عاشقة الورد 99 @aaashk_alord_99
عضوة جديدة
قصة شاب مع الاستغفار
السلام عيكم ورحمة الله وبركاته
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
أحكي لكم قصتي مع الأستغفار فالجميع يعلم مايخبه لنا ولكن الكثير يعلم ولا يعمل بهـ
ماشاء الله لا حول ولا قوة الا بالله
قصتي
أنا شاب عمري 26 سنه حاليا طبعا متزوج وتعرفون طبعا المتزوج مصاريفه بالشهر البيت والكهرب والايجار والسياره كان راتبي 3600 ريال والبنك ياخذ 1600 ريال ويتبقى لي فقط 2000 ريال
وهالمبلغ وش يكفي مايكفي ولا ربع الشهر
المهم انا بصراااحه معتمد ع الله سبحانه ثم ع الاستغفار والصدقه
البدايه اني استقطعت 100 ريال من راتبي مع العلم أني محتاجها بس قلت في أحوج مني وجد جد من أستقطعت وصرت اكثر استغفار شفت العجب العجااب كل باب رزق انفتح
انا موضف وبنفس الوقت ادرس جامعه وبنفس الوقت معقب يعني زي ماتقولون راعي كذا شغله ندور الرزق المهم احيانا اطفر مره لدرجة ما احصل مبلغ لمصروف البيت واقعد استغفر يوم يومين واحيانا نفس اليوم يجيني اتصال واحد يبي شغله ويكون اتعابي فيها الف ريال
واحيانا والله استغفر وازيد بالاستغفار كم يوم والله ان جيبي مايفضي اقل شي مية ريال واحيانا اقصر ما استغفر وجد لما اترك الاستغفار فعلا اطفر واجلس بالايام مهموم وافكر المهم
فكرت انا وزوجتي ان نرجع للأستغفار وقيام الليل وقرائة سورة الواقعه
استمرينا شهرين او ثلاث شهور كل يوم استغفار وقران وقيام ليل والله العظيم وانا اتصفح بالنت سولفت مع شخص ماعرفه ولا يعرفني المهم كلمني ع اساس اخلص له معامله ومن الكلام والشرح سألني وين اشتغل والدراسه وعرف كل شي عني من باب يبي يامن ع حقه
الرجال درى ان عندي ديون
تتوقعون وش سوا
كان علي دين البنك ودين بنك التسليف سدد الديون وبقى ديون الناس وديون بسيطه
الزبده انه قالي كلمه للحين ما انساها قالي أنت مسوي شي مرضي ربك يقول انا من شفتك أحس شي جاني يقول لازم تسدد وتساعد الشخص ورب البيت هذي كلمته
انا خنقتني العبره وربي تخيلو ديون باقي خمس سنين تخلصها وماخذه نص الراتب ومتزوج وعندك طفل ويجي يوم يطيح عنك ثلاث ارباع ديونك يعني يجيك 3600 ريال صافي صح قليل بس احسن من قبل ومنها اسدد بعض الناس يعني شوي شوي مو زي اول اجباري يستقطعونه من راتبي
اقلها اني ادرس وانا مرتاح صح باقي ديون بسيطه بس اهون من قبل
ومن القصص الي كنت اعاني منها
تخيلو مره فطور نبي نفطر الثلاجه فاضيه والجيب اكثر فضاوهـ مفطرين بطاطس مقلي لين ينزل الراتب كان يوم 25 بس عيت تسحب الصرافه وننتضر الفرع يفتح
ومرات مانحصل والله مصروف البيت يكون اكلنا رز ابيض فقط ولبن
بس الصراحه لما ارجع للأستغفار يمتلي البيت ولله الحمد
اذكر مرة كنت ناقل من شقه لشقه بمنطقه ثانيه وماكان عندي ايجار الدنا كل الي معي استاجرت فيه شقه المهم مع الاستغفار والتكرار والالحاح بطلب الرحمن الكريم فجأه كلمني واحد وقال ابي تخلص اوراق وقال ابي احول لك الفلوس الحين وحولها لي انا جد ما اوقعت انصدمت يعني تخيلو تستغفر يجيك الفرج فجأه
ومرهـ بعد ماكان عندي مصروف بيت واكرر الاستغفار فجأه كلمني واحد وحول لي 1600 ريال واكلمه اقول ارسل اوراقك يقول متى مافضيت ارسلتها لك وللحين له سنه مارسلها يعني الله الي ارسله لي سبحانه
ومع الاستغفار بالكلية جد كل المدرسين بالجامعه سبحان الله اي شي ابيه يسوونه لدرجة حتى جدول الأختبارات أطلب منهم يعدلون فيه والله ان يوم ينزل الجدول زي ما أبي مع العلم انهم بالبدايه رافضين الفكرهـ
وبعضهم يجيني يقول نعطيك المشاركه كامله والسبب يقول نساعدك لضروفك سبحان الله الجميع يسهل اموري
واذا رحت اراجع بأوراق اي شخص اجلس استغفر والله أن الموضف يمشي معي يخلص اوراقي وانا ما اعرفه نهاائي
حتى موظف مره قالي ياخي أنت وجهك مألوف وانا ماعرفه
قسم بالله شفت العجب بالاستغفار نصيحه الي محتاج ولا يبي وضيفه او عنده شي مضيق خاطره او ناقصه شي عليه بالاستغفار وربي كل باب بنفتح لك بقوة الله سبحانه وجبروته
===================
صيغ الاستغفار الي اكررها طبعا كلها جميع مو وحده لحالها لا اقولها كلها
(أستغفر الله وأتوب إليه)
(وكل صبح اقول رظيت بالله ربا وبالاسلام ديناً وبمحمد نبياً)
(اللهم اني أعوذ بك من الهم والحزن والعجز والكسل والجبن والبخل وظلع الدين وغلبة الرجال)___ هذي اقولها كل صباح وكل مغرب واكررها احيانا بأي وقت بس اهم شي اول ماقوم والمغرب
لا إله الا أنت سبحانك اني كنت من الظالمين
==================
وأي شخص مو مصدق هالقصه مستعد اعطيه ايميلي ويتاكد من كل شي
sussus25@hotmail.com
==================
طلعا انا للحين استغفر بنية الله يسهل اموري ويزيد راتبي وأسدد باقي ديني واتخرج واتوضف وضيفه راتب أعلى وارتاح
===================
منقول من الايميل وياليت يتم نشرالتجربه ونكسب الأجر أن شاء الله
4
3K
يلزم عليك تسجيل الدخول أولًا لكتابة تعليق.
مــــزون
•
مااشاء الله
الصفحة الأخيرة