منسمة كول :

كنت ارجع من المدرسة واحط دا زوجي اللي تسويه مرت اخوه وطبعا هي في البيت بالضبط زي الشغالة واقل مسكينة وكانوا يبغوني اسير زيها وهي على بالها اني حاحاول اسير مثلها فخافت اني اسحب البساط من تحت رجليها لانها من ناس يبحوا المدح والكلام اللي ينقال في المجالس بس . ماحاولت الا اني اشتغل زي اي فرد في البيت لكنها كانت تصدني في كل مرة وما تبغاني اسوي شي وكنت آخذه على حسن نية خاصة لما تقول لي روحي ذاكري . عشت في عالمي وما كنت اعرف ايش اللي يدور وراي لحد يوم جات خالته من قريتهم هي وبناتها وساروا يناموا في بيت اهل زوجي وخالته هدي كانت حاضرة زواجي ونايمة مع بناتها في نفس البيت وسووا ليه تحقيق صباح زواجي وكنت اشوف الكره في عيونهم بس ماني فاهمة حاجة.. المهم رحنا الزواج اللي قلت لكم عليه ولما رجعنا ونمنا قمت الصباح نزلت عندهم ولما خلص الغداء طلعت اصحي زوجي لكنه كان قالب عليه جدا ومتضايق مني وكارهني . طنشته ونزلت لكن لاحتط يزيد ولما ناقشته قال لي ان الحريم بيقولوا اني ما ابغى ابو زوجي يجي لغرفتي وما ابغاه يدخل علي! اللي كان حاصل هو اني لما اطلع غرفتي يجي ابو زوجي ورايه مباشرة ويقعد يصرخ ويهاوش ويقول كلام ماله داعي ابدا لحد ما انزل حتى لو عندي اختبارات لازم انزل اقابل وجههم مع انهم كانوا يتهربوا مني لما يشوفوني . ومرة جاني وكان عندي اختبار صعب وهزأني كالعادة ونزلت ونزلت كتابي معاي وطبعا مكاني انا ومرة اخوه هو المطبخ حتى مافيه مكان نجلس فيه سألتني ليه نزلت قلت عشان خالي ما يجي يهاوش قاما نقلت الكلام على اني ما ابغاه يدخل غرفتي!شفتوا الحريم؟ طبعا انا غبية وما انتبهت ومشيتها والخافي اعظم. كانت ام زوجي تدرس في محو الامية العصر وانا ممنوع علي انام اما اخت زوجي فكانت تنام لما نرجع من المدرسة ولما انزل وما الاقي خالتي اسأل عنها وما احد يديني خبر ما ادري ليه؟ بعد فترة اكتشفت انها تدرس وما يبغوني اعرف! زوجي كان يشتغل في دوامين وانا عايشة مع ناس كارهتني وانا كارهتها لكن والله لما يبتسموا ليه انبسط وانسى كل حاجة لكنهم ما يبتسموا الا لما يبغوا ياخذوا مني معلومة وما انتبهت لهدي الحاجة الا بعدين . لما ابغى اطبخ ترفض زوجة اخوه اللي 24 ساعة في المطبخ وما تبغاني المس حاجة وتسوي الاكل للرجال بس ولو بقي حاجة تقدمها لنا وانا نفسي شينة وما احب اكل الا الحاجة النظيفة فنحفت وساءت صحتي وهو ياكلوا بعد اولادهم . اللفطور يتسوى الحليب للأولاد بس ولما ابغى اسوي لزوجي سنوتش تديني امه حبتين جبن بس طبعا هم مسكرين على كل حاجة في غرفة فيها ثلاجة ومفتاحها مع ام زوجي. يعني تقشف وبخل خاصة على الحرمة اللي تسميها خالتي (الجزمة) اعزكم الله. زوجي كان يديني فلوس للمدرسة وكانت الوجبة الوحيدة اللي اكلها عدلة هناك وسارت اخته تشوفني وتبلغ امها وسوت لي فيلم لحد ما صار زوجي يقطع المصروف عني. وكانت تقول هذي فلوسنا كيف تلعبي فيها كذا؟ وطبعا حرام عندهم لو احد جاب اكل من برا يكون عامل جريمة لكن زوجي كان يخاف الله فيني فيجيب لي احيانا سندوتشات بالدس وكانوا حاسين فصارت امه توقف له وتسأله ايش جايب جوا الملف؟؟ كانوا الحريم في البيت يطلعوا عليه كلام ويشهد الله اني بريئة منه ومن ضمن الكلام اني ما اغسل ملابس زوجي وما كنت اعرف الا لما صار موقف جا في غترته بعقه مو راضية تروح فاخذها للمغسلة وهو طالع شافت امه الكيس معاه وسألته ايش فيه فقال لها السبب راحت قالت لابوه وجاء وهزأني وقال احنا عارفين انك ما تسوي حاحة حتى ملابسه ما تغسليها وقعدت ابكي لانه حتى شراريه والله اغسلها واكويها. جا زوجي وانا ابكي وعرف السبب راج وجاب الغترة من غسالة امه وتضايق لكنه ماكان يقدر يقول لهم ولا ربع كلمة. طبعا ام زوجي كانت دااااايم تقول ان البنت لازم ما تقول لاهلها حاجة عن اللي يصير في بيت زوجها ولا مع اهله وعشان كنت صغيرة صدقت هذاا لكلام واستغلوه اسوأ استغلال. بعد3 شهور حملت بولدي الاول ولما شاف زوجي كيف نفسيتي تعبت رجعت نقلت للمدرسة اللي عند اهلي ورجعت عندهم باقي فترة الحمل وولدت عندهم وكنت قررت الانفصال مع زوجي مع اننا كنا متعلقين في بعض. بصراحة انا ما كنت كتعلقة فيه مرة يمكن عشان المشاكل لكن كان تقريبا يواسيني وحاس بمعاناتي ويحاول يداريني من وراء اهله مع انه كان يجبرني ابوس على روسهم حتى لما هو يغلطوا عليه انا اللي لازم اعتذر وكانوا يتضايقون مني ويبعدوا راسهم وهو يجبرني ويذلوني ذلة! لكني تعلقت فيه عشان هو الوحيد اللي الجا له بعد الله خاصة اني ما الحق اشوف اهلي وما اقدر اقول لهم حاجة.

