قصة خدامتي المؤقته

هالقصه صارلها من قبل رمضان اللي فات بكم يوم
واللي هو فترة ولادتي المهم جبت خدامه نيجيريه مؤقته والله انحديت عليها لان عندي بنت صغيييره ويبيلها مراقبه المهم انا ساكنه بشقه وذيك الفتره كنت وانا نفاس نطلع انا وزوجي المستشفى لزوم الولد تطعيمات او شغلات المهم وكنت من غبائي اخلي بنتي معاها بالشقه بس الشهاده لله انها كانت ممتازه مع البنت وهذا اللي خلانا انا وزوجي نرتاح لها واصلا ما كنا ناخذ اكثر من نص ساعه
الزبده هالخدامه ما كملت اسبوعين الا ويفقد زوجي سلسالي هو كان رافعه هو على طول شك فيها واتفقنا على خطه انه يفتش باغراضها بحيث اني انا اخليها تنظف المطبخ من تحت الدواليب
الزبده رحت لزوجي بالغرفه اللي كانت فيها الا واشوف وجهه مسود وانا ذبت بملابسي وشفيك قال شوفي
كان الاقي سلسالي الذهب واسواره لبنتي ذهب وبخور من حقي واكسسوارات وملابس لعيالي الاثنين حتى ملابس ولدي الجديده
وكلوت لي انا وهذ موتني رعب
والادهى لقينا شغلات ملفوفه بقماش تقريبا سبع اشياء ملفوفه باقمشه ومثبته بخيوط
وياخذ شنطتها بملابسها وعبايتها وهي كانت بالصاله تكنس وانا بعد كنت بالصاله وشافته طالع باغراضها لعند الباب قالت اشفيه يا مدام قلتلها مدري اساليه<<< خواااافه
المهم ويطلعها من الصاله وياخذ بنتي ويوديها عند جارتي اللي زوجها عند زوجي عشان يساعده لو احتاج الامر..
لما واجهوها بهدوء الا وتبدا تصارخ وتنوح وتطلع اصوات مرعبه والله اني بغيت اطيح رعب
تخيلو الكارثه انها ركضت من عند الرجال وحاولت تدخل عندي بالصاله الا ويمسكونها ويدخلونها المجلس وينادون الشرطه عليها .
ما قدرو فيها يقول زوجي قوتها عن عشر رجال وانا والله شلت عمري انا وولدي واروح لجارتي المشكله اني نفاس يعني مو زين هالشغلات
المهم سجنوها وانا رحت لهلي باتلشرقيه على طول من رابع يوم شردت خرعانه تجي تنتقم والا اهلها يجون .
الزبده انه بعد ما ضبطو وضعها انا وزوجي تنازلنا .
وبس لكن حبيت اطرح هالقصه لانها كانت اول مره اخذ خدامه وان الله قدرني بتكون اخر مره حتى لو اجيب عشر عيال
وآآآآآآآآآآآآآآآآآآآآآآآآآآآسفه عالاطاله