قصة حياتي

بنات مو عارفه كيف ابدأ الموضوع
الي بقوله انو انا امي وابوي تطلقو وانا ماكمل عمري شهر وعشت عند ابوي ومرته .. شفت الويل بحياتي وصدمات مابي اذكرها لدرجة مال وجهي منها .. المهم اعتنيت بنفسي للحد ما استعدت جمالي وتعدل وجهي طبعا بعد ماتوظفت وصار معي فلوس لان قبل حتى مزيل العرق مايجيبولي !!
الحمدلله على كل حال والله بيعوضني بالجنه إن شاءالله
لاكن المشكله الآن كالتالي
الصدمات الي مرت علي بحياتي تركت فيني عقد مقدر انساها مهما حاولت لدرجة لما اتذكرها تشخص عيني واصير زي المشلوله وتدمع عيني لييييين اتعب وانام .. بالاظافه الى ان الله بلاني بأب قاسي مايدري انا حيه ولا ميته يحب اخواني من ابوي ويدلعهم وماياكل الا معهم وانا بغرفه لحالي معزوله ولو جلست معه مره يتنكد ويقلب وجهه ويسفهني ويسود وجهه ومايقبل حكيي .. لذالك اشتريت كرامتي وعزلت نفسي عنه تماما حفظا لكرامتي وبرا به لان جلستي معه تنكد عليه .. ومن باب البر اسعده ببعدي عنه .. طبعا حاولت اكسبه بكل الطرق من ظمنها اعطيه فلوس بس بدل ما اكسب قلبه كسبت زيادة كره وشح منه لدرجة حتى عرسي بيسويه من مهري !!
وامي ! بصراحه مدري هي امي ولا ميييين ؟؟
ماتعرفني غير وقت المصلحه والفلوس ! غيرها تنسى اسمي !! حاولت اكسبها افضفض لها اتقرب منها .. لكن صارت لو اختلفنا على اتفه سبب تنشر كل فضفضتي لها وكلامي عند خالاتي واللي يسوى ومايسوى وتقولهم اني مجنونه !!
مجنونه لاني عانيت بسبتها هي وابوي .. تحملت نتيجة زواجهم الفاشل زواج نزوه من ابوي وطمع من امي زواج مصلحه .. لدرجة كرهت الانجاب وتعمدت اكل حبوب منع حمل من صغري عشان اصير عقيم .. وفعلا تحقق لي ذالك والحمدلله مابي اخلف واجيب اطفال يتعذبون مثل ماتعذبت ..
المهم انا مقبله الحين على زواج وماعرف ليش لما اتكلم مع زوجي اتخيله ابوي فاكرهه واحاول اتفشش فيه وانتقم منه .. عفتتتته بشكل احسه هو ابوي.. صرت احس كل الرجال مجرمين مثل ابوي .. ابوي الي طول الوقت يتفاول علي بالطلاق وكل ماشافني قال بترجعيلي مطلقه .. تحطيم مستمر كالعاده بترسبين بتفشلين بتتطلقين انتي منبوذه مجنونه .....الخ
مع اني ناجحه مهنيا ماشاءالله ومحبوبه اجتماعيا
اتمنى مره وحده بحياتي يقولي ابوي مبروك النجاح او مبروك حتى !!
دررست من روضه الى ان تخرجت من الجامعه بتفوق وعمري ماسمعت منه مبروك !! صدقوني لو قالها بكون اسعد وحده بالعالم ..
بالعكس كان يقول اكيد تغشين ونجاحك غش بغش وانتي فاشله .......الخ من السم الي هرى فيه روحي ومعنوياتي وصهرلي قلبي 💔
بالمقابل اخواني من ابوي ينجحوت زتتتتت ومقبول ودور ثاني ويبارك ويهديهم وكلشي !!
صرت اكره زوجي اشوف ابوي فيه واعافه اكثر واكثر مع انه مختلف عن ابوي
صرت احس اني بتطلق وبنيت حياتي ع هالاساس!!
جهازي قليل وفرت فلوس لما بعد الطلاق وافكر ارمم غرفتي عشان لما ارجع بعد الطلاق تكون مرتبه ..
باختصار صرت عروس اجهز واستعد لطلاقي مو لزواجي
عروس اكره زوجي
باختصار عروس ميتتتتتتتتتته
والحل؟؟؟؟