حسبي الله ونعم الوكيل

الحمد لله افتكيتي منه

معليش اختي ابوها ماغصبها,,,هي وافقت
والشين شين,,,سواءً ولد عم,,او غيره
سواءً اخذته مغصوبه,,,من اهلها,,او هي غصبت اهلها عليه

رفع

بعد الطلاق كلم عمي ابوي قال ان ولده مايبني وحاول وماقدر
ابوي جاني يسال وانا من غبي ساتره عليه
ماقلت له ولاقلت له واعتبرته صفحه وانطوت قصه قبل 18 سنه
لان ولد عمي تزوج وعنده بنت اسمها منى


جلست انتظر مدارس لاني اريد اكمل دراستي لانه حلمي الذي لاتحقق
للي في عمري حينها دخلوا الجامعه فاتني ثلاث سنوات من عمري ضايعه الحمدالله كل حال
درست اول ثانوي مع اختي صاحبه المعرف نجحت ودخلت عملي ومررره مجتهده
تزوجوا اخواتي الله يسعدهم
وانا خصلت الثانويه
جاني ابوي يمدح واحد من اصدقاه انه زين ومرتاح بس ماجاله الا ولد واحد
ماعد جاله شي
قلت يسولف عادي
وكل مره يقول انه زين ويمدح فيه
قالت امي مافهمتي قلت لا قالت هو خاطبك ويبيك وامي رافضه تقول ماتجي علي ضره
قلت برايكم
امي ماتبي انا مابي
ابوي هاوش امي قال من راح يتزوج بنتك اذا ولد عمها ماتحملها من راح يتحملها
اه اه اه يابوي كلمتك الي الان في اذني طلعتني انا سبب وانا للي ماحد يتحملني
بلاك ماتدري وش سالفه
ابوي اخذ يضغط عليه انتي كبرتي وانتي مطلقه وانتي وانتي
الي الاخير قلت له موافقه
امي زعلت علي وماعد تكلمني
قلت لابوي خلاص هونت
قال لا بكره ملكه ايام اول مافيه تحالييل جيب ملاااك وملك
قلت ابوي كيف انا لازم اتجهز توني كلمت رجل وجاي بعد العصر وبيدفع المهر روحي اشتري لك ذهب وملابس وبكره ملكه والخميس للي بعده العرس
رحت الاامي وهاوشتني
قال ابوي ماعليك منها واخذ يقول مو حررام ولاانتي اول وحده ولا اخرهم
من هذا الكلام
صرت في حيرة زعل امي وضغط ابوي علي
بنات انا مبرر لاني اخذت معدد لكن احكي لكم ضروف زواجي
رحت مع ابوي سوق وشريت ذهب وفستان ومكياج وعطورات كان سني جدا مناسب للزواج افضل من زواجي الاول كنت واعيه وفاهمه
جيت عند امي قالت خلاص اقنعك ابوك
قالت للي كلام يغث يارب يخليها كانت خايفه علي
دخلت الغرفة ابكي واخواتي كلهم هاجموني فضحتنا بزواج هذا
كنت ضعيفه ماعرف اقول كلمه
قام ابوي هاوشهم قال شرع الله عندكم اعتراض
تزوجت وشفت العريس كبير في عمره لكن اصغر من ابوي بشوي
كان كلامه واسلوبه رايع وقتها
كانت قول له كلام امي تريقت اخواتي كان يقول ماعليك خليك قويه مادام ماسويتي حرام
كان زوواج عادي ولا فرحت فيه يعني عادي جدا
سافرت مع زوجي ماقصر معي يحبني ويخاف علي ولكن من تذكر كلام امي واخواتي اصد عنه
جا وقت الاستقرار
قال بيتي كبير ومافيه الا انا وزوجتي ولد
بتسكني معي للي يقول لك شي انا عندك
علي بالي عادي اسكن مع زوجته
جيت عند امي واخواتي بعد السفر لانه بيروح عند زوجته
وتريقه للحين راماك ولاعد بيجي
من هذا كلام قلت للي امي بيفضي للي غرفة وبكره بروح واشتري غرفة نوم معه قامت امي تهاوش بتسكنين معها
قلت هو يبي كذا مايبي يبعد عن زوجته ولده قالت لا مابتروحي من هنا الا في بيت لك ليش هاينه نفسك وليش وليش دق الجرس علي اساس بروح معه اشتري غرفة نوم
قالت له امي ادخل ودخل قال البنت تبي بيت وماتطلع من هنا الافي بيت
زوجي زعل قال ليش وهي كانت راضية وكلم ابوي وجا ابوي وحصلت مشكلة كبيره بينهم ساعتها كرهت نفسي


