قصة شجاعتي مع القطوه خخخخخخخ

عساني مابكيك! :

هههههههههههههه يالبطله صار لي نفس الموقف سبحاااان الله بس قبل زواجي وكنت كاتبته بمنتدى ثاني 2007 تفضلي نسخه منه هع عساني مابكيك 2000 اول شي ترحب بكم .. وتشكركم على تلبيتكم الدعوه <<وتضرب الفيوزات كالعاده ابي اقولكم سالوفه صارت معي امس الله لايعيد الشر .. قبل اقولها تراني ماوصلت غرفتي لأجل اكتب لكم هالموضوع الا وانا حاطه اخوي "8"سنين قدامي ومتمسكه فيه مع كتوفه وامشي وعيوني تتلاقط .. <<يظل المهم رجال لو عمره 8 سنين ماعلي كيفي المهم انا دجاجه وخوافه وقلبي "فضيخ=اي شي يهزه= ينفضه= يرجه" امس كنت طالعه غرفتي ابي اجلس ع النت المغرب الا شفت باب البلكونه مفتوح فرحت بسكره قبل ادخل الغرفه مادريت الا قطوه قصدي ظلال قطوه طلع من البلكونه بسرعه وصرخت صرخه لو مو كل يوم مزعجنا صيت ارامكو كانو الحاره شكو ان الحرب قامت بس ربي ستر المهم واطالع الا طارت لم باب الدرج كش عليها داله دربها تبي تنزل!! انا تضاربت الافكار براسي وقمت اقول وش طلعها فوق من وين جت .. وطبعا مافيه وقت افكر رحت ركض غرفتي وقفلت الباب <<وللحين اسأل حالي ليه قفلت الباب مثلاً القطوه يعني بتمد يدها لممسك الباب وتفتحه؟! وادور جوالي ابي اكلم اهلي يطلعون لي فوق او اخبرهم ان القطوه نزلت حولهم الا كعادته الكريمه جوالي تحت بالصاله وياليل البلشه ماحسيت الا عنوني تمزح معي وتدمع واقول لحالي يعني هذا وقت نت المغرب ليه ماانطقيت اتابع ام بي سي اكشن ابرك وزاد جنوني افكر لاجيت بطلع وش اسوي اهلي مهم طالعين ينامون الا 11 الليل بجلس محبوسه بالغرفه ؟؟ وفي اثناء تفكيري ولعت لمبه خضراء فوق راسي ونطيت لجهازي وفتحت النت ودخلت المسن وشفت صقيقتي وقلتلها جيتي والله جابك قصدي تواجدتي والله اوجدك يابنت دقي ع جوالي ولا ع البيت وقولي لأمي تطلع لي فوق بسرعه .. البنت خافت وقالت ليييه؟؟ قلت فيه قطوه حصلتها ببيتنا فوق وانا محبوسه بالغرفه مقفله ع حالي .. قامت تضحك الدبه وقالت بس ليه مقفله الباب تيب؟؟ فتصبصب العرق خجلاً على التقفيله وقلت مالتس شغل دقي وبس قالت اخاف اخوف امتس قلت لا قوليلها بس خايفه من قطوه شافتها وهي بالغرفه المهم قالت تيب وفي اثناء انتظاري حصل مالم يكن بالحسبان .. تهي تهي امي طلعت لي مع ابوي ااااه يالفشيله وطقو الباب واتصبصب عرقاً للمره الثانيه لإني قلت مين؟؟!!< قلتها وانا اتخيل القطوه ابد جنيه مو بقطوه صارت بعنوني هههههههه الا ابوي يقول افتحي ياوليدي .. وانا اللي تتكن العبره وافتح الباب ويمسك راسي ويقول بسم الله عليتس ( وليدي = للبنت والولد عندنا ) وامي تقول " حرز على قلبتس " وانا ضعت بينهم رجعوني طفله عمرها خمس سنين وماالومهم فيني اللي يشوف شكلي يبكي << يبكي من كثر الضحك طبعا ههههههههه الا ابوي يقول وين راحت قلت ن ز ل ت م ع الد ر ر ر ج << صوت ينتع ومتقطع مع البكي الا يقول لاتخافين ياوليدي الحين اطلعه التسلبه <<بزعمه يسب القطوه لاناداها كـلبه هههههه الا مسك يدي وقال قوه معي = يلا معي اوريتس وانا اطلعه اكيد دخلت مع باب الدرج العصر قلت لا انت رح الحالك انا ب ب ق ى هنا .. شوي الا صراخ اخواني الصغار تحت ههههههههه وتنفست الصعداء حسيت مابيمسكونها بس علي هالسالفه وقمت اضحك وانا ابكي واقول راحت لهم <<< انكتمي لاتقارنين حالك بأبو خمس وثمان سنين " ماعلي ماعلي " المهم طارو لاخواني ابوووي وامي ورجعت قفلت الباب ع حالي من جديد الى مارجع ابوي ونزلني تحت .. وانتهت السالفه ع خير واليوم ماتبت طالعه للنت بس طلعت بعد صلاة العشاء <<ينقال تسوي تمويه للقطوه بحال رجعت وطلعت وانا متمسكه بكتف اخوي .. وربي انه رجال فديته ماخاف وهي داخله عليهم الصاله بسم الله عليه وانا بس مرت من عند رجليني ولاشفتها عدل وبغيت انجلط ااااااه بس وهيدي السالوفه بدكم تضحكو علي بدكم تبكو براحتكم دبيين المهم بما اني عساني مابكيك 2000 <<لايسمعتس تركي الميزاني احب اختم بهالبيت اهداء للقطوه عسى ترحمني ولاعاد اشوفها الدمع هذا اللي تشوفه مهو دمع .. اشعلت عيني لأجل اشوف القطو وذابت واللي نزل منها على خدي الشمع ... طسي ياقطوه العين من الروعه شابت وبص ************************************************************ "كتبتها ايام شاعر المليون ايام تركي الميزاني وه" واتمنى ان تضيف دعابتي القليل لموضوعك < كيفني وانا اتفلسف كل الود

هههههههههههههه يالبطله صار لي نفس الموقف سبحاااان الله بس قبل زواجي وكنت كاتبته بمنتدى ثاني 2007...