قصة زواجي ويمكن ما تعجبكم 😊/اكتفى بالردود

السلام عليكم ورحمة الله وبركاته



انا عمري الآن 36 سنة تخرجت من الجامعة وتعينت بمدرسة حكومية ابوي متوفي من زمان وأمي وانا عايشين عند اخوي خواتي الأصغر مني كلهم تزوجوا قبلي خواتي ثلاث وحدة كملت وتوظفت بعدي وتزوجت وثنتين ما كملوا بحكم زواجهم بدري انا كان يجيني خطاب بس كنت ارفض عشان دراستي المهم استمرت حياتي ببيت اخوي لين وصل عمري 30 سنة صرت احن ابي أصير ام لا تستغربون سبحان الله انا ما كانت تهمني في الحياة الزوجية هذاك الشي ولا كنت ابي حنان وحب من رجال اهم شي عندي أمومة وأطفال يمكن اكون غريبة ما اعرف المهم ومرة اخوي صارت تتضايق مني اذا اهتميت بواحد من أطفالها بزيادة وتطورت صارت ترمي نغزات وأشوف صور خواتي كل سفرة مع أطفالهم ( سفرات داخلية )وأصير أتفرج عليهم كثيير وخلال هالفترة كان يجيني معددين اللي معه 3 حريم واللي ثنتين كنت ارفض بعدين قلت بنفسي انا أصلا ما ابيه ابي اطفال بس ليش ما أوافق وكنت بتهور وأوافق على واحد عمره 60 سنة بس ما قدرت سبحان الله نفسي ما تقبلته وقلت بنفسي انا ابي خمس اطفال عفوا حسبتها لدرجة قلت أخلي هذا يجيني خمس مرات نفسي ما تقبلته ورفضت وصدفة قاعدين في استراحة المعلمات وزميلتي تسولف لي عن أخوها وانه عمره 31 متزوج وزوجته غاثته طلبات وهو ما عنده موظف بشركة وراتبه 3500 وهي تبي وتبي وتبي وهو يجيبها يتسلف منها وما يرجع لها وقالت لي بمزحة تبينه اخذيه قلت بسرعة لا إراديا جيبيه ابيه قالت تتكلمين صدق قلت اي وكلمته عني وسالنا عنه اللي وضح لنا انه خلوق ودين بس على قد حاله نسيت اقول اني من اول ما توظفت وانا ما اعطي احد أبدا من راتبي من اول يوم لي وانا اخطط ابني لي بيت كبير واعيش حياة كنت مخططة لها ببالي مع عيالي يمكن لو حلفت ما راح تصدقون أنها حياتي اللي اعيشها الآن ! المهم ما كنت احط ريال في البيت انا بنت واخوي ملزوم فيني الرجال قوامون على النساء ....... وبما أنفقوا من أموالهم كانت زوجته تتضايق بس انا مأخذه الموضوع ببرود وهي تلمح وانا مااحط ريال في البيت الا مصاريفي الشخصية فلوسي كلها في البنك والحمد لله سويت لي مشاريع بدون قروض حتى وتدخلي مبلغ حلو كل شهر ويكبر كل شهر حتى اجار ما ادفع في البيت وحتى دوامي اخوي كان يوديني ويرجعني لين اخر فترة من سنة قبل الزواج دخلت بنته المدرسة واظطريت أخذ لي سواق يوديني بس واخوي يرجعني المهم تزوجت انا قلت ما راح اخليه يستفيد مني ولا ريال اذا كان طمعان لاني اعرف اكثر الرجال يقول لزوجته الأولى انا أبيها بس عشان راتبها بالعكس هو رجال ملزوم بمصاريفي حتى لو اني موظفة طبعا هو في البداية حسيت انه انصدم لما قلت له يوديني المدرسة واحيانا يلمح ان سيارته قديمة قلت بنفسي مو انا اللي تستفيد مني وتركب زوجتك وعيالك من تعبي وقطعت نفسه منها استمرت حياتنا خمس سنوات السنة الأولى حملت وجبت ولدي الكبير وهو سنة وطلق زوجته كان يوم ويوم يجيني خلال السنة طلقها وصار عندي يمكن لو وحدة غيري تفرح انا لا زعلت ما احب الرجال الطماع تحوم كبدي منه بس كنت صابرة عشان اللي ببالي المهم السنة اللي ورآها جبت ولدي الثاني واللي ورآها قلت له انا حلم حياتي اجيب توأم وحقق لي هذا الحلم وراجعنا عند دكتوره وجبت ولدين وقعدت سنة ونص وجبت حبيباتي بناتي توأم اخر العنقود خلال هالسنين كانت تصير مشاكل بيننا عن الراتب والمصاريف لاني كنت اخليه هو يجيب حليب وحفاظات وكل مستلزمات عياله لانه ابوهم وهو شاف انه ما استفاد شي من اللي كان مخطط له وصارت تصير بيننا مشاكل خاصة انه ما يلحق مع مصاريف عياله الخمسة من طليقته وصار يختلق مشاكل بس ما كان يبي يطلق أبدا مشاكل عادية عن الفلوس لانه كان مضغوط من الطرفين بس انا قررت خلاص ما ابيه وبليلة كان سهران برى وأرسلت له مسج قلت لا ترجع طلقني وبس هالكلام من سنة ونص وحاول وسط اخوي بس انا خلاص من البداية ماابيه وبعد صار طمعان كرهته وطلقني غصب عنه اول ما طلقني طلعت فلوسي اشتريت لي اول شي بيت كبير وسيارة فخمة وسواق لي وسواق وسيارة لعيالي والحمد لله عايشة حياتي اللي كنت مخططة لها وطلعت فلوسي لي ولعيالي بسسس لا لأخوي وزوجته وعياله ولا لزوجي وعياله توني من سنة صرت احس اني عايشة وتونا راجعين انا وميدالياتي (عيالي ) خواتي يسمونهم كذا لانهم كلهم صغار :biggrin2: تونا رجعنا من باريس تمشينا واستانسنا أسبوعين ومخططة اشوف أمريكا بلا رجال بلا بطيخ :smile: نسيت اقول اختي اللي توظفت زوجها اكل راتبها كله قروض ومصاريفه عليها وبعد مو عاجبه وأخواتي الثنتين وحدة طفشوها اهل زوجها وجاتها أمراض منهم والثانية ممشية حياتها بالتغاضي :biggrin2: يمكن تشوفوني غريبة بس سبحان الله كل واحد وقناعاته وانا هذي قناعتي لو ما اعجب البعض واختلاف الآراء لا يفسد للود قضية والله يشهد علي كل اللي كتبته صحيح لا غرضي طقطقة ولا تسلية بردود وغيره وكل اللي خططت له لما صار عمري 30 سنة وصار انا طبعا مو قصدي هذي الحياة المثالية للكل اقصد لي انا طبعا لان اكيد وضعي الآن ما يعجب الأغلب بس انا عاجبني وهذا الأهم فحمدا لله وشكرا لك يارب :smile: