بنت امى @bnt_am_2

عضوة جديدة

قصة حياتى كاملة ...

السلام عليك جميعا..أنا اول مرة اكتب فى المنتدى واكتب موضوع عنى والله انه يصلح فلم اجتماعى .....اولا الحمدالله على كل شى ..وهذه بداية القصة .تزوجت وعمرى 15 سنة وكانت حياتى عادية مشكلة يوم وراحة يوم وكان شكاك لدرجة فظيعة جدا جدا وكنت صابرة ومتحملة على صغر سنى ..وحملت بولدى البكر ولدت وانا مابعد كملت 16 بس ما شالله على تحملت وصيرت صبر ما تخيلون وطلعت لى حماتى العانس مصيبة عظمى هات ياكلام جارح ومرة طنازة على وانا الله وكيلكم اذن من طين واذن من عجين ..كنت اكشخ واتبخر وانزل واول ما تشوفنى ما تحمل على طول تحط على عيالى من انهم اطفال وجبت بنتى الحلوة وصرت ماانزل الا الصبح عشان هى تكون بالدوام وافطر مع ام زوج هى حرمة ذهبة ومحترمة ما شفت منها الا كل خير بس حسبى الله .وكان زوجى على طول معصب ويقول كلام جاااااارح مرة ويطعنى حتى بشرفى وكل هذا وانا ما تكلمت وسكت وصبرت لا وازيدكم كل هذا بطق وضرب واهانةوضرب محترم اللى كنت حامل والله يابنات انه ضربنى بالعقال حتى تقطع جسمى وصار لونه اسود من الضرب .اى نسيت اقول لكم انى حرمة سنعة ونظيفة ومرتبة فى بيتى وعيالى وزوجى وبشهادة زوجى واهله واهلى وحتى اصدقائه والله ماعمره شاف شى على وهذا كان غاثة .وكان زوجى بخيل بخل اللى حتى ذهبى بعتة عشان اصرف على وعلى عيالى .شسوى اهلى واخواتى ناس شايفين خير ويحبون اللبس ما كنت ابى انقص على عيالى بشى .ولدت بنتى الثانية ورحت لاهلى 15 يوم وجا قالى تعالى بيت اهلى وعيت وقلت مايصير حرام عليك بقعد عند امى قال لالالالالا المهم رحت شقتى والله والله انه مايكلمنى لحالة واقول جيب اغراض ناقصة يقولى اسف ماعندى فلوس وبعد 10 ايام قلت ردنى لاهلى وتصدقون انه سافر اول ما رحت ...ولا دق ولا سأل ولا مصرف المهم طلعت من الاربعين يا حظى ولا جا وكنت كاشخة ولابسة ومتعدلة والله من حرتى قلت لابوى الله يرحمه يودينى بيتى تخيلو اهانه بس شسوى قلت احط حد واشوف وين اوصل معاه .ودخات وسلمت وعقب جا اول ماشافنى انصدم ما توقع ..المهم عاتبتة وقال انا تعبان ومن هالكلام وطوفت له ..عقب زادت حماتى بالحماقة وكرهت البيت .قلت لزوجى خل نطلع احسن نوسع على عيالن طبعا بعد مشاورات ومشاكل كثيرة المهم طلعت حمدالله افتكيت .واول صدمة طلع زوجى يشرب الخمر اه اه اه يا حرقة قلبى فوق صبرى وتحملى وبخلة وعصبيتة يطلع يشرب .المهم قتلة لية قال الله بلانى شسوى .ومن يومه هات يا سهر سهر وسفرات وانا والله والله ساكتة وصابرة ما تخيلون كان ينام برة البيت وانا ماانام وخايفة بس شسوى هذا نصيبى ومكتوب وكنت ما اقولة شى على السهر وسكت وسكت لمدة 18سنة ؟؟؟؟؟يابنات ماتصدقون والله شاهد انى على سجادتى ادعى لين يجى الصبح المهم جبت طبعا 5بنات و3 اولاد فضل من الله تعالى طبعا فى السنوات الماضية توفى ابوى الغالى الله يغفر له ثم امى الله يرحمها ويغفر لها ومةتى المسلمين .واحس انه استقوى لان ما عندى احد الا الله وانااحترمه واقدرة والله انى ما اعارضة باى شى الا بالحق وهو يعترف وقمت اكلمه شوى شوى على السهر وان عيالة كبروا شلون الوضع ترا صعب وبناتك محد راح يتزوجهم ومن هالكلام وبعدعناءوتحمل وصبر وجهد جهيدقدرت اغير زوجى بالكلام الزين وامولر الدينية وشوفى على سجادتى ادعيله بالهداية والله ياخواتى احس انه تأثر حيل ومن عصبى صار انسان هادى وكريم معاى ومع عيالة وقام يسفرنا لله الحمد وبنتى تزوجت وعندها ولد وولدى بعد شهرين زواجة وصار لى متزوجة 25 سنة يارب لك الحمد والشكر يابنات عليكم بالصبر ثم الصبر ثم الصبر والله يغير حال من حال .ان زوجى قطع السرب والسهر والسفر لحالة صار له 6 سنوات اللهم لك الحمد كما ينبغى لجلال وجهك وعظيم سلطانك ياخواتى عليكم بالدعاء والصبر .انا اخنصرت والا كان ما يكفى خمس ايام كتابة .واسفة جدا على الاطالة واسمحولى يا الغاليات ..والسلام عليكم ورحمة الله

يلزم عليك تسجيل الدخول أولًا لكتابة تعليق.

تسجيل دخول

shatat شتات • 14 سنة

ماشاء الله تبارك الرحمن....
صبرتي ونلتي...وإن شاء الله أجرك عند الله أعظم ...
الله يبارك لك في عيالك وزوجك....ويديم عليكم المحبة

رمانه2030 • 14 سنة

ماشاء الله ربي عوض صبرك خير الله يكتب اجرك ويسخر لك زوجك وعيالك.

GMALY • 14 سنة

الحمدلله الي فرجها عليك ***** الله انا بعد يفرجها علي لي 20 سنه نفس حالتك بس الي عندي مايشرب الله يسخرهم لنا *****الله يارب

شاهيرو • 14 سنة

الحمدلله اهنيك على عقلك وصبرك والله يسخرة لك دوم ..
وماشالله قدرتي تمسكي زوجك وتغيريه عندي وحدة زي حالك بالضبط
وانا اقراه قصتك فرحت قلت هي ..بس هي عافت زوجها وماودها
تصلح فيه تعبت منها بس ان شالله يعوضوها عيالها

بنت العز ماتهتز • 14 سنة

الحمدلله ربي اللي هداه لك ونوور
له طريق الحق وانتي الصاااادقه والله
الصبر مافيه احلى منه عباده بصمت وطمانينه
مو الايام ذي اي وحده منا يصير بينها وبين زوجها
شي نشرت غسيله قدام اللي يسوى واللي مايسوى

الله يصلح لك زوجك ويخليلك عيااالي وتفرحين فيهم
كلهم من كبيرهن لصغيرهن ...