قصة ريمـــا مع المرض؟؟>>> مكرر

مرحبااا بنات منتداي الغالي


بدخل بالموضوع دوووغري



هذي ياا طويلات العمر قصة طفله عمرها خمس سنواات



مريضه بشي ما ينعرف وشو



ولما نزلت لكم القصه


قلت يمكن فيه احد يعرف لها علاج او يعرف وش تشتكي منه



وهي بنت اختي



واسمحولي راح نذكر حيااتها كلها من يوم انولدة الى الحين



حتى تكونو بالصوره



والي تشوف انو القصه طويله وما لها خلق الرجاء تطلع بدون تجريح


والرجاااء الدعاء لها بالشفاء



لانو حتى الي يشوفها بالشارع يسأل وش فيها البنت


ورجاء خاااص لمشرفاتنا عدم نقل الموضوع لانو هنا اكبر تواجد


واكثرهم امهااات



والبنت من سكان الشرقيه



وهذي القصه على لسان امها



بسم الله نبدأ





يوم الاثنين1426/8/22هجري


رزقني الله بمولوده سماها ابوها ريماس


كانت ريماس ماهي مثل المواليد اللي يجون ناعمين ويهبلون يعني جات عكس ماتخيلته تماما


كان خشمها طويل كانت سمرا حمرا غير كدا ماتعرفون لها تحسون ان فيها شي غريب بس ماتدرون وش هو في نفس الوقت مايلفت الانتباه بشكل كبير


حمدت ربي انه رزقني بطفله تونسني بوحدتي لاني كنت ساكنه بمنطقه بعيده عن اهلي وزوجي دايم مشغول وماعندي جيران طبعا ريماس جات بعمليه قيصريه لانها جايه على مقعدتها


رجعت البيتي بمولودتي الجديده كنت احصنها في الصباح والمساء تقريبا اول اسبوعين بعدين بديت اتكاسل على فكره رضعتها صدري تقريبا اسبوعين بس لاني كنت اكره الرضاعه كنت جاهله كان ابوها يعقدني في كل شي اسويه لها خاصة شرب الحليب يقول لا ترضعينها الا كل ساعتين بتقولون صح كذا اقول ايه صح بس بنتي ماكانت تشرب الا قليل من الحليب وترفض الباقي وما اعطيها الا بعد ساعتين شاسوي كنت جاهله


المهم الحين صار عمر ريماس يمكن 4 شهور تصدقون لو اقول لكم اني ماحسيت بشي من ناحية امومتي لها لانه كانت حتى المناغاه ما تناغي يعني تنام تصحى تلبس تشرب نادرا وهي على الصامت


كنت اذا واجهت الحريم يقولون لي بنتك هاديه اقول لهم اصلا الطفل اذا شبعتيه ونظفتيه وشوله يبكي مسويه فيها فاهمه


امحق فهم انا اعترف اني كنت مقصره في رضاعتها بس والله كان من ابوها كان يقول لا ترضعينه الا كل ساعتين وانا من النوع اللي يسمع الكلا م ويطبقه بعد على فكره انا من يوم كنت صغيره احب الاطفال خاصة البنات اول ماعرفت اني حامل تمنيت انها بنت من كثر حبي لهن كانت امي تخلي اخواتي الصغار عندي وتروح يعني كنت اعرف اتصرف معهم حتى كان واحد من اخواني يقولي انتي بتصيرين احسن ام في المستقبل


المهم عمر ريماس الحين 6 شهور كنت البسها واحاول اناغي لها فجأه الا وطلع صوت ريماس كانت تناغي بسيييط وقفت بعدها باربع خمس ايام تناغي يعني مو دايم تذكرت خواتي الصغار كيف كانو يتجاوبون مع اللي يضحك لهم ويلاعبهم


عرفت انو بنتي غييير عنهم كلهم


المهم نقلنا البيت جديد وبعد شهر تقريبا


من نزولنا للبيت الجديد سافر زوجي مع العمل أنتداب المهم نامت في العصر وصحت بعد المغرب وكانت توها تتعلم تحبي


