قصة زواجي و القرار الصعب ( محتاجه رايكم )

السلام عليكم
جزاها الله خير لكل من دخل موضوعي و قراه




قبل كل شي كل الي احتاجه الدعاء ثم النصيحه منكم يا اخواتي لعل واحده منكم تنور بصيره على شي لم انتبه له
و الله يسعدكم لا احتاج الي الكلام الجارح لانه مجروحه و لله الحمد

اولا الله يهدي زوجي و يصلحه و يشفيه ويرفع عنه

مشكلتي بدا من بدايه الزواج كانت فترى الخطوبه طويله لاسباب تافه و لله الحمد و هي انه زوجي كان كسول جدا في البحث في شقه فكانت فتره الخطوبه مدتها سنه و نصف و طبعا شي اكيد ما في زوجين ما بينهم مشاكل و الحمدلله كنا نحلها و نسى و نسامح بعد الزواج بشهر اتفاجا في جوال زوجي مسج من وحده تقله يا حبيبي و الخ طبعا كيف قدرت اعرف لانه جواله رن انه جاله مسج و زوجي واثق من نفسه فسالت هل اقدر افتح المسج فسمحلي و انا بحسن نيه قراته بصوت عالي فاتفاجا انه يشد الجوال مني و ما مداني اكمل الرساله فطبعا مسحها انا من الصدمع جلست و قعدت اضحك و عيوني دمعت طبعا هوا جلس جنبي يعتذر و يحلف انه ما يكلمها و انه رقم جواله دا عنده من قبل ما يخطبني وووو طبعا انا اعرف انه شي بديهي ما في شاب ماله علاقات قبل الارتباط فانا سكت و سامحته و نسيت الموضوع بعدها بشهرين انا دخلت نت بحسن نيه و كنت محتاجه اسال عن ايشاء للبعثه لاني كنت مقدمه فاضفت عندي في الكونتاكت كم شاب على اساس استفسر طبعا ما اقول الي عملته صح لانه الاعتراف بالحق فضيله و طبعا كنت نبهانه انه ما اترك اثر لمحادثاتي و انا كنت احط صور زوجي او انا معاه في الديسبلاي عادي و زوجي عارف الشي دا و كمان سامحلي اكلم ما سنجر فمره طلب زوجي انه يستخدم جهازي اللاب توب و انا واثقه فيه انه ما يشك او يدور ورايا الا اتفاجا تاني يوم يعرف كل شي انا انصدمت طبعا نهرت و مرض و اضايقت و اتاسفت من زوجي ووو و بعدها طحت بمرض القلون و دخلت مستشفى لمده شهر و ما لقولي علاج طبعا و الحمدلله بالدعاء راح طبعا بعد ما زوجي كشف الي في الماسنجر بدا يقسى و يجفا معايا صار يحاسبني على كل شي على الطبخ و التنظيف و غسيل كل شويه انتي ما بتسوي و انت ما بتعملي انتي بس نوما و انتي كسوله و يتحسس مني من كل شي طبعا انا اكتابت فصرت اهرب لبيت اهلي لانه اي شي اسويه له ما يعجبه يمعيرني فيه طبعا انا عذرته بس في ايام ما كنت اقدر اتحمل نقده لانه هوا ما كان كدا و كان دياما يقلي انه مجروح فا في مرة قلتله اذا منتى قاد تكمل معايا بس سبب الجرح الي سببته لك ممكن كل واحد من طريق و لا نتعذب رفض قلي لا انا احبك و ابغى اعيش معاكي و ممكن تعدي الفترة دي على خير انا قلت جزاه الله خير ستر عليه و بعدها حملت بعد 7 شهور زواج الحمدلله فرحت و حتى زوجي بس من بعدها زوجي صار يبعد و لا يقربني حتى حقوقي الزوجي قصر فيها انا كنت اقول ممكن خايف على الجنين او خايف يتعبني بس اهله لاحظوا عليه انه مهملني صاروا يلوموني ليه ما تقعدوا مع بعض ليه ما تلبسيله ليه ما تطبخيله انا بدات اشك ايش المشكله فبدات اصارحه قلي لا ما فيه شي بس مشغول بشغلي ( شغله في مكه فكل يوم يروح مكه و ينزل بس لما بعد عني صار ايام و ليلالي ما ينزل بحجه شغله ) و كمان بدا جواله يخبيه عني و كمان لما اتصل عليه بعد نص الليل يكون انتظار و يتكلم و لاحظت عليه رائحه الدخان فبدات افهم انه في وحده في حياته صارحته قلي لا انت مجنونه و توسويسي عشنك حامل صرتي تخرفي قلتله حرام عليك ارحمني مدام انا حامل و طبعا قعدنا على الحال دا 5 شهور لين اكتشفت انه صحيح انه بيكلم وحده تانيه و حتى اهله ( اهله عرفوا بمشكلتي معاه و شايفين انه المفروض نتسامح و نتصافه ) فقال بكل جراه انه ايوة يكلم بس مو زي خيانتي له لاني جرحتي و مو قادر ينسى قلتله خاف ربك لو منتى قادر تنسى ليه خليتني معاك و حملتني