قصة زواجي ..

عاشت أيامكم يا جماعة الربع
شرايكم تطلعون من جو الكآبه شوي وتعيشون معاي احداث هالقصه الفنتكيه واللي ناقعه في جهازي من سنة 2001 ولا هاين علي احذفها واستااانس عليها لما اقراها كل سنه مره >>>> عشان يمديني انسى الاحداث وارجع احس بالمتعه في قرايتها خخخخخخخخخ

المهم اللي وده يتابع معاي حياه الله وتراها مش طويله ابد وخلونا نبدا

بسم الله


عبيد ... يا عبيد وصقه تعال يا ولدي أبيك بسالفه .
- سـ سـسـ سـ سم يبه >> مسوي فيها مؤدب أنا ووجهي
- سم الله عدوك يا ولدي.. يا عبيد اسمعني وأنا أبوك أنت ما شاء الله عليك كبرت وصار
عمرك الحين أربع وعشرين سنه وتخرجت من الجامعة وصار عندك وظيفة والحمد لله ماناقصك شي
>>> بدا قلبي ينغزني من هالاسلوب. الله يستر وش يبي ذا الشايب مني :huh:

الله مير يسلمك يايبه كل هذا بفضل الله ثم بفضلك
أقول انثبر بس خل اكمل كلامي >>> طرخ طاح وجهي
وما أظنك تبي تكبر ازود من هالكبر علشان كذا أنا قررت انك تتزوج وش قلت؟؟؟؟
أأأأأنا أنا أتزوج ؟؟؟!!!!
- ايه أنت تتزوج ليه وش ناقصك أنت وخشتك . ما شاء الله كبر اللـ........ وش اللي يمنعك
تتزوج ؟؟؟؟
بـ بـ بس بس بس يايبه
هاه وش بلاك قمت تبسبس تحس يامال الحتسه
بس يايبه أنا ماش ( يعني ماعندي سالفه )
وشلون ماش الله يمشي بطنك قل آمين .
يعني أنا يبه ماعرف شي في ذا السوالف >>> يعنني ما عمري غازلت ولا اعرف
للبنات

لالالالالالا ماعليك وأنا أبوك من هالناحيه تطمن يجي يوم تتعلم فيه . المهم تراي مواعد
ابوعليان اليوم عقب العشاء نمر عليه أنا وأنت مهوب تـنسى والا تروح تدشر مع سمرمدك
وتفشلنا قدام الرجال؟؟ شفني علمتك ترا باتوطا في بطنك .
طيب ابشر طال عمرك انشاء الله منب رايح أتحرك من مكاني الين يجي الموعد


يالله وش ذا الورطه اللي طحنا فيها الحين من اللي قال لهم أني ابي اتزوج افففففف والله
مهوب وقته ذا السوالف أنا فاضي لحرمه , وبيت, وغثه, ولا تتاخر, ولاتنسى تجيب معك الاغراض
ويوم تبي السوق ويوم تبي الدكتوره انا فاضي لها ولا فاضي لنفسي :eek: ..

الله اكبر الله اكبر....... هذا الاذان ياذن يالله قرب الموعد وهذا ابوي يناديني بروح
اشوف وش يبي .جالس أرقل من النكبه

يالله ياعبيد مشينا.. وين ؟؟ >>> قام ينتفض هالشايب وقعد يدور على شي يصكني
في خشتي

انا وش كنت اقول لك يالوح ماعلمتك اننا مواعدين ابوعليان عقب عقب صلاة العشاة

طيب تو الصلاة ماخلصت .. وليه العجله >>> هالمره صكني صدق على خشتي ببقس يحبه
قلبكم

انا ابيك تروح معي للصلاة وتقعد بالصف الاول جنب ابو عليان الله لايسلمك تراك ذبحتني
وجبت لي الضغط يالدلخ.... ابيك جنبه علشان يعرف انك تصلي ولا أنتاب من اللي تاركين
الصلاه ويوافق عليك.. امش قدامي مشت عليك تريله قل امين .

