بنات حبييت اقولكم قصتي مع فررد الكرتيين صراحة كنت جدا محتاجة افرد شعري وكنت اسال وابحث دائم عن
صواليين
في جدة وشغلهم تمام وصراحة بعضهم ما قصر معايا بس صراحة انا جدا خايفة ان شعري يخرب او يطييح
مثل ردود بعض العضوات خفت يوم سمعت كلامهم المهم كنت بالاضافة لبحثي المتواصل على طول استخيير
الله وترى هذه حاجة مهمة لأي شيء تبغون تسونه في حياتكم وبعدها عرفت عن صواليين كبييرة في جدة
تسوي الفرد وكنت مترردة مررره صراحة انا اخاف من الصواليين الكبيرة المهم قبل 4 ايام كنت خاطري اقص
شعري وبحثت في النت عن قصات ستايلها غريب وفي نفس الوقت تعطي الوحدة مظهر اصغر ولقييت هذة
الصورة اللي فوق وعجبتني القصة بس شفتها انها ماتنفع الا على وحدة شعرها ناعم المهم صورتها بجوالي
ورحت الصالون القريب من بيتي صالون جدا صغيير وديكورة جدا عادي او اقل حتى بس ماعندي سيارة تودينني
صالون بعيد وتوكلت على الله ورحت اقص وابدا ماكان في بالي حكاية الفرد في هذا الصالون ويوم وريت الكوفيرة
القصة وناظرت في شعر ي قالت هذي القصة ماتنفع لك يبغالها شعر ناعم:44: وبالمناسبة انا شعري عادي
ماهو ناعم ولا خشن بس منتفش من كثر الصبغات يعني بعد الاستحمام يوم ينشف شعري يصير كأنه راسين
عندي :35: قلت لها انتي قصيها وانا بسوي ان شاء الله بعد كم يوم فرد لشعري قالت احنا عندنا فرد الكرتيين طبعا انا ماهتمييت في كلامها لاني ماكان لي نية اسويه عندهم وكانت بجانبي وقت قص شعري
حرمة تسرح شعرها قالت والله انا اختي شافت وحدة تسوي الفرد بهذا الصالون وانجنت علية وبتجي تسوية بعد
كم يوم قمت انا نطييت اسالها قلت بالله عليكي كيف كان شعر البنت وكيف صار وقعدت اسالها الى ان كرهت انها
قالت لي وقتها حسييت بإقتناع وتذكرت اني مستخيرة الله وقلت اكيد الله يسر لي هذا المكان لان في خيير لي
قلت للكوفيرة اقدر اجيكي بكرة وتسوينه لي قالت بس لازم 3 ايام الفرد عندي قلت عادي يعني يوم 29 كان اخر
يوم لي في الفرد وسوته لي ب 800 عشان شعري تحت اكتافي يعني اقصر من شعر هذي البنت اللي بالصورة
شوية ووحدة سوته لها كانت معايا بالصالون ب 600 كان شعرها قصيير قريب من البويات المهم يابنات اقسم لكم
ان شعري بعد الاستحمام استشورته استشوار بسيط 5 دقايق بعد ماكان ساعة ونصف دائم وشعري صار قريب
كثيير من هالصورة يعني مثل نعومة شعر منى زكي في اعلانات الشامبو والحلو ماشاء الله انه بين انه طبيعي
يعني ماكانه فرد قولوا ماشاء الله والقصة الكل انجن عليها اهلي ماتوا واخواني:32::32: قالوا صرتي
اصغر بكثثير والله انهم يقولون كاني وحدة بالمتوسطة مع اني متزوجة وعندي اطفال لا وصرت انا واقوم وشعري
على وجهي اخيير حسيت بالناس اللي شعرهم ناعم على العموم اي استفسار انا جاهزة .