بسم الله الرحمن الرحيم
اليوم قررت اكتب قصتي من الزواج الى الطلاق وما أعقبها
اولا:اناوحيدة اهلي مالي خوت بس لي خوان الله يحفضهم وكنا عائله محافظه مانعرف القصير والبنطلون
كنت ساكنه في بيت العائله مع الجد والجده الله يرحمهم ومع الأعمام وزجاتهم والعمات واولادهم وبناتهم 00
انخطبت وانا بأول ثنوي وكنت مبسوطه ووالله مدري وش الزواج المهم كنت مبسوطه
ثانيا:ابي اكلمكم عن الي خطبني واهله>>>كان يدرس بأمريكا والى يومكم مدري وش دراسته 00اهله كانو على قولتهم عائله ارستقراطيه خخخخخ فيهم عرق اجنبي مع انهم من نفس قبيلتنا وابوه كان له منصب وشخصيه مهمه بالدوله واختارني لانه يبغى بنت محافظه كانو ياكلون مع بعض رجل ونساء وهذ صدمني،وكانو ياكلون بالشوكه والملعقه وانا ماعرف استخدمهاخخخخخ والأدها والامر كان نسائهم يدخنون واول مره شفت الدخان مع زوجي
يوم انخطبت الكل كان حاسدني ويقولون لأمي اش معنا هي بالذات وكانت امي تبتسم وتسكت لأنها مسالمه
ولا تعرف الملاسن
جابولي طقم الشبكه بخمسين الف وطقم ثاني باربعين والمهر ميه وخمسين الف ودبله واساور
امي الله يحفظها جهزتني بالي تقدر عليه وفصلت فستان العرس بخمسه وعشرين الف(لو انا بعقلي ماسويه بها القيمه وين يوفقني ربي )وزواجي كان بافخم فنادق الرياض وكانت اغنية الزفه هديه لزوجي من مطرب بحريني وكان اول مره يشوفني بيوم الزواج لاني كنت رافظه قبل الزواج(وهذاغلط لازم الخاطب يشوف خطيبته)سألته اخته وش رايك فيها ابتسم وسكت وهم كانو مسوين سالفه على النظره
وتزوجنا ورحنا شهر العسل لبريطانيا وامريكا(ميامي)وكانت اول مره اطلع فيها برا المملكه واول مره اركب الطياره واي طياره البريطانيه الدرجه الاولى اول مره اذوق طعم الكافيار وانبسطت بشهر العسل بس كنت احس بغربه وقلق منه لاني ماعرف اللتكيت ..........يتبع
نوف: @nof_92
عضوة نشيطة
يلزم عليك تسجيل الدخول أولًا لكتابة تعليق.
الحلوة ام الحلوة
•
طيب وبعدين
الصفحة الأخيرة