حرااااااااااااااااااااااام باللله كملوها الحين ولا بجين جنوني
لازم اعرف وش صار
كملوها
الصفحة الأخيرة
قالت خذ كلم
عادي وش فيها صديقتي ...واكلم ريما على فكرة صوت ريما مو غريب بس من الحالة
ما كني سمعته من قبل واكلم ريما ولا اللي تخش فيني عرض هاي بدوووري كيفك مبرووك
منك العيال ومنها المال هههه لا تخاف امزح معك منك المال والعيال سوى لاني اعرف
خلووده عجازة بس طيبه وقلبها ابيض وربكم المعبود ان كان اشارة تقاطع العليا مع
شارع الثلاثين ناطقه فانا متكلم ولا ريما تقول لي يالله باي...وتسكر واعطي
الجوال لراعيته –والله مستحي أقول المدام- المهم ونطلع من المطعم وماصدقت وانا
في الطريق اقترحت عليها نروح ناخذ لنا ايسكريم وتضحك بيني وبينكم احيانا احس
مايصبرني عليها الا ضحكتها قالت مافي احلى من ايسكريم الثمامة آآآآه يالثمامة
زمان مضى قلت ايه ايام الاستراحات قالت لا وانت الصادق ايام التطعيس
(حوووووووههههاااا صوووت فرامل قوويه) قلت وشو قالت ايه تطعيس وش فيها انا
وصاحباتي وبنات خالاتي كانا ناخذ اللاندكروزر حقتنا ونطلع نطعس ايه ونروح
ننصا الشباب ونتحرش فيهم والله يانا كنت سواقه ...بس مرة لحقونا الشباب لين
وصلنا مخيمنا بس كان في راعي باترول شكله واصل بقوة دخل المخيم ولا على باله
لين قابله اخوي صالح ههههههه ياناس ازنطها بحزام الامان اللي ماربطته ..قالت
ماعمرك شفت بنات في الثمامة يسوقون قلت لا والله بس اسمع ان البنات يسوقون هناك
قالت لي طيب وش رايك في ان البنات يسوقون سيارات قلت مهزله وانا معصب اجل احنا
وش نسوي واذا لزم الامر مرة مرة راسمالها سواق في عادات وتقاليد (يرحم زمان اول
ياعنتر تقول للبنات انا اؤيد ان البنات يسوقون سيارات وهن نص المجتمع ووو..ووو) الله من
الخرط قالت لي ماهقيت كذا انت انسان متعلم عصبت وقلت قفلي الموضوع خلاص ونرجع
البيت لاايي ايسكريم ولا خلافه ...ورجعنا البيت وانا قافله معي حرقة اعصاب زي كذا ماهقيت
يعني هي بايعتها ولا انا مامليت عينها ولا وش قصتها...وشوي ويرن جوالها وتروح بعيد
عني وتتكلم بصوت واطي وتناظر فيني وكل مالها صوتها ينخفض ...طيب وش اسوي اروح
واتسمع ..ولا اناديها يعني حرقة اعصاب ولا اشوف الاستريو قلت بس ياولد واشغله على
اعلى شي ابو نورة يصدح (اشوفك كل يوم واروح واقول نظرة ترد الروح )والله وهي ولا على
بالها تقولون رابيه في كاباريه ولاخالاتها طقاقات تاشر لي ارفع الصوت بعد وانا عاد وصلت
لاخري يعني لو تمر نملة من قدام عيني اشيلها على اصبعي واجلد فيها بالعقال وتجيني
بعد ما سكرت وهي تتريقص اييه طلعوا المديتيين اجل تشوفها نظرة وتروح وين
ان شاءالله السوق وإلا عند كليتها قلت لها واللي يشوفني ساعتها يقول محشش وطاقته
العبره عيوني حمر وودي اصيح من اللي على التليفون ...قالت ابد سلامتك الرقم
غلط ؟؟؟؟عسى ما شر جوّال والساعه 2 الفجر وغلط... طبعا كل هالكلام في نفسي
قالت والله انك بعد صدقت يارووحي هذي امي دقت على البيت وردت عليها