حبت لين راحت للسيراميك وهي تستفرغ وانتم بكرامه


واستمر معاها الاستفراغ والسهال لين وديتها المستشفى وعطوها علاج


بعدها بنتي دايم خملانه وتعبانه


رحت لاهلي وعمرها تقريبا 9/8شهور


وجلست عندهم كم يوم


كانت امي متجهزه تبي تروح لوحده عجوز وشافت ريماس ملبسه وقالت ابي اخذه معي قلت اوكي المهم راحو امي وبنتي للحرمه وبعد يمكن ثلث ساعه جات امي تبكي وتقول لي بنتك تعبانه بنتك بتموت بنتك فيها العفنه ماستوعبت من كلام امي وقتها غير كلمتها يوم تقول بنتك بتموت مدري وش صارلي وقتها بس مسكت نفسي وقلت لها ليه وش فيها قالت لي بعد ماهدت انو العجوز كانت تعالج البزارين زمان وشافت ريماس وقالت العفنه واضحه من نظرات عيونها


المهم كنت متفقه مع زوجي انه يجي ياخذنا نروح لبيتنا قالت لي امي لا تروحون العجوز تقول لا تخلينها تروح جيبيها واكويها كلمت امي زوجي واستاذنت منه علشان تكويها


وافق بدون تردد رحنا للعجوز عشان تكويها


اخذتها العجوز للمطبخ عشان تكويها عاد ريماس طول عمرها هاديه ما تعرف شي المهم كوتها العجوز وهي تصارخ صراخ ما توقعناه لان ريماس هااااديه وما تبكي من اي شي بتقولون الكوي مو اي شي بقول لكم ريماس كانت نادرا ماتبكي المهم انا كنت ساعتها برا المطبخ لاني كنت ما ابي اشوفها وهي تكويها


ولاني بعدكنت حامل المهم صارخت ريماس ورحت اركض لها كانت امي ماسكتها للحرمه عشان تكويها والله يوم دخلت عليهم لقيتهم خلصو من الكوي بس اللي استغربناه كلنا نظرات الحقد من ريماس على امي اعرف الاطفال يخافون من اللي يسوي فيهم كذا بس ريماس واااااضح انو حقدحقد فظيع بعد المهم من البكره بدت تدهور حالت ريماس بشكل ملحوظ منها اسنان ومنها شي يوجعها عجزنا نعرفه ومنها البراز وانتم بكرامه كانت ماتتبرز دايم الا نادرا بس لمن يبدا معاها البراز كلنا ندعي انو ربي يطلعه منها لانها كانت شبه ولاده كنت ادهنها بزيت زيتون واشربها بعد بس برضه ما فيه فايده كنت يوم اشيلها كاني اشيل قطعة قماش مو انسان وكانت الاكل ماتا كل ولا حتى تشرب حليب الا ناااادرا قعدت عند اهلي يمكن شهرين وريماس حالته في تدهور ما أذكر اني فكرت مجرد تفكير اني ارقيها اذكر اني كنت اقرا عليها المعوذات عشان برازها يطلع بس او كرقيه شرعيه عشان ربي يشفيها ابدا كنت جاهله بمعنى الكلمه


بعد فتره من مراجعة المستشفى بدت تتحسن حالت ريماس بشكل بطئ جدا وطلع لها اسنان4




بدت تتحسن حالتها وبدا برازها ينزل بشكل عادي بس بعد ماصرف لها الدكتور اقوى ملين للبطن تذكرت حاجه كانت اذا تبرزت وانتم بكرامه احيانا يطلع شعر يمكن شعره شعرتين بالاسبوع تقريبا قبل لاولد باسبوع او اكثر مشت وكان عمرها وقتها سنه وتسع شهور


واول ما مشت كانها لها فتره تمشي يعني ما هي مثل الاطفال اول مايمشون يطيحون لهم كم طيحه لا ريما غييييير بس الغريب فيها انو كان فيها خوف موو طبيعي يعني كانت تمشي فالبيت عادي حتى الركض تركض بس لما كنا بنطلع من البيت كان على حافة الباب خط لونه بني زي العتبه لاكن ماهو عتبه كنت اشيلها لين تتعدا ذاك الخط بعدين تكمل طريقها عادي غير كذا مره رحنا للمجمع وكان بعض الارضيه زي ارضيتنا وبعضها لا


طبعا هم منسقينها بشكل حلو كانت ريما اذا شافت اللي زي ارضيتنا تمشي عادي واذا الارضيه الثانيه توقف مكانها وتبكي


