قصة حياتي بابيات نثريه

من يوم كنت صغيره وانا ارسم امال وطموح
كنت اسافر مع الاحلام والقى كل شي مسموح
من يوم كنت صغيره
القى في نفسي ذيك الاميره
يوم تزهى بتاج الحلم وتختال به من اعلى الصروح
هذا يوم كنت صغيره
عدت بيه الايام
تدربني على الالام .
تصيب وتخيب مثل السهام ...وانا لازلت صغيره ..مثل الورد وعبيره
مرالربيع خمس عشر
فيها الحلو واكثرها الامر
وشلون الزمن عدا ومر
ومالقيت من الطفوله اثر ..رغم احساسي اني صغيره..ايه يابشر احاسيسي صغيره
بعدها بسنه
ماصرت انا
تغير زهري والجني
تغيرمكاني مع انسان ثاني تخيلت معاه كل الهنا
بس في سنه نسيت ويش ابي ومين انا يوم كنت صغيره
تهت في متاهات الظروف
عشث شتات وقلق وخوف
عشت البرد رغم الصيوف
ضاعت كلماتي والحروف
احاول اثبت خطاي بالطريق
احاول القى في عشيري الرفيق
بس لقيتني بغموضه اسيره...رغم اني حبيته صغيره
مرت في حياتي معاه كل السنن
وانا ادور بين حناياه السكن
ادور دفى ادور امن
ادور في عيونه وطن....بس لقيت نار مستعيره وغصة بالجوف مريره.
ثمان عشر مر من السنين
جنيت منها بنات وبنين
رغم القسى رغم الانين...واحساس الغريب بلا ديره
بقيت ازرع الامل واضوي الشموع
وارسم البسمه وعلى خدي دموع
اخلق الفرحه وقلبي موجوع ...واصبحت ذاتي مالها اي سيره
صرت عنها خرسا صما ضريره
همني الكل يكون مرتاح وسعيد
وكان راضاهم همي الوحيد
قلت تعبي اليوم بكره يفيد .بس لقيتني مثل الاجيره
هجرت احلا حلم بحياتي
وصارت جريمه اهتمامتي
واكبر غلطاتي هواياتي ......حتى احتياجاتي تلبيتها عسيره
قلت يابنت بكره افضل
اصبري والصبر اجمل
كان املي كل شي يكمل ..بس كنت بحلقه مفرغه مستديره
حسيت انه كان من نصيبي التهميش
وكل همهم لمطالبهم اعيش
محد قالك ويش فيك او تاعبك ايش .....حسيت باهتمامهم ماني جديره
عشت بس أأدي اللي عليه
ماابي جزا اوجميل اوهديه
ماهقيت بيكون عمري الضحيه ....واكون تالي العمر كسيره
انتسى تعبي وانتكرالجميل
وانجرح قلبي وامسى دمعي يسيل
وانظلمت بزماني بدون ادنى دليل .....وظلت بالحزن عيني سهيره
اتامل وجهي بالمرايا
مااشوف الا ألمي واسايا
ماحد حاسس بي عنايا ....وهموم قلبي الكبيره
زاد الظلم وانهد حيلي
ون رديته عن نفسي ياويلي
ما قدرت لظلم وتالي ليلي ...هربت وكانت ليليتي الاخيره
من حياة مظلمه متعبه عسيره