاعري وقتها كيف كانت مااقدر{الكلى جداً جداً طبيعيه والجهازالبولي يعمل طبيعي}
بس الغده اللي فوق الكليه اللي المفروض تكون مفصوله مبينه انها في الاشعه ملتحمه عشان كذا كنا نشوف الكليه ضخمه وهومجرد التحام وهمي والحمد لله لايوجد دم او ترسبات ولاعاد تحتاج لاي فحوصات الا اذا كملت اربع سنوات تسوون لها التراساوند للاطمائنان انها تنمو ولا هوحتى ضروري....
حمدت الله وشكرته من كل قلبي اللي نجابنتي من كل الظروف السيئه واتم عليها الصحه والعافيه واعرف ان فيه حالات اخس من حالتها لكن انا ام واخاف عليها من الشوكه
بنتي الان سنه وثلاث اشهر نشيطه وذكيه وطبعاً دلوعه ماشاء الله عليها وهذا الحمدلله من فضل ربي علي الله يخلي لي ياكي ياانتي واخوانك.......
انتهت عزيزاتي قصتي واتمنى اني ماكنت ثقيله عليكم وتكون افادتكم......دمتم جميعاً.
هذا الموضوع مغلق.
Tatee@
•
الحمدلله على سلامت بنتك الله يحفظها ويعطيها الصحه والعافيه ... ...والحمدلله وحده هو اللي عوض صبرك ودعائك وماضيع لك تعب .....الله يديم الصحه والعافيه على الجميع ...يعني كان كلام الاطباء مجرد شك وتخويف ,,,ولو ماسافرت كنتي لحد الحين خايفه عليها ...لاحول ولاقوة الا بالله ..
الحمد الله ........... فعلا هو شي يخوف لكن ماشاءالله في امريكا الطب متطور مايقولون شي حتي يتاكدون زين مو هنا يخرعونك من اول فحص ......... وان شاء الله ماتشوف شر والله يخليها لك ...........
شركسية74
•
سبحان الله ابتلاء من رب العالمين و الحمد لله الذي عافاها .الله يحميها واخواتا ويجعلهم ذرية صالحة تقية وكل ابناء وبنات المسلمين.
لحمدلله على سلامت بنتك الله يحفظها ويعطيها الصحه والعافيه
وان شاء الله تشوفينها عروس وتشوفين عيالها
وان شاء الله تشوفينها عروس وتشوفين عيالها
الصفحة الأخيرة