قصة حملي وولادتي والله يكتب الأجر

صباح الخيرات ياكروشات ونفوسات ................

سبحان الله العظيم شوفوا الآية :(( حملته أمه وهنا على وهن))

بداية حملي كنت أستخدم حبوب وسافرت أجازة ونسيت حبوبي وكان كل شي برا لكن قدر الله وأحمل ذاك الشهر وبنتي توها صغيرة طبعا مافي داعي أقول لكم عن النفسية كيف كانت والأخلاق كيف شانت وكمل عليها الوحم ثلاث شهور البيت أكتئاب ماعاد أدري عن بناتي ولا عن شي :06: مرت شهور الوحم وكأني بديت أتنشط شوي شهرين مرت خفيفة والنفسية تعدلت شوي دخلت السابع وبدت الآم ظهري وبدا الثقل ورجعت النفسية زفت عملت سونار كم مرة ويقولون بنت لكن في داخلي أقول كذابين ولد وكل من حولي يقولون خيرة أن شاء الله ربي أراد لك ولد في حملك هذا لأنه جاء فجاءة وبغير رغبة كنت متأمله كثير لكن سبحان الله ..................

خلصت التاسع على ثقله ولا في بوادر ولادة وصراحة من التعب تمنيت الموت طول الأجازة حابسة نفسي بالبيت مالي خلق أحد ولا لي خلق أحد يقول الله يعينك بناتك صغار لأن اللي فيني مكفيني .........أخذت يومين من العاشر جاني يوم الآم صباح رمضان وأنتظر تزيد الالام ولا في امل محلك سر أستمرت نفس الألم ثلاث ساعات وبعدها أختفت ونمت للعصر وقمت ورحت مشيت لين وجعتني رجولي ورجعت البيت وعادي مافي ألم والكل يقول بطنك مرتفع شكلك غلطانه بالحساب أستمرت الآلآم ثلاثه أيام تروح وتجي وخلاص جاني أحباط ماعاد أكلت ولاتكلمت جاء زوجي بعد التراويح قلت خلاص بروح المستشفى بشوف عساهم يولدوني بأي طريقة وكشفت الدكتورة قالت أربعة سانتي خلاص ولادة قلت كيف مافي ألم مستحيل ولادة قالت طلق صناعي وساعتين وأنتي والدة وعاد أنا جناني الطلق الصناعي عندي العملية أرحم قلت لا بطلع لين يشتد الألم قالت وضعك مايتحمل تخرجين وعييت وأبكي كأنها أول ولادة لكن سبحان الله كل ولادة بخوفها وقع زوجي على ورقة أخلاء مسئولية المشفى وأروح البيت وآخذ ملعقة عسل وسويت لي قرفة وجلست نصف ساعة ومشيت وأنا بموت خوف أحس أني خلاص بفارق الحياة وصلت في المستشفى اللي مخططه أولد فية دخلت ويكلموني بكل برود وأمي تهاوشهم تقول البنت بتولد قالوا كيف الألم قلت خفيف وأنا أتألم لكن عشان أمي فديتها خايفة مرة وتقطعت تبكي علي كشفت علي القابلة قالت ستة سانتي خلاص هنا بديت أصرخ غصب عني وأهاوشهم أقول خلصوني ساعدوني طلعوني فوق وشافت الدكتورة بالسونار قالت كل شي تمام حطوا جهاز الطلق وأنا أحس بستفرغ مع أني ماني ماكلة شي وأمي جنبي تدعي لي وتقول أستغفري ربك لا تبكين ولاتصارخين تحملي جت الدكتورة وفجرت الموية وصراحة الله يكتب الأجر أحس في هذه اللحظة شفت الموت بعيني:icon33: ونقلوني غرفة الولادة وتجمعوا كثير الغرفة تخوف وأشكالهم تخوف:mad: كأنك في غرفة الموت أعوذ بالله وشوي قالت هذا الراس خلاص وخدروني ولاعاد حسيت ألا بعد نصف ساعة يصحوني من التخدير ويقولون مبروك جبتي بنت أنا هنا أبكي بلا شعور مدري مصدومة أنها بنت وألا تعبانة وأمي تبكي معي وزوجي :arb:يمسح دموعي ويسأل الممرضة وش فيها .........

بعد ماصحيت من تعبي قلت أبغى أشوف بنتي :04:وجابوها سبحان الله تجنن وحزنت عليها أني ماكنت أبغى حملي يستمر واللحين أحس أن روحي معلقة فيها ما أبي تنام بعيدة عني ولا أبي تطول نايمة ما أشوفها الله يصلحها هي وأخواتها ويطرح فيها البركة ............



والحين لي 35 يوم والخياطة متعبتني مرة ما ألتأم الجرح ولا طاحت الخيوط ولسى في ألم صراحة مليت من هذا الوضع لمتى بيستمر ألمها اللي عندها خبر تريحني لأني خايفة مرة أحسها طولت مع العلم الخياطة تجميلية والدكتورة سودانية مدري وش سوت فيني الله يسامحها لو أدري بهالحالة ماطلبت تجميلي ...........

آسفة على الأطالة لكن حسيت ودي أسولف لحد قلت مالي غير حبيباتي بنات حواء ..........