المهم


رزقني الله بولد والحمد لله عرفت انو ريماس كانت صدق تعبانه لانه حركاته طيحاته نظراته ظحكاته كل شي فيه طفولي بعكس ريماس تماما المهم واحد من اصحاب زوجي قاله غير اسم بنتك لان معناه صغار الجن قالي زوجي هالخبر وفتحت النت ابحث عن معناه لقيت كل معانيه ماهي زينه وزنيييييييت فوق راس زوجي فتره لين غيره وصارت ريما بدل ريماس المهم كبر اخوها وصار يجذبنا بحركاته


وكأنه اول بزر لنا لان ريما لحد الان وهي حركتها قليله جدا غير كذا ماتتكلم وما تعرف شي مثلا ارمي المفتاح اقولها جيبيه تقعد تناظر فيني وكاني ماأرسلتها كان زوجي يشيل ولدي ويلعب معه وكانت ريما تناظر فيهم كنت اقول الزوجي حرام عليك العب مع ريما بعد يقولي لا ماعليكي ماتعرف ولا تحس تركت ريما الرضاعه نهائيا وبدون سابق انذار بعد فتره وبدت تتنفس بصوت عالي لاحظنا كلنا صوت تنفسها غريييب


وفجاءه/ كان شعرها منفوش وكثير وكانت ترفض وتصيح اذا مشطته يعني كنا كل يوم نتهاوش انا وريما وكانت ماتحب المويا كان واضح فيها الخوف من المويا بشكل فظييييع كان الخوف هو اللي مسيطر على حياتها وهي عمرها تقريبا سنتين كل ما اطلع برا الشقه كانت تبكي من الخوف واضح فيهااخوف تبي الشقه بس وكل ما كبرت وكبر اخوها حسيت بفرق وكل مالي اتاكد انو ريما تعبانه


بدينا انا وزوجي ننتبه لريما ونراجع فيها المستشفى وتعرفون المستشفى تمر السنين وهم ماخلصو مواعيدهم


وبدأ ابوهايعلمها تنطق اسم ابوها وكانت لما تنطقه يطلع


صوتها كانها تعرفون لما احد يتكلم ويسكر خشمه يعني يكون الصوت مخنوق وكانت زي كذا وكان اذا سالناها ترد علينا نفس السؤال يعني كنت اسألها وأشر على ابوها اقول هذا مين ترد نفس الكلام اللي قلته يعني ماتعرف تجاوب مرت الشهور ورحنا زياره عند اهلي ويوم شافها اخوي وحالتها ماتعجبه وقرر انه يجيب لها شيخ يقرا عليها وبدون علم زوجي لانه كان رافض انه يوديها يقول بنتي فيها تاخر نمو فقط ويبغالها مستشفى بس المهم جاب اخوي لها الشيخ قبل لانرجع البيتنا بيومين قرا عليها الشيخ بعد ما خلص قال البنت فيها عين حاااسد ولازم تتعالج لمدت 7 ايام قاله اخوي قاله اخوي هم بيسافرون بعد يومين قال الشيخ عالاقل خلوها 3ايام لان البنت تعبانه


المهم رجعنا لبيتنا وماقلت لزوجي عن كلام الشيخ المهم بديت ازن فوق راس زوجي عشان يوديها شيخ واخيرا اقتنع زوجي بالشيخ وداها امام مسجد وشرحناله حالتها وانها اذا ارسلناها تجيب الحاجه ما تجيبها قال الشيخ ارسلها الحين تجيب المنديل هذاك كان فيه كرتونين مناديل في المصلى واحد فاظي والثاني مليان المهم ارسلها ابوها وراحت ولاول مره تروح لما نرسلها ناظرت في الفاضي وتركته وراحت للمليان وجابته


