صباح _مساء الخير
هذي القصه بالتفصيل عشان تفهمون وتحكمون
زوجي مسافر عمل اسبوع دق علي اخوي وقال تجهزي ابجي اخذك
عندي واخواتي كلهم عندي قلت خل اقول لزوجي وارد منك قال طيب كلمت زوجي
وقال خلاص روحي واذا جيت امرك المهم انا ماجلست عندها انا ببيت اهلي انا وخواتي هم لهم شقه فوق
واهلي مسافرين تجمعنا حنا وخواتي اليوم الثاني كلن راح بيته وجلست لوحدي
اخوي وزوجته فوق وكانو اخوانها عندها ولا كاني موجوده مابي اسبب لهم
مشكله بصبر كلها يومين ويمرني زوجي دام هذا تصرفها ماتبي احد
نفس اليوم اللي جا زوجي فيه جت اختها ونادتني جاي اخوي ومعاه اغراض وناكنت اجهز اغراضي عند الباب ماكنت رايحه اجهزها بس وقالي تعشوا معنا لا تروحون طلعت الاغراض ونا عن طيب نفس قلت انا بسوي العشاء عنك خلينا نجلس مع اختك ونسولف
ونكمل قهوتنا قالت خلاص روحي ابجي المهم شوي وتجيب مكرونه وتحطها وتقولي اكلي عشان
تروحين ونتي اكلتي شي عندي فهمت من كلامها ماتبيني اجلس يعني روحي طرده ونا مابي اوضح
لزوجي اسلوب مرت اخوي ولاابي اخرب جمعت الشباب دقيت ع زوجي وقلت ياله خل نروح قال
طيب ولا علمت احد بحركتها قفلت الموضوع لاني ماحب المشاكل
مرت الايام والشهور وخوي يرسل في الواتس حرمتي تاج ع راسي واللي يحترمها ويقدرها احترمه
للعلم انا اكبر من اخوي دقيت عليه قلت خير وش صار قال انتم ماتحبون زوجتي لا تكلمون ولا تسالون
قلت اذا كلمت وسالت بنكلم ونسال عامل الناس كما تحب ان يعاملوك مثل ماتعاملنا بنعاملها
وللمعلوميه اذا جلسنا مع بعض مع اخوي وزوجته يجلس ينكت علينا وتضحك زوجته مثلا يقول
شووفو ارجولها كيف شوفو خشمها خير شايفنا نكته
مسكته ع جنب وقلت له ترا ازعل لا تنكت لوسمحت
وقام سوى قروب وسماها اللي براسه شي يحطه هنا وقلت له ياخوي انت تضحك علينا قدام زوجتك
تبي تضحكها اطلع بشقتك وضحكها ع كيفك ومسحت رقمها من جوالي الباب اللي يجي منه الريح
سده واستريح
بعد فتره تنومت اختي تعبانه الله يقومها بالسلامه وطلعت ورحت ازورها ولما وصلنا تدق اختي
تقولي مرت اخوي هنا سلمي عليها قلت بسلم طيب عارفه
لاني ماحب المشاكل ولا ابي يجي مني شي ويقولون انتي غلطانه سلمت وجلست وشوي يجي
اخوي يطالع فينا وهي تطالع قمت سلمت ع اخوي مابي المشاكل وجلست رجعت البيت وبنتي
تجيني تقول مرت خالي تقول قولي لامك لا تقعد تسبب فيني قلت فيش سبيت واخذ رقمها من عند
اختي واكلمها الحوار اللي دار بيننا وشفيك شايله عني مضايقتك في شي قوليه ماله داعي ترسلين
بنتي قالت انتي قلت تبغى تضحكها اطلع فوق وضحكها اخواتك قالولي سالت اخواتي وبكيفهم انا عارفه انها مو سبه قلت وهذي سبه قالت ايه اعتبرها سبه قلت لها اذا تعتبرينها سبه انتي طردتيني قالت متى طرتك قلت يوم جيتك وجبتي الاكل وقلتي اكلي عشان تروحين ونتي اكلتي شي عندي قالت وهذي طرده قلت اذا تعتبرين كلامي سبه انا اعتبر كلامك طرده
واكلم اخوي واعلمه قال انتي مشكلتك كبيره ماله حل المهم قاطعتهم هو معطيني حظر وزوجته
مسحت رقمها
مرت الايام وشهور ونسيت السالفه ونسيت رقمها وتنومت اختي وتجيني رساله دعاء لاختي من
رقم مو مخزن في الواتس وارسلها رساله نصيه لوسمحتي لا ترسلين لي شي اعرف ادعي لاختي
من غيرك وامسحي رقمي من عندك وقابلت اخوي عند بيت خالي نزل سلم ع زوجي ولا كانه
يعرفني الله لا يسامحها اللهم رد كيدها في نحرها
****لله يارب تلاقيها في اخوانها
فلسفه صامته @flsfh_samth
عضوة جديدة
هذا الموضوع مغلق.
Am RaWaF
•
انا احس انك كبرتي السالفه؟؟؟؟؟؟؟؟؟؟؟؟؟؟؟؟؟ يمكن صادقه قالت كلي قبل لاتطلعين ماكلتي انا احيانا اذا احد حسيته بيروح او قرب احط العشاء واقول يلا اخاف تروحين وماكلنا عيش وملح لانه يكون حاطته بدري مثلا
وانتي بعد مزوده الموضوع خير البنت ارسلت لك دعاء تتقرب منك وانتي طرديها واذا اخوك يمزح معك من باب انه يحبكم
وعارف ان زوجته تحبكم بس شكلك غرتي منها وحقدتي عليها ترى الدنيا مافيها خير سلمي على اخوك والدنيا فانيه
وعارف ان زوجته تحبكم بس شكلك غرتي منها وحقدتي عليها ترى الدنيا مافيها خير سلمي على اخوك والدنيا فانيه
الصفحة الأخيرة
المفروض مايرضى انها تجيب طاريكم بسوء ولا يرضى منكم تسيئون لها
ويعطي كلن قدره ويحاول يجمع ومايفرق
بس وين الواعين الفاهمين !!
صارت الامور مصخره وصار الاهل اعداء بسبب عقول مثل عقل اخوك ولا حول ولاقوة الا بالله
ارجع واقول خليك واعيه اكثر منه ولا تعطينهها واياه اكبر من حجمهم
ولا يجي منك شر وربي اعلم ...