السلام عليكم ورحمة الله وبركاته
أخواتي اللي يعرفون قصتي حبيت أشاركم أحداثها الأخيره عسى أن تكون خيره..
واللي مايعرفون قصتي بإختصار حبيت واحد سنين طويله مو من نفس القبيله وتزوجته شهر وبيوم زواجي صارت مشكله بين أهله وأهلي وطلقوني منه أهلي وكانو سبب بإجهاضي لجنين ماأكتمل وعذبوني أجبرو زوجي يطلقني بتهديدهم له إنهم بيذبحوني..
زوجوني بالغصب من إنسان مايفهم بالحياه إلا أشياء بسيطه وبيوم أرسلت رساله لزوجي القديم بعد فتره من زواجي أبيه يعيش حياته وينساني لأني سمعت عنه انه عايش بجحيم ولاتزوج ويفكر فيني وحياته تغيرت للأسوأ وشافها زوجي وبدأت معاناتي وعذابي والشك اللي يذبح..
المهم تشجعت وكلمت واحد بالمحكمه من قرايب جارتي وقدمت عالمحكمه وكانت معي أمي وبعد التهديد إني أقول انه مارس الزنا وبييتي خاف وقال مستحيل يصدقوكي كذبت وقلت جارتي شافتك وزوجها طبعآ صدق كلامي مع انه الله الشاهد انه جاب وحده لبيتي ونام معاها ولاهمه بأي شي ومع الكلام أعطانا الشيخ موعد بعد اسبوعين ورحت لبيتي وجاء ماتكلم وأخذ أغراضه وسافر لأهله والإسبوع اللي فات طلقني من دون مشاكل مع انه ماكنت متوقعه يطلق بسهوله..
وكاتب إنه مطلقني من شهرين ونص تقريبآ قالها لما كان زعلان واعتبروها من نفس المده..
مره قالي إنتي طالق لما طلب مني جماع ورفضت بس ماحسبت إنها تعتبر طلاق..وطنشت الموضوع بس الحمدالله إنه تذكر وقال للشيخ هذا الكلام..
الله يجعلها خيره ويوفقه مع إنه عذبني كثير..
رحت لأهلي والمحكمه أخذت تعهد على أبوي مايقرب ولايحبرني على شي ولايتعامل معي معامله سيئه..
والله يابنات ماأدري أفرح وإلا أبكي الخوف مسيطر علي..
تعبانه كثير .. حياتي تغيرت
عارفه إنه اللي كاتبه لي ربي خير
إيش أسوي الشيخ يعرف قضيتي مع زوجي القديم وقال إذا تحبي ترجعي له إحنا بنساعدك ونكلم أبوك..
مو عارفه إيش أسوي خايفه ماأرجع له وخايفه إنه يطلع هذا حلم ومايتحقق وأتعذب وهو يتعذب كمان..
مو مصدقه إني ممكن أرجع أتزوجه..
أمي تقول بتكلمه وتقوله إيش صار ورفضت من خوفي ..
ساعدوني مو قادره أخطي خطوه وحده مع اني تشجعت وقدرت أطلق..
والله أرسلكم ودموعي على خدي..
أبوي وأخواني من طلاقي ماتكلمو معي كلام يضايق..
أمي تعبانه تقول أبي أتطمن عليكي إذا تبينه أرجعي له خليني أكلمه ونعطيه رقم الشيخ وهو يتصرف ويجون يخطبون...خاصة إنه مايعرف إني تطلقت
آه يابنات والله مو قادره أتخيل إني ممكن أرجع له بعد هالسنين مو قادره كل وقتي أبكي خايفه من كل شي أرجف كل الوقت..
ساعدوني شجعوني واللي ماعندها حل ياليت تدعي لي..
أم جنى،،،، @am_gn_69
عضوة جديدة
يلزم عليك تسجيل الدخول أولًا لكتابة تعليق.
ليششش خلي امك تتصل عليه وتعلمه بكل شي يمكن ابوك واخوانك مايقولون شي بعد تهديد الشيخ انو محد يتعرض لك
يارب يارب ييسرلك وتجتمعين معه ع خير
يارب يارب ييسرلك وتجتمعين معه ع خير
الصفحة الأخيرة
لييييييه ماتبغين ترجعين لطليقك والله لو منك كان قلتي للشيخ يرجعكم ولا كلمي امك تقوله تكفين