وسحبني مع قفاي وخذاني معه للمسجد ... ويوم دخلت للمسجد لقيت مكان بالصف الاول بس بعيد
عن ابو عليان >>> تخبرون مستحي منه ابو نسب .. صرت امون صح

وجلست بالمكان .. ولما جت عيني على ابوي الا عيونه حمر وشكله وده يلحقني قرأن بس حرام

.. وقام ياشر لي بعيونه على ابو عليان وانا طبعا لبيب افهمها وهي طايره ..قمت من مكاني
ورحت جلست عند ابو نسب... المهم خلصت الصلاة وجينا طالعين من المسجد .. ادور على نعالي
مالقيتها حسبي الله على حرامية النعال هذولا اللي ماسلمت منهم المساجد.. وانا قاعد ادور
الا والمح الوالد مع ابو نسب ويسولفون ويضحكون .. وبعدين تركوا بعض وجاني ابوي يركض
ويقول :

يالله مشينا الرجال يحترينا
لحظه يبه بس ادور على نعالي
لاحوووووووول وش اللي بلاني بهالولد الدلخ هذا ... وين راحت نعالك خلصني دورها زين
مدري يبه بس الظاهر ان احد من البزارين خذاها
طيب اسمع شف شف ذي النعال البسها وخلنا نروح يالله
بس هذولي مهيب لي يايبه
ادري انهم مهم لك بس خذهم ويالله
- !!! تبيني اسرق واصير سروق اخر عمري يايبه؟؟؟؟
افففففففف لا حول ولا قوة الا بالله العظيم . صبر جميل والله المستعان . طيب رح انقلع
للبيت بسررررررعه البس لك شي وانا انتظرك هنا بس لاتتاخر والا ذبحتك

طيب >> وأنا أصيح:icon33:

وطمرت مثل الذيب للبيت ولبست ذيك الجزمه ( الله يكرمكم ) اللي تلق وتلمع جديده كنت
شاريها ابيها للعيد بس يالله صارت من نصيب الخطبه ورشيت على روحي قزازة طيب كامله ولبست
شماغي الجديد وصرت حلو حلو حلو مرررررره ..المهم ورحت اركض الين ما وصلت بيت ابو نسب
ولقيت ابوي واقف عند الباب يحتريني.. وطقينا الباب وفتح لنا ولدهم الصغير صويلح واول
ماشافني صار يضحك علي ويقول : الدب عبيد جاء .. الدب عبيد جاء.ذ .. المهم قلتله تعال
منيب قايل لك شي >> ناوي أجلده:024: .. بس ابوي فكني منه وقال له رح طس قل لابوك الرجال
عند الباب.. وقام يركض وهو يصيح : يبه يبه الرجال وعبيد الدبي عند الباب يبونك..
شوي وجا ابوعليان حسبي الله عليه هو وولده يستقبلنا عند الباب وقلطنا في المجلس...
ورحب فينا الرجال وجابوا القهوه والقدوع( صحن تمر) وبداو هالشياب يتساسرون ويتكلمون
بينهم ويضحكون وانا قاعد على اعصابي ورجولي تتراجف والعرق يصبصب مني تقول كني ماصوره
منكسره , وبدا ابوي بالكلام...
- هذا يابو عليان ولدي عبيد ماشاء الله تخرج من المدرسه >>> قديم مايدري ان
اسمها جامعه

وصار رجال وقلنا نبي نزوجه على شأن يركد ويعقل >>> اقوم اتوطا في بطن هالشايب
.. ودي بس اعرف من اللي قايل له اني مهبول علشان يبيني اركد

وقلنا عاد مافيه غير ابو عليان نلقى طلبنا عنده وينتشرف بنسبه
ايه حياكم الله يابو عبيد والبنت بنتكم والولد ولدنا وابشرو باللي تبون
قمت قربت من ابوي وسالته هالسؤال: >>> طبعاً بدلاخه

يبه ابو عليان يقول الولد ولدنا والبنت بنتكم ؟؟
ايه وش فيها ؟؟
افاااااااااا اجل كل هالسنين تلعبون علي وتقولون اني ولدكم وبالاخير تطلعون متبادلين
انت وابو عليان بالمستشفى وخذوا بنتكم وانتم خذيتوني لكم ؟؟؟
حسبي الله ونعم الوكيل فيك .. الظاهر انت تبي تموتني ناقص عمر ؟؟
ليه يبه سؤال بريئ جداً مافيه شي

تبرات منك هدومك قل امين بس.. نعنبوا بليسك الرجال مايقصد اللي انت فهمته يقصد شي ثاني
مير ما اقول غير الله يخلف على ام جابتك اسكت بس وانثبر. لا والله بذا البياله في و خشتك
..