ابوي وامي تهاوشوا بسببي
اه وش الحل
دخلت الغرفه بعيد عن صراخهم
جات اختي قالت ليش انتي ماعندك راي امي معها حق خلي زوجك يجيب لك بيت تعيشي في بيت لك
بعيد عن مشاكل لان لو سكنتي معها راح تكون غيره مشاكل وانتي تبين ترتاحين
قلت لي اختي قلت لزوجي قال صعبه ابعد عن زوجتي ولدي
قالت للحين يتحجج بزوجته
جا اخوي اعطاني تلفون وكلمت زوجي وهاوشته والله ضغط علي قلت له ماعد ابيك امي وابوي تهاوشوا بسسبك
امي زعلت تقول انت تحارش ابوي عليها
قال بجيكم للحين
قلت لا تجي ابي بيت ولاطلاق
قال خلاص بنتفاهم
جا ء و امي كانت متعصبه مرره قامت بتطرد زوجي لكن اختي مسكتها
وانا كرهت العريس بسبب مشاكل
جاني ابوي يقل البسي العباية زوجك ينتظرك برا قلت له ماعد ابيه
قام يقوا للي انتي ماعذ راي وامك واخواتك يلعبن فيك
دخلت الغرفه عند اخواتي ابوي علي باله بالبس العبايه
قالت اختي لو تروحي ووامي زعلانه ماعد ترضى عنك اه اه اه ابوي ينتظر البس العبايه
دخل ابوي ليش مامشيتي قلت لا مابطلع وامي زعلانه
قال تري راح يطلق وطلاق لي مره ثانية مو في صالحك عشت هم فكرت فكرت امي اهم منه لو يبيني ماراح يطلقني
ومارحت وابوي يهاوش ودخلت علي امي غرفتها وحبيت راسها وانا ابكي قالت والله مابي الا ان تعيشي بعيد عن الضره ومشاكل انتي ضعيفة ماانتي مثل اخواتك
لاني كنت طيبه علي نياتي
راح زوجي اابوي همه ان ماتطلق كاني افه اوعار
اليوم ثاني المغرب جا ء زوجي يبي اشوف شقة كانت بعيده عن اهلي قلت له ابيها تكون قريبه عند اهلي يوم للي ماتكون فيه ااروح لي اهلي
قال كفاية ماجاني من هلك زعلت ليش تقوول كذا هو مايبي يزعلني قال لانهم ماخلوني اخذك وماقدرت بارح انام بدونك
ا
ستاجر شقة قريبه من هلي واثثتها بذوقي وسكنت وعشت فيها احلي ايام عمري
جا يوم للي تعرفت علي زوجته قال لازم تزورك وتزورينها قلت ماعندي مانع كنت مرررره مسالمه
قال كلميها وقولي لها بجيك ق
كلمتها ورحبت فيها رحت لها وقهوه طبعا زوجي دخل مجلس مايبي يجلس معنا يبي ناخذ راحتنا
قامت تقول زوجي ماتزوج الا علشان عيال وانا ماجبتي بطلقك وبيجيب غيرك ماعرفت ارد سكتت خلصت زياره قلت نادي زوجي ابي اروح لان قعده تجيب مرض حتي هي متضايقه من وجودي
دخل وجلس جنبي وقال راح تتعشي معنا قلت لا ابي اطلع بيتي رفض وقهرني وجو متوتر قال تتعشي تنامي هنا بعد
زوجته دخلت مطبخ ووانا ترجاه يوديني بيت
فكرت كيف لوسكنت زين انه اخذت بيت
قال بعد العشاء طبخت عشا ء وانا علي اعصابي مابي تتطلع وتشوف زوجي يسوي حركه اوي شي
طولت في مطبخ طلعت قامت تصيح طلعها من بيتي لا اشوفها انا خفت اخذت عباتي وطلعت
هو لحقني ورجعت بيت وماقلت لي اخواتي لي زيارتي لها وكانت اول واخر زياره اشوفها من بعيد في مناسبات
تاخرت الحمل وتعالجت وحملت وجبت بنتي الكبيره
بعد الاربعين رفض استخدم موانع وحملت وجبت ولد وثم تميت سنتين وجبت ولد الحمدالله هم دنيتي
ام محمد زوجة الاولى هجرها زوجي بسبب مشاكل بينهم مالي فيها أي دخل لان جميع يلمني انه انا اللي خربت بيتها زوجي توسع تجارته الحمدالله عايشه مرتاحه ولكن ام محمد تتطلقت من زوجي بعد سوى لها بيت في قرية قريب من اهلها لان ولد محمد معها
الحمد الله من شخصيه ضعيفة مهزوه الي شخصيه قويه لان بنتي اولد في متوسط وعندي الان خمسه ربي يحفضهم

ياحياتي انتي