كنت ارجع من المدرسة واحط دا زوجي اللي تسويه مرت اخوه وطبعا هي في البيت بالضبط زي الشغالة واقل...

منسمة كول :

حاولوا اهل زوجي انهم يزوجونه لكنه كان يرفض بحجة ان الناس كانت ترفضه قبل يتزوجني وفعلا صاروا الرجال يخطبونه لما شافوه قدر يطلعني في بيت خاصة اللي خطب منهم ورفضوا .ومنهم خالات زوجي رفضوا يزوجونه بناتهم مع ان الولد عاجبهم لكن يعرفوا اهله ولما مشيت معاه ومع الكلام المبهر حق اهله صاروا يبغوا الرجال باي طريقة. وانا كنت اقول له اني اتمنى يتزوج عشان الاقي حاجة تسوى واتركه واتزوج واحد ثاني وهالكلام من قلبي وهو عارف . خلصت الدراسة وابوه كبر وماعاد فيه حيل للمشاكل لكن اقول كلمة حق ابوه طيب وكان يزورني لما اولد في اولادي الاولين ولما تعب في بيتي يجيني وكان حنون بس الحريم يغيرونه. زوجي كان غيوووووور جدا وما بانت غيرته الا لما طلعنا في بيت مستقل وكان ما يبغاني اشيل السماعة ولا اطلع للسوق الا للضرورة القصوى ولا اسلم حتى بلساني على اخوانه. وانا حامل لقيت جواز السفر حق زوجي واكتسفت انه كان صاحب سفريات قبل الزواج لكم بلد منها الفلبين والبحرين والهند ...الخ ما دري لحد الحين اني لاقيته ومشيت حياتي طبيعي معاه.لحد مرة زادت به الغيرة والشكوك فقلت له: انت كنت صاحب معاصي وخيانات؟؟؟ طارت عيونه واستغرب كلامي.زقلت ما يشك هالشك كله الا اللي مجرب! خف علي كثير بتكراري هالجملة. كل شي ممنوع التلفزيون(كنت تاركته قبل اتزوجه) الفيديو وحتى قناة المجد لكن مع الوقت قدرت بفضل الله اني ادخل اهلي في المواضيع وكانوا خير عون لي في كل شي بعد الله. ابويه اهداني كمبوتر بعد ماكان زوجي رافض اجيبه وابتدا زوجي يلين شويه شويه .. الجوال كان رافضوا ولا يزال لكن اهلي جابوا لي هو ويسددوا لي الفواتير وكمان الشغالة يقول مايبغى يجيبها في ذمته بدون محرم وابويه يجيبها لي الله يخليه لي وترى ابويه حاس بالذنب من هذي الزواجه فيبغى يوفر ليه اي حاجة كتعويض الله لايحرمني منه. دخلت المجد في بيتي واولادي كبروا وصاروا يساعدوني على ابوهم.وهو خف كثيييييييير عن اول لكن لايزال عنده بعض الصعوبات . اكثر شي خسرته هو حبي لزوجي انكسر وبقوة وماعاد زي اول ودحين انا عايشة معاه من باب تأدية الواجب لا اكثر ولا اقل ولا تظنوني مش مرتاحة بالعكس انا دحين مرتاحة جدا جدا والحب هو اللي ودى الحريم في داهية وخلاهم يذلوا انفسهم وهو اللي كان مخليني متنازلة عن حقوقي لكن الدنيا علمتني صح. هذا مختصر قصتي والمعاناة استمرت ماعايه اكثر من 10 سنوات ضربتني فيها الدنيا على راسي لحد ما قلت آمييين لكن طلعت بدروس كثييييير . انتهت القصة باختصار شديييييد .

حاولوا اهل زوجي انهم يزوجونه لكنه كان يرفض بحجة ان الناس كانت ترفضه قبل يتزوجني وفعلا صاروا...