قصة شعري مع زيت أم الجدايل ... ادخلوا ما راح تندمون

بسم الله الرحمن الرحيم

أخواتي العزيزات … حبيت اليوم أكتب عن تجربتي مع زيت
أم الجدايل من وادي النحل ( عليه صورة ضفيره لونها بني ) ...
حبيباتي أنا شعري ناعم والحمد لله بس خفييييف والشعره ضعيفه من أمسكها تطيح في يدي ...
المهم أنا عندي فقر دم و التساقط ذبحني و صبغت أيام زواجي ... عروسه وبكشخ ..... زاد التساقط وصار كل مكان في البيت. فيه شعر و إذا كنست الموكيت أخاف من كثر الشعر اللي أطلعه
قلت خلاص بصلع وبدأت تطلع فراغات ومن ضعفه بطييييئ ما يطول
المهم ....
كلمت خالتي تعطيني من زيت بناتها لأن ما شاء الله شعورهم تجنن وهي تسوي لهم خلطه زيوت (7 زيوت )
وانا ما أعرف شي في الشعر والعنايه فيه لأني حتى السيشوار ما أستخدمه الا إذا كنت مستعجله للتجفيف لأنه دهني وإذا سشورته يدهن بزياده ...
المهم ما ابي أطول سوت لي خلطت الزيوت الله يسعدها بس قالت لي
اول شي إشتري زيت أم الجدايل إستخدمي منه علبتين يوم إيوه ويومين لا ... بعدين نستخدم الخلطه ... أظن نحضر الشعر عشان ما يتساقط مع الخلطه .... بدأت استخدم أم الجدايل ماكنت منتظمه عليه عشان أداوم في الجامعه المهم جات الإجازه وصرت أستخدمه كل يوم أحطه واسوي مساج خفيف ثم أغطيه ببلاستيك وأحضر أغراضي وأخلص شغلي … يعني بالكثير 45 دقيقه بعدين أشيل البلاستيك واعمل مساج و أغسله زييين .... بس أسبوع واحد والا أدخل يدي في شعري والمفاجأه ماطاحت ولا شعره ماصدقت حركته مره ثانيه وثالثه يا دوب نزلت شعره وحده بس ... بعد ماكان يطلع 50 شعره ... غير النعومه والرطوبه والطووووول ... قلت وش أبي في الخلطه هذا زيتي وبس ولا له ريحه ... ريحته خروع على سمسم على خردل رووووعه
ادري طولت عليكم بس ما عندي غير 3 مشاركات وابي اكفي و أوفي ... وما أبي منكم شي الا الدعاء إن الله يخلي لي زوجي وأولادي ولا يفرق بيننا ... يا رب