وقرا عليها وقال انا مادري وش فيها بس حاول تعرضها على طبيب نفسي لانها احتمال غيره من اخوها رجعنا لبيتنا وكان زوجي يقول لي شفتي البنت ما فيها شي بس يبغالنا نهتم فيها شوي وشال من راسه انه يوديها شيخ مره ثانيه المهم بعد فتره رحت لاهلي وقبل لاامشي من عندهم 10ايام وديتها حرمه تعالج الاطفال وناظرت فيها ودهنت بطنها واطراف اصابعهابزيت زيتون وقالت البنت فيها وخيت الورعان قلت لها وشهي ذي بعد قالت في ناس يسمونها العفنه وقلت لها انا وديتها شيخ ويقول فيها عين قالت العفنه احيانا تجي من خلال العين المهم عطتني لها اعشاب اخلطها واروشها فيها لمدت 12يوم وبعدها ترتاح اسبوع وبعدها اروشها عشره ايام المهم اشتريت كميت اعشاب كثيره وخلطتها عند امي لاني ما ابي زوجي يدري عنها ورجعت لبيتي وبدت مرحلت علاج ريما تبهذلت معها من نا حيه ريما ما تحب الترويش ومن ناحيه ابوها مايدري عن شي ومن ناحيه ثانيه لازم اروشها بالاعشاب في الليل والفها في شرشف لين الصباح وبعدين اروشها في الصباح بمويه عاديه يعني كانت معاناه انتهيت من فترت العلاج الاولى وارتحت لاني لاحظت انو تعبي ماراح هدر حسيت بتحسن ريما وبشكل ملحوظ لدرجت زوجي كان يقولي شفتي مايبغالها شيخ ولا شي يبغالها اهتمام فقط المهم المرحله الثانيه من علاج ريما خلصت بعض الاعشاب وانا بعيده عن اهلي وماعندي احد ارسله يجيب لي الاعشاب الا زوجي وزوجي مايدري عن السالفه ولو يدري بيزعل علي المهم تركت العلاج بس اهتمامي بريما ما تركته قالت لي وحده لاتتركين صلات الليل وبديت احافظ على صلا ة الليل وادعي من قلبي ان الله يفرحني بشفائها وبنطقها بديت الاحظ بعد فتره انو ريما صارت تحب تتروش بس برظه فيها نسبه خفيفه من المويه وبدت ملامحها تحلو وبدت حركتها اتزين وصوتها بدا يطلع حلو صح ما كانت تتكلم بس كانت تورطق كانت ما تعرف تطلب المويه الحين يمكن ماتقول عطوني مويه بس كانت تقول مويه يعني حمدالله فيه تحسن راح زوجي في سمرة شباب واحد من خوياه يقول لهم قصة واحد لما راح للشيخ وقرا عليه واستفرغ اوراق يقول كانت قراءة الشيخ قويه له المهم زوجي سأل خويه عن اسم ومكان ورقم الشيخ ورحنا له رغم الشيخ ماكان في نفس المنطقه اللي احنا فيها دخلنا بيت او خلوني اقول قصر الشيخ لانه كان كبييير جدا اول ما دخلت ماارتحت المهم جادورنا وشرحنا له حالة ريما وعلى طول ناظر فيني الشيخ وقال انتي محسووووده واذا حملتي وجبتي بنت بتصير مثل ريما اذا ما تعالجتي سالني كذا سوال عن الدوره وتاخرها والام الضهر وكل هذي الاسئله صارت لي فعلا قرا الشيخ علي انا وريما وعطانا زيت لريما يقول تشربونها وتدهنونها منه وتجوبونها لي بعد 3ايام استمريت انا على الزيت اشربها وادهنها منه وكالعاده يسحب عليه زوجي ويقول هذا ماعنده سالفه


اتجهنا للمستشفى وسوو لها التحاليل الازمه وكلها سليمه ولله الحمد قالنا الدكتور والله عجزت اعرف وش فيها لاكن ابغى احولكم على مستشفى ثاني كنت عارفه انو المستشفى اللي حولنا عليه فيه دكتور نفسي عشان كذا وافقت بدون تردد لين الحين وحنا في مواعيدهم



بعض النقاط المهمه


عمر ريما الحين 5سنوات 10شهور


الحمدلله من اجمل البنات اللي في عمرها ماشاءالله عليها شعرها صارت تحب تمشطه لانه صار ناعم


تنفسها لين الحين وبصوت مرتفع لدرجة اذاواجهت اي احد يسألني هي عندها ربو او هي مريضة في القلب


حركتها الحين بزياده وصارت تظرب


صارت اذا شافت ابوها يلاعب اخوها تجيهم وتقول بابا هذا خلاص يعني جا دوري الحين تذكرت بداية تحسنها كنت ارقيها كل ليل اذا جات تنام وكانت لما اقرا عليها شوي وتموت من الضحك كانت تضحك بشكل فظييع


وتنظر فيني نظرات غريبه


الحين لا لما اقرا عليها تصير خملااانه ونعساانه وتتقلب عيونه احيانا


وترى البنت الى الحين كلامها مو مفهوووم ابد وهي كبيره

وعدوانيه مره





وسلامتكم يالغوالي