قصة صديقتي تبي رايكم

صديقتي وحدة طيبة وحبوبة المهم انها عايشة مع اهلها حياة مو كويسة وكلها ظلم من اختها اللي تغار منها وتقارن دائم بينها وبينها ... توظفت وهي لا انخطبت وهي لا .. هي جميلة هي لا .. هي متفوقة هي لا .
طيب ... اختها كانت تسبب لها مشاكل كثيرة ومهي حقيقية تتهمها أنها أخذت اغراضها وأنها مدري ايش وهي والله ماخذت شيء ومالها بها وهي اللي بالعكس تاخذ اغراضها وهدايا خطيبها تسرقهم.
ولما شافت اختها انخطبت غارت منها أكثر وزادت المشاكل ومحد يصدقها حتى أنها مرة انطردت من البيت بسببها قبل تنخطب المهم لما انخطبت حاولت بعد تخرب عليها وتفسد فرحتها باي طريقة لين اتخذت في حياتها خطوة صعبة ماتناسب اخلاقها راحت مع خطيبها سكنت معه قبل الزواج هي صدق ماتعدت حدودها معاه لكن ماناسية اللي صار وأنها اتخذت هالخطوة مجبورة بسبب اختها ومشاكلها اللي زادت عن حدها ودها تطلق اختها شايفة تجهيزات الزواج وكذا وقعدت تسوي مشاكل زيادة ونفس الشيء محد يصدقها .. واتخذت هالخطوة الصعبة تتخيلوا أن وحدة قبل زواجها تعيش مع خطيبها لين تتزوج لان ماعندها مكان تعيش فيه غير مع وحدة تسوي لها مشكلات مهي طبيعية وتولع الليتات لانامت وكل شيء يغضب الواحد تسويه عشان تطفشها تقول صديقتي حتى احيانا وهي مع خطيبها طالعين تبكي دون سبب وهو مايدري يحسب هو السبب.
الحين أهلها يقولون ماتجين تزورينا وهم مرة من المرات طاردينها من البيت ع حساب اختها وهي اختها صغيرة مفروض يعني مايصدقونها بس مدري كيف هي الحياة كذا احيانا تكون صح ومحد يوقف معاك.
طيب ايش تسوي هي دائما تزورني وتقول ماودي ازور اهلي ظلموني كثير وطردوني واضطريت اروح اخصائي نفسي بسبب الحالة اللي كنت فيها لين الله فرجها علي وتزوجت وطلعت من عندهم ..صدق ماني عايشة الحياة الي ابيها بس ابي ابتعد عن المشاكل ومالقيت احن من زوجي علي .
تبي تنسى الماضي كلما تزور اهلها تذكر تحس بالظلم والضيق لما يكلمونها ماقادرة تنسى لان الموضوع مرة من المرات وصل لعند الطرد وهي مهي الغلطانة.. امها وأبوها علاقتها حلوة معهم بس نفس الشيء ماكانوا يصدقون أنها على حق وقت اي مشكلة والكل كان عليها ابوها وأخوها وامها واختها والله تعب نفسي كبير.
كيف اواسيها؟وهل معها حق أنها ماتزورهم هي تزورهم بس ع حسب مزاجها لان معاملتهم كانت جدا سيئة وفيها ظلم بسبب اختها؟!
يعني تخيلي تعيشي مع خطيبك قبل الزواج بثلاث اشهر تخيلي ايش بقول عنك ؟! بس انت ماقلتي له اهلك طاردينك أو انك هاربة من مشكلة كبيرة .. والحمدلله طلع خطيبها شخص محترم وماعنده افكار سيئة .. هي للحين حاقدة عليهم لهذا السبب ماقادرة تنسى انها اتخذت هالخطوة اللي تنافي مبادئها عشان اختها الطفلة اللي تغار منها وتسوي مشكلة كبيرة كل يوم حتى تجهز لاتطلع مع خطيبها ترجع مجهزة مشكلة استغفر الله