جيهان g :

اما انا قصتي قصه اول مره اقولا بتمنى ما تخلوني اندم اني كتبتا حتى البنات يلي بعرفهن بلمنتدى وبتراسل معهن اول مره يسمعوا فيا زوجي بكون ابن خالتي وخالتي تعتبر عند اهلها ميته لانا تزوجت غصبن عنن ( اتزوجت واحد من غير دينا لهيك اهلا اعتبروها ميته) ما كان يلا علاقه بلعيلتها ابدا بعد زواجا الا مع اختا الكبيره يلي هي بتكون امي امي حنونه كتيررررررررر ما قبلت تقاطع اختا وخلفت خالتي ومرت السنوات وكبرت وكبروا اولادا كانت تزورنا عفترات واحيانا اولادا وبناتا يزورونا معها من من ضمنن ابنا الكبير يلي كان عطول عنا بلبيت كان حبيب اخواني بحبوه كتيييييير ومعتبرينه صديقن واخوهن وامي وابي يعبتبروه ابن يلهن صار فيه بيني وبينه حب حبينا بعضنا حب طاهر عفيف كان حلمي وفتى احلامي وكنت فتاه احلامه نسرق اللحظات حتى نحكي كم كلمه يكتبلي رساله اكتبله رساله كنت صغيره ارسم قلب والونه واعطيه الورقه حب طفولي هو يعطيني ورده طول الليل وانا حاضنا واشمشم فيا يهدني شريط كاست هاد كان شكل حبنا تقولوا روميو وجوليت عبله وعنتر قيس وليلى اهلي ما انتبهوا ماخدين الموضوع عادي لان كنا حذربن انه ما نبين حبنا الوحيدين يلي بعرفة في الموضوع هنه اهله خالتي وبناتا وهنه كانوا وسيله الاتصال بيني وبينه في الاوقات يلي ما كان يزورنا فيا ويوم اجاني عريس متل اي بنت هو عرف قرر يخلي خالتي تفاتح امي بلموضوع وامي اول ما سمعت كلام خالتي طار عقلها طردت خالتي من البيت قالت يلا انتي بدك تخربي بيتي واولادي وابنك يدبحوا بعضن وكان يوم ما يله اخر واكلت قتل ما بياكله حمار بمطلع الكل كان يضرب فيني كسروني تكسير ما حدن حاول ينقذني منهن لولا جاره يلنا سمعت الصوت ودخلت طلعتني من بين ايدهن غير التهديدات غير نقتلك ونقبرك وووووووو يعني التاريخ عاد بعضه والعيلتين اعلنوا الحرب عبعضن بيت خالتي يقولوا غير ناخدا واهلي يقولوا عجثتنا ومراسيل بيناتهن شي وسايط وشي تهديدات لبعضن طبعا امي وابي لاموا خالتي على اساس هنه الوحيدين يلي وقفوا معا لما تزوجت وما قاطعوها وانهن دخلوها بيتنا هي وابنا وانا غدرت فيهن غير بيت جدي يلي تشفوا بامي وقالوا يلا قلنا يلك ما تدخليها بيتك لا هي ولا اولادا ما سمعتي الكلام ليكن شو عملوا فيكن قلبوا راس بنتك مواقف كتيره صارت بدا كتاب لتنكتب فيو مره يقولوا عني مسحوره سحرني ابن خالتي مره مجبوره ومهددني وكلااااااام كلاااام الى ان اهلي عجزوا فيني لاني مصره بحبه وبدي اتزوجه صار المقربين من اهل ابي يقولوا يلن زوجوها بلا حدن من اخواتا يدبحا وتروحوا فيا او يدبح ابن خالته وساعتا تنكتبوا في الجرايد وافقوا مجبرين على الزواجه خافوا اهرب من البيت واتزوجه متل ما عملت خالتي قالوا نرضى بلاها فضايح وكان يلي اخ مسافر ببلد اجنبي تفكيره ما كان مختلف عنهن اجى من السفر وقف معي وساندني وقال خلص نزوجا هون اهلي ما صار قدامن غير يوافقوا بس بشرط اني اضل عديني وما اغيره وفعلا اتزوجت وحضروا الزواج وشوي شوي اهلي صاروا يتقبلوا الوضع وصرنا نزورهن ويزورونا خلفت نشكر الرب بنت ولد وليكنا عايشين علحو والمر وعلاقتي بأهلي قويه كتير بحبوتي كلن وبحبوا اولادي وزوجي

اما انا قصتي قصه اول مره اقولا بتمنى ما تخلوني اندم اني كتبتا حتى البنات يلي بعرفهن بلمنتدى...

الملكة ام عنترة :

بحكم عملي مرت علي قصص كثير مشابهة انصحك ما تردي على اسئلة البنات في المنتدى

بحكم عملي مرت علي قصص كثير مشابهة انصحك ما تردي على اسئلة البنات في المنتدى