والله اني بكيت من قصتك ابكاني موقف زوجك وحرصه عليك واحساسه فيك .. وابكاني موقف ام زوجك الله ﻻ يحرمها الاجر ..


يااختي والله ان بيوت كلها مظاهر وترف وقلوبهم متنافره عمر السعاده ماكانت مظاهر والله نشوف ناس بسطاء عليهم ابتسامه وناس اغنياء وجههم كله هموم ..


اسال الله ان يسعدك مع زوجك ويصلح ذريتك ويرزقكم من حيث ﻻ تحتسبون

عندك نعمه زوجك واولادك وهاللي خببت وشيشتك عل بيتك تلقينها مالقت الراحه في بيتها. ولايغرك المظاهر صدقيني ناس تهايط وهي حتى الراحه والنفسيه الحلوه اللي ببلاش ماتلقاها.
شوفي كيف زوجك شال همك وتدين من امه الارمله ودلاك واهتم وابسطك قدر حاجتك. ولا لو واحد ثاني كان عصب وهاوش من اهمالك وصراخك وكبر المشكله. صدقيني حنيته عليك تسوى الدنيا ومافيها


ومره ثانيه لاتسمعين من احد وقولي الحمدالله عل كل حال

تدرين وانا اقرأ قصتك من البدايه وانا اقول يابختها هذي اللي عايشة السعادة الحقيقيه تدرين ليش لاني كنت بس اتذمر ليش ماعندنا ليش مانروح ليش مانسوي وش الفايده من كل هذا والوحده ماهي مرتاحة نفسيا اهم شي الراحة النفسيه انا مااحس بطعم السعادة ابدا لان زوجي تزوج علي من فترة من بعد زواجه فقدت طعم الحياة هو ماتغير الا للاحسن بس طعنة بقلبي ماتروح ابدا احاول اروح لصديقاتي ولازم تجيني دقة مقصوده او غير مقصودة اتمنى ان الارض تبلعني عيشة الفقر ارحم الف مرة من انه يكون لك ضرة
شعوري نفس شعور اللي خلاص انتهى تاريخها ومالها كرت مالها مكانه مهما حاولت تفرح الفرحة مالها طعم بالرغم ان زوجي عادل جدا وزوجته اكبر مني عمر واقل مني جمالا لكن تبقى طعنة بجوفي ماتمحاها السنين اخذ هالموضوع مني كل تفكيري حتى اشغلني عن عبادتي وعن بيتي وعن اطفالي حسبي الله ونعم الوكيل
احمدي ربك وقارني وضعك بوضعي ايهم احسن

قريبتك هذي اقطعيها ،، لو هي تعرفك زين


كان عرفت ظروف زوجك ولا خببتك عليه ..


ايش اللي مصبرك اجل ؟..

الحمدلله انك رجعتي لعقلك اول مقريت انهبلت لمى قلتي صليت وهديت وحمدت ربي قلت ماشاءالله فتح بصيرتها ....الحمدلله زوجك لاتحسيينه بالفقر والله باذن الله يغنيه الله عمر الفلوس ماهي السعاده السعاده الراحه البال والعيال وبيت يضمكم .....شفتي قريبتك عندها كل شي فلوس وبيت وتقديمات بس عندها زوج يحبها يداريها يفكر فيها والا وراء الدنيا وناسيها لينن يروح العمر ....اهم شي انه رجال محترم ولاراعي خرابيط احمدي ربك ليل نهار ....ولاتقارنين بااحد دايم الله يعطي شي وياخذ شي .....واكثري استغفار