قصة زوجي ,,, هل هو خائن أم مغلوب على أمره ؟؟ تكملة القصة !!

السلام عليكم

أخواتي أنا صاحبة هذا الموضوع

http://forum.hawaaworld.com/showthread.php?t=4088142

طبعاً أخوان زوجي أخذوه عند شيخ وتبين ان زوجي ما يشتكي لا من سحر ولا من غيره
والكل انصدم من زوجي ومن تصرفه في هذه الخيانة

آآآآآه يا بنات من جد أحس بقهر وان حياتي انتهت خلاااااااص
الخيانة جرحها صعب خصوصاً لما تكوني الزوجة المخلصة المحترمة المصونة
حااااااسه اني خلاص مستحيل اعيش مع هالانسان لحظه وحده ,, الثقة انعدمت خلااااااااص

تخيلوا لما جاء من عند الشيخ ( طبعاً اخوانه اخذوه وهو ما يدري وين بيروح )
تخيلوا لما دخل علي قعد يخاصم فيني ويقول لي ليش شهرتي فيني وفضحتيني عند أخواني وخليتيهم يظنون اني مسحور وخليتيهم يعرفون بسالفة المحادثات.
أنا انسان بكامل عقلي
قلت له طيب ليش تخون ؟؟ كيف تعرفت على ذي الانسانه ؟؟ كيف سمحت لنفسك تحب انسانه الكل يشهد بوساختها وسمعتها على كل لسان ؟؟ كيف استبدلت زوجتك العفيفة بسهوله ؟؟
يرجع يرد علي ويسكتني وينكر انه خان ,, قلت والمحادثات اللي صورتها ؟؟
قال لي كله كذب في كذب وأنا ما عملت شي وياللا سكري على الموضوع ولاعد تناقشيني فيه

ولما أرجع وأقول مواصفات البنت اللي حبها وخانني معاها وأقول له كيف تحب وحده عندها ذي السمعه ؟؟
تخيلوا يا بنات وش يرجع يقول ؟؟
يقووول لو سمحتي لا تغلطي على بنت الناس وهي ما تبلت علي أنا تبليت عليها وعلى جوالها

شوفوا بالله التناقض كيف ؟؟؟؟

آآآآه يا بنات كلنا مصدومين من شخصية زوجي اللي صارت في الحضيض وصار انسان عديم دين واخلاق

أنا قلت له خلاص نتطلق أحسن لأني مستحيل أعيش مع شخص صارت أخلاقه كذا
بس رافض يطلق ورافض أي نقاش في الموضوع

مشكلتي يا بنات ظروفي صعبه أنا انسانه عايشه بين بنات وأبوي متوفي وأمي مريضه وأخوي وحيدي مع عايلته ومنشغل بأعماله ,, وحالياً أدرس ماستر وموظفه ولازم في حالتي محرم يرافقني طول فترة دراستي
وكان محرمي زوجي بس بعد ما اكتشفته كرهته خلااااااص

يشهد الله يا بنات ما قصرت على هذا الانسان بشي ,, فلوس وساعدته ,, سياره واشتريت بس كتبتها باسمي ,, وفي علاجه عشان الانجاب دفعت فلوس كثيرة عشان يتشافى بس ربي ما أراد الشفاء له

انا لميت عفشي خلاااااص بس محتاره كيف أبلغ أهلي كيف أقول لهم عن اللي صار وخايفه على صحة أمي
وفي نفس الوقت خايفه على أمه وابوه لأنهم ناس طيبين وبينصدمون في ولدهم صدمة عمرهم .

محتااااااااره وش أسوي ؟؟
ليش يا زوجي انقلب حالك ؟؟ ليش تغيرت وصرت قاسي
ما أنكر أفضالك ووقفاتك معايه ومع أهلي ,,, لكن وش اللي حصل وغير حياتنا 180 درجه

آآآآآه يا بنات وش أسوي تعبااااانه وبمووووت من الحيرة والقهر ...