واستاذنا ابو عليان وطلع يقول بيشاور البنت ويرجع لنا ..
وطول ماهو غايب وانا ادعي بقلبي واقول يارب ان هالخبله ماتوافق ونفتك بس يارب انها
ماتوافق يااااااااااااارب.. وفجاءه سمعت صوت زغاريد ووناسه وضحك .. معناته البنت وافقت
الله يرجها .. طيب طيب بنشوف انا والا هي؟؟

رجع ابو عليان وهو فاق خشته تقول كبوت سياره وسنونه متراصه تقول طابور مبزره عند مقصف
ويضحك ويقول مبروك مبروك البنت وافقت :icon28: >>> حسبي الله عليها

ورد عليه ابوي الله يبارك فعمرك انشاء الله .. ونغزني أبوي مع جنبي يبيني ارد عليه ..
وصرت اقول الله يبارك فيه .. مبروك عليكم انا ! وناظرني عقبها أبوعليان بنظره
حاااااااقده على الكلمه اللي قلتها لكن ابوي صار يضحك ويقول هههههههه الولد دمه خفيف
يابو عليان تراه يحب ينكت كثير >> داري انها في قلبه وده يموتني

لاتاخذ على خاطرك منه >>> عاش مصرف ...
الحين انا ودي بطريقه اني افركش هالزواجه بس مدري وشلون وجت في رأسي فكره قلت اجربها
يمكن تزبط معي.. قمت قلت لابوي:
يبه اساله كم يبي مهر لها العنز اللي نبي نأخذها ؟؟
اقول انطم بس خلاص حنا تفاهمنا على كل شي
طيب يعني كم يبون مهر؟؟
افففففف منك لازم تعرف؟؟
اجل لازم أعرف مهوب أنا اللي بدفع
طيب يبون مهر ستين الف ريال
اف اف اف اف اف وش دعوه ستين الف ؟؟؟ ليش وانا ماخذ باسكال مشعلاني من عندهم ؟؟
لالالالالالالالا غالي مره غالي خله يراعينا شوي >>> طبعا ارتفع صوتي وسمعنا
ابو عليان ...

وشوا اللي غالي >>> هذا أنت يابو عليان
المهر ياعمي
عمت عينك ليش انت ماتقدر عليه ؟؟
الا اقدر ونص بس للي يستاهلون :S_45: >>> تلاحظون انه فيه واحد ماعنده اسلوب بالكلام
.. اسلوبه داج

وبنتي يعني ماتستاهل؟؟
اقول لايكثر هرجك مالت عليك وعلى بنتك
افااااااااااا يابو عبيد انت سامعت ذا الثور وش يقول لي لا وفي بيتي بعد؟؟
وقام ابوي وانتفض وصفقني ببقس ثاني وسحبني للحوش برا وطب في بطني شوي وبعدين قال لي شف
يالهيس انت أنا برجع اتسامح من ابو عليان واعتذر منه .. واتفق معه وارجع اناديك .. لكن
والله العظيم ان فتحت خشتك بكلمه اني والله لذبحك واتبرا منك واحرمك من الميراث:angry2:
>>> تكفى انت وهالميراث اللي يسمعك يقول انك بتورثني الفيصليه والعقاريه وكم
محل ذهب وكم شاليه على البحر .. مادروا ان ماوراك الا الطفره

وش تقول انت؟؟
ابد سلامتك يبه ابشر بسوي اللي تبيه .. :09:



في الحلقه القادمه راح نعرف وش صار لما قررت اقابل العروس واشوفها؟؟

لو عجبتكم القصه بكملها:)