خالتي (امي) وقالت لها طلعوا وبيرجعوت متاخرين فدقت على جوالي حتى شوف الرقم
....قلت لها وانا ودي اشوف ....وخريه عن عيني بس ودي انوم وادخل دورة المياه
واطلع واشوفها(***) واجي واجلس على طرف السرير
قالت لي بصوت ناعم مكسّر: بدوووري وش رايك نلعب سوووا(****)
قلت: وش لعبته قالت فارس وفتاة الاحلام انت اكتب3 مواصفات ولاديه وانا اكتب3
مواصفات بناتية عن كل شي وبعدين انت تختار من اللي كتبته وتقول اذا هي تناسب
اللي في بالك وإلا لا والعكس انا أسويه قلت طيب شورك وهداية الله صرت اكتب كل
المواصفات تنطبق علي (يعني شعر اسود خشن –شعر اسود خشن –شعر اسود خشن-الطول
165 –الطول 165 –الطول165....وهكذا ) هي بدت اللعب اول ميزة شعر اسود
خشن ضحكت بقووة وانا انبسطت ووووعععع لاوالله الولد الحلو يكون شعره في
شقاار على رمادي ولا بني بس يكون ناعم وطويل يعني شي قلت لها طيب والاسود
قالت اعوذ بالله ما اطيقه لا وكيف خشن شكله فلافل بعد قمت تنيوطت(يعني مديت
يدي)ولبست الطاقيه المهم قمت انا اخترت واحده من الصفات اللي هي كتبتها واااو يمّه
وش ذا (***) وش اقول استحي لااااء قلت الشعر احمر يعني لفقتها من عندي
وقاطعتني بس انا ماكتبت شعر احمر قلت لها الا بس يمكن انتي ناسيه قالت حبيبي
اصلا ماكتبت شعر قلت المهم انا ما احب الشعر الاحمر واناظر شعرها الا هو اشقر
واقول انا امووت بالشعر الاشقر قالت منت عاقل ياهووه وتقرا الصفة الثانيه للاولاد
اللي انا كتبتها الطول 165 سم ههههههه وش ذا بابا سنفور قصير مرة قلت لا بس
طول مناسب ولالا قالت ياشيخ حلاة الرجل طوله185 وفوق قلت الله مير يعافيك
انشالله ولايبلاك في غالي وافتح الصفة الثانيه اللي هي كتبتها لااااااء ذي لالالالا مثل
اللي قبل (**)وش اقوول لا ما اقدر يمّااااااه خلاااص هونت مابي العب يقطعها من
لعبة ,أي والله طقتني النفاضة قال ايش البنيات على وجيههم ومايدرون عن شي وانا
وعظامي تنفض وهي تقول لي بدوووري تعال كمل لعب بلاا بياخه يعني يابدوووري
تقول ما اغازل ولاعمر لساني جا على لسان بنت صدقتك بس بدوووري يعني ماقد
تسمرت قدام LBC عند مسابقة ملكات الجمال بدوووري ترانا الحيين ازواج يعني
فري قلت لها خلاص مابي
العب غصب هي وشوي الا وابكي....(دننجن دنجننناا) يرن الجوّال حقي قلت لنفسي
خله يرن لين يشبع وانا فاضي له قالت لي بدوووري يالله صوت الموبايل تبعك مزعج
قم رد عليه شف من هو يمكن شي ضروري ,قلت انا لله وانا اليه راجعون يامن شراله
من حلاله علّه واقوم ابي أرد وإلا اشوف من هو ؟؟؟ يمّاااااه وانا نااقص روعة هالليلة
هذا رقم هيفاء وش ذكرها فيني وش تبي لايكون درت اني تزوجت بس ومن الروعة
واللخبطة قفلته وريّحت نفسي صرت مجموعة ثياب تحتها موية سايحه مافيني أي شي
يقوى على المشي وانا ارجع شوي شوي للسرير ولافيني حيل وانا في طريقي للسرير
اللي يسمعني يقول من كبر جناحه-ويرن جوالها هالمدام قصدي الافه المنزلة اللي
بلاني الله بها وتقول لي بصوت مكسر رد ياعمري قل للي متصل خلود نايمة قلت
قوومي انتي مافيني حيل والله