قصة صديقتي المضحكة المبكية ( اللي طفشانة تدخل)

السلام عليكم

سالفة وحبيت أحكيلكم عنها

هذا انا الله يسلمكم عندي فوبيا من المصعد الكهربائي ماأطلع فيه لو ايش ماصار أخاف يقفل ولا يخرب واموت مخنوقة داخله :32: ( فلم مرعب )

ولو وين مااروح ان شاء الله برج ايفل اطلع بالدرج ( انتي روحي برج ايفل اول وبعدين نتفاهم)

ومرة زوجي حطني بالمستشفى عندي موعد وراح لعمله . وطلعت الدكتورة في الدور الثاني والدرج مسكرينة وكاتبين صيانة . طبعا اتصلت على زوجي وقلت له تعال مقدر اطلع الدرج هههههه وتهزيء في الجوال وجاني وقال لي لازم تروحي لدكتور نفسي هذي مو عيشة

ندخل بالمفيد ...

سبب خوفي من المصعد هذه القصة :

جتني صديقتي للبيت وجلست تحكيني تقول انه مرة كانت بالمستشفى ودخلت المصعد بتنزل لتحت . تبغ الأرضي وبالغلط ضغطت على( الدهليس) الدور اللي تحت الأرض . وهنا هم حاطين ثلاجة الموتى . المهم زوجها كان واقف لها جنب المصعد ينتظرها واختنا نزلت لتحت . وانفتح باب المصعد ومشت وطلع المصعد لفوق . تقول وتشوف قدامها مكيف صحراوي باااارد ورفوف اموات . الحريم مغطايين بعباياتهم مو باينين . والرجال باينة وجيههم . ورف للأطفال . طبعا هي صارت تصررررخ وتقول لا الاه الا الله . الناس كلها ميته . وجت ترجع للمصعد لقته طلع فوق . وضغطت وتنتظره يرجع . وشوي ويجيها واحد كان جالس على المكتب وقال لها وش جابك هنا ياختي ذي الثلاجة . وهي تصرخ وتقرأ ايه الكرسي وتقول ابعد احسن لك .

وتطلع الجوال وتدق على زوجها ، ويقول لها وينك انا جنب المصعد انتظرك . تقول له الحققققني انا في ثلاجة الميتين :p. قال لها نعععععم


وهي تقول بسرعة تعال طلعني . وزوجها يقول لحظة انتي وين ؟ ( مو مصدق ) ترد تقول انا بالثلاجة والميتين حولي .. ههههههه يقول لها وش موديكي هناك؟

المهم ويروح للكونتر ويقول للموظف لو سمحت وين ثلاجة الموتى ؟ زوجتي متصلة علي وتقول تعال خذني من الثلاجة ؟

الموظف استغرب على باله الرجال سكران ولا شي خخخخخخخخ

وجا الموظف وزوجها ونزلو لها تحت لقوها بس تصارخ وتصارخ ،، واخذها زوجها وعلى الطوارئ في نفس المستشفى وتنويم ومسكنات ومغذيات .. تخيلوووو

وبعدها ثلاث شهور وهي تتعالج عند شيخ يقرا عليها .. تقول ماني قادرة انسى منظر الأموات

الله يرحمنا برحمته يارب


وش رايكم بالموقف ؟