قصة حياتي انثرها بين انين قلب وآآآهات روح

قبل تسع سنوات تزوجت من واحد من نفس قبيلتي وعشنا اروع قصة حب ممكن تتخيلونها انجبت خلال فترة زواجي بنوته كنت انا وهو وبنتي في عالم غير العالم اللي الناس عايشينه والله العظيم ماكنت اعرف لا هم ولاحزن كنت امره ناهيه ولوطلبته لبن العصفور جابه لي وكنت غبيه من النوع اللي ابربر وزوجي سوى وزوجي سوى لين صرت انا وزوجي حديث جماعتنا شوفو فلانه كيف عايشه وشلون بيتها وزوجها خاتم باصبعها عاهدني على المصحف ماحب غيرك ولا ملى عيني سواك وانتي عندي بالدنيا كلها طبعا اهله ماكانو يبوني اتزوجه بسبب مشاكل بين امي وامه قديمه غيرة نسوان لان ابوه خطب امي بعد وفاة الوالد ورفضته فصار فيه حقد المهم كنت اروح ازور اهله واسحب فيهم يجون معانا السوق او يطلعون معانا مطعم انا طبعا كنت على نياتي وهم يشيلون بقلوبهم وانا ياغافلين لكم الله :(مرت الايام والشهور دبت المشاكل بيننا بسبب سهراته اللي لين الصبح يوميا طبعا هو ماكان يرفض لي طلب بس مجنني بالسهر الين الفجر وانا زهقت مر ست اشهر على هالحال يجي من برى على طول يتحمم ويجي يصحيني يبي0000000 وانا كنت ارفض وراي دوام انا كنت متعينه خارج الرياض واقوم من قبل الفجر وصار عصبي ولايبيني اناظر جواله كان يقفله ويحطه تحت مخدته واذا دخل الحمام يدخله معاه رغم كذا وربي ماشكيت فيه ابد المهم انا قلت اذا انت بتستمر على هذا الحال انا مستحيل اعيش معاك والشعره اللي قصمت ظهر البعير جاي مره البيت على الفجر وخلى باب الشارع مفتوح علي انا وبنيتي ودخل ينام عاد انا قلت بروج بيت اهلي وشف لك حل في سهرك واهمالك لنا عاد اخر مره اشوف بيتي كانت تلك المره بعدها بشهر واحد ارسل ورقة طلاقي ...............................................:( هذا اول فصل من فصول حياتي اذا احد متابع كملت