ايش ذنب الي في بطني يقلي اتوقعت اني اقدر اتحمل بس ما قدرت و يقلي اني انا السبب لانه كل ما حاول يرجع الي بينا انا اجرحه بكلامي طيب انا ايش ذنبي انا حامل و كمان ما بيدي حقوقي الزوجيه اكيد حجرحه لاني حاسه بنقص من اتجاهه فصرت انا و هوا نتحسس من بعض لين جا شهر ذو القعده لما اكتشفت انه بعد ما تصافينا انه برضه مستمر مع البنت طبعا انا ما فكرت اوصل للبنت و لا اكلمها لانه ما همني مدري ليه بس اهله اتوقع هما الي دورو كنا وقتها في مكه و لما عرفت انه لسه يكلمها اتخنقت قعدت اور عليه ما حصلت زوجي فخرجت من البيت و رحت للحرم برجلي و انا حامل ( طبعا كان تهور مني بس الشكوى لله لانه حسيت من الصدمه قلبي وقف مرتين و كنت محتاجه اروح الحرم ) طبعا قعد هوا و اهله يدورا عليه و اتصلت فيهم قلتلهم انا في الحرم طبعا هوا مرة زعل مني و اهله لامه لانه هوا مهملني و لا داري عني فهوا اخذ مني موقف فهوا بيوديني بيت اهلي قلي انا حستخير الله في الانفصال انا انصدمت قلتله ليه قلي ما تدري في الخير طبعا انا رحت بيت اهلي و انا منهاره
فقعدت ادعي كل يوم انه يرجعلي وسابني 30 يوم عند اهلي و حتى سؤاله عني كان كل اربع ايام مرة و لا لمته ول ما رجع بعدها حاول يديني حقوقي انا رفضت كنت خايفه احس انه بيضحك عليه كنت حاسه انه بيلعب بيه فانقهر فطنشني و لما انا بدات احنله هوا رفض قلي ما تمشيني بكيفك و صرنا عايشين كدا بس مع بعض طبعا في محرم قربت ولادتي فكان عادي مع بعض نخرج و ننبسط و كل شي لين هوا قلي ابغى اروح دكتور ذكوريه ( بعد زواجنا بـ 5 اشهر زوجي الله يهديه خبط محاشمه بالكرتون و ورمت و راجع عند مستشفى حكومي و قالوا له انه ما في غير نزيف بسيط و اعطوله دواء و يسل الدم و بعدها قالوا له كلها 6 اشهر و ترجع طبيعي و الله يهديه عدت 6 اشهر و ما رجعت مع اني كنت دايما اقله خلينا نروح للدكتور كان يرفض ) طبعا الخلاصه تحول الدم المعقد دا اللهم عافينا الي سرطان خبيت يعني سرطان في العقد اللمفاويه قبل ولادتي بـ 3 ايام اصتاصل الدكتور احد محاشمه و بعد انا بالسلامه ولدت و بعدها زوجي قبل ما يكمل ولدنا اسبوع قلي انه يبغى ينفصل ما يقد يعيش معايا لاني انا اهنته و حقرته و جرحته و مو قادر يديني حقوقي انا طبعا انهرت و انقهر قلتله كل بسبب البنت الي تعرفها حلفلي انه لا و يعدها بيومين عرف انه معاه سرطان خبيث فخبر فاتصل عليه و اتهني انه انا السبب في مرضه لانه بسببي خليت نفسيته تعبانه فما اهتم بصحته و قلي خلاص اخرجي من حياتي ووو طبعا انا انهرت و رحت ابكي عند الوالده و هيا عارفه بقصتي قالتي يا بنتي الي باعك بيعيه قالتلي شوفي حياتك قالتي من يوم ما تزوجته و انته قاعدين لبعض انت تعاندي و هوا يعاند طبعا تاني يوم جاني وقال للوالده انه يبغى ينفصل لانه ما يبغى يخرب عليه لانه مرضه حيفقده رجولته و طبعا حيضعف لعلاجه بالكيماوي فيبغاني اشوف حياتي و اكمل و اتزوج و الخ طبعا انا رفض قلتله انا مستعده اضحي و اوقف جنبك قام يترجاني و يبكي و يقلي لو ليه خاطر عندي تحترمي قراري و تنفذيه و قلي انه محى يحرمني من ولدي و انه حيتربى احسن تربيه و انه مو هاين عليه انه يخليني معاه و اتحرم من حقوقي الزوجيه فانا حاليا بكلمه و اقله اله يسعدك لا تسعجل بقرارك و هوا يحاول يقنعني انه قراره في مصلحتي
ملاحظه : زوجي طبعا كان زمان متلهف عليه اما حاليا يبان من نظرته انه عادي و كمان مو قادر يقربني و حتى يلمسني حارم نفسه مني و لما اقول لزوجي انت بعتني احسه ينقهر مدري ليه مع اني احسه باعني من اول من يوم ما لقي وحده غيري يقضي اليالي معاها في الاتصالات
فاحتاج نصيحتكم هل استمر معاه و اقنعه اني مستعده اضحي بحياتي عشانه و اوقف جنبه
او احترم قراره و خلاص انساه و اربي ولدي لحالي و اكمل حياتي و اعيشها