قصة شاب نحف لرفع المعنويات

السلام عليكم ورحمة الله وبركاته
أخواني وأخواتي كثير منّا من يعاني من السمنه وأثارها وتعبها علينا كثير جدا
لالبس نقدر نلبسه ولاراحه بالنوم ولابالتمشي ولابالشكل العام وهذي حقيقة لايمكن لأي شخص نفيها
الحين عمري 24 سنه وزني 75 كيلو وطولي 173 سم
كان وزني قبل سنه ونص 105 كيلو
مارست رجيم متقطّع يعني اسبوع رجيم واسبوعين اخربها وزي كذا لمدة يمكن حول سنه لين ثبت وزني ع 95 كيلو ورفض رفض قاطع النزول لين صار عندي كئابه وحسبت أن جسمي غير قابل للنزول طبعا هالكلام كلّه بدون اي رياضه
-------------
الحلم
-------------
قبل 5 شهور وبالظبط
اليوم الأول من الشهر الثاني عام 2012
1 - 2 - 2012
كان عندي حلم وأستطعت تجميع والحصول ع المبلغ المناسب لتنفيذ هذا الحلم
وعشان داري ان اغلب الشعب عنده فضول كان حلمي هو السفر الى
(النمسا+المانيا+سويسرا+فرنسا+ايطاليا)
وقلت بنفسي ماراح يجي موعد السفره الا ووزني مثالي وسفرتي بإذن الله راح تكون نص السنه يعني بهالايام
---------
الرياضه
--------
بدأت وسجّلت بالصاله وأول شهر شديت ع نفسي كنت أسوي بالاسبوع *** سويدي والمفروض كل يوم
وبقية الايام
10 دقائق ع السير(مشي سريع+هروله+ركض)بالتدرج طبعاً
10 دقائق ع الاوبتكال
10 دقائق ع السيكل
وكل يوم كذا لمدة شهر نزل وزني الى 90 كيلو

----
التعثرات
----
ووقتها كرهت النادي لانها زحمه وانا دوامي شفتات وكل اسبوع يتغيّر وقمت اسحب ع النادي وتعذبت مع دوام الصاله لانه غير مناسب مع دوامي قلت عشان ماأضحي بالهدف حق انقاص الوزن لازم اضحي بالصاله وفعلاًُ قلت للصاله مع السلامه مع ان بقالي شهرين بالاشتراك

الحل البديل//
صرت أطلع كل يوم للكورنيش حق الخبر وأحسب لي نص ساعه بالظبط+5 دقائق راحه بين كل ربع ساعه وربع ساعه (ربع ساعه رايح وربع ساعه جاي)
والمسافه بالظبط 3.4 كيلو
واللي يعرف من اهل الشرقيه(من بداية الكورنيش الى مطعم عمو حمزة وارجع)
------
بداية الايام المشي السريع اكثر من الهروله وبعدها بمدة يصير الهروله شي عادي معك
واستمريت ع هالمنوال لين وزنت قبل أمس وصار وزني ولله الحمد 75 كيلو وهذا كله بفضل الله
طبعاً بقالي كيلوين عشان يصير وزني مثالي ع قولتهم لكن احس اني مظبوووط لكن برضه ناوي اوصلها للـ70 كيلو
-----
الاكل
-----
طبعاً النظام الغذائي هو اكثر مابهذلني لان اللي يبي ينزل وزنه يبيله اكل خاص ومافي دهون ولخبطه
لكن حاولت اتبع نظام سدد وقارب لان البيت السعودي صعبه تمشي ع اكل الدايت والرجيم 100%
صار نظامي الغذائي مثلاً الفطور سندوتش زعتر بس مع حليب السعوديه عشان اعرف اشتغل بالعمل
الغداء بدوووووووووووون
العشا سندوتش كباب او مشويات او سمك او حمص
واهم وجبه عندي اللي هي تكون قبل لاأسوي الرياضه وغالباً اسوي الرياضه بالليل عشان كذا العشا يكون كويس ومشبع وبعدها بربع ساعه شاهي اخضر واخلي المعده تريح ساعه وبعدها اطلع اركض
طبعاً بكتب لكم اغلب الاكلات اللي اكلها هالسته شهور
((مشويات بكل انواعها والسلطات بكل انواعها +سندوتش كباب+كورن فليكس+حمص+خبز بر مع جبنه كيري وفوقها عسل+تمر+خبز بر وزبادي+فواكه وخضروات+تبوله+سندوتش فاهيتا+رز ابيض مسلوق مع ملوخيه ولحم+تونه تخلطها مع بصل وشوية ثوم وشطه مع خبز بر))
طبعا 90% من الايام كان اكلي وجبه وحده باليوم اللي قبل النشاط الرياضي او وجبتين وتكون الوجبه الثانيه خفيفه
صحيح صعبه لكن اللي يبي ينززل وزنه لازم يقدم تنازلات
طبعاً كثيرين يقولون هالنظام غلط وكذا لكن انا ماعجبني الا هالنظام
وصرت اخربها بالاسبوع مرّه بس اهم شي الرياااااااااااااضه لحد يقول لي محل صب واي ودايت فود والكلام الفاضي ذا والله ماعندك احد راس مالها علبة تونه تعبي فيها بطنك
اسالوني جربتها كلها ايام كان وزني 95

----
المساعدات
---
طبعا انا شاري شاهي تويننق الاخضر الانقليزي ب39 ريال فيه 100 كيس واخذه بعد الاكل بنص ساعه
-----
طبعا من يوم عمري 13 سنه وانا سمين والحين بإذن الله ودّعت السمنه والحين اكبر خوفي ان السمنه ترجع لان اقسم بالله هم وانزاااح وماتوقعت اني بصمل وبيكون عندي عزيمه واوصل للي وصلت له
----
اصعب التحديات اللي واجهتني هي المعسل لان لي 7 سنوات اعسّل وبشكل يومي
وعارفين راعين المعسل أنّ قبل الواحد لايعسّل لازم يصك له بوجبه دسمه لاتقبل أنصاف الحلول وهذا اللي جايب العيد في الوزن ويزيده طبعاً اول مابديت الرياضه صرت اعسل في الاسبوع مرتين او ثلاث وبعدها بشهر صار كل اسبوع مره وبعدها اقسم بالله اني صرت أكره شي اسمه معسل والحمدلله ابشركم اني تركته
----
النهايه الحزينه
----
بخصوص حلم السفره بعد ماصارحت فيه ابوي وامي وبغيت أخذ اذنهم لان اول مره اطلع برا
كان جوابهم بالرفض التااام والقاطع وحاولت فيهم ودخلت وساطات ومافيه الا رفض

وفي غضون أسبوع تبدّل الحال يوم عرفوا ان عندي فلوس جتني انواع الظغوط منهم وبدل ماصرت ادور لأذنهم عشان السفر ابغاهم يفكوني من سالفة جديده اللي هي الزواج
الزبده اني تحت الظغوط وافقت كل شي صار بغضون اسبوعين ملّكت وزواجي بعد 3 شهور وراح حلم السفره لو دريت مانزلت وزني هههههه امزح
ااااخ يا أوروبا





سبب كتابتي للموضوع هو أني اعطي دفعه معنويّه لمن هو مثلي
والله اذا صملت وعزمت انك تجيب الهدف اللي تبغى توصل له
انا انسان عزيمتي رايحه فيها ولاني صمله لكن مع هدف السفره صملت ونزلت 20 كيلو في 5 شهوور




منقووووووووول
دعواتكم انحف