قصة صديقتي مع اهل زوجها اللي تضحك 😂

السلام عليكم ...


مرحبا بنات ... والله يوم كلمتني صديقتي تفضفض وتبي رايي اني احترت ماعرفت ارد عليها ...




صديقتي ولدت وجابت ولد وتعبت بولدها هذا في حملها وولادته ...




المهم من يوم جابت هالنتفه وام الزوج والزوج ناشبين لها
يوم الطهار بيطهرونه وبتروح مع ولدها عادي مثل اي ام يقول لها زوجها وامه ماله داعي تروحين خلاص امي بتروح معي وتاخذه والام تقول ماله داعي تروحين انا بروح واخذه
هي تقول عادي روحي ياعمه وخوذيه وانا بروح معكم قلبي مايطاوعني اتركه وانتظر بالبيت .. اتعب افكر وانتظره ودي اروح كذا ارتاح .. وهم لا ماله داعي انت تروحين .. يالله مشتها
واذا جوها زياره بنفاسها الام تقول وش رايك اخذه عندي اسبوع ثم تضحك ... والزوج يكرر فوق راسها جايبها بطريقة استهبال وضحك لشافه شايله همه اذا جاه مغص او غازات وتألم الولد تشيل همه وتشكي له ... يجي يقول يالله اهتمي ولا ترا باخذه واحطه عند امي تهتم فيه ويضحك .. مثل اللي منحرج من كلامه ويصرفها بضحك تقول من حملت وهو يرمي عليه هالكلمات بخليه عند امي امي تهتم فيه مدري. ايش
واخر شي يقول شوفي لسافرنا لأهلي ترا تخلينه ينام عند امي
خلاص ...


وهي تقول عادي انا عندي بس هو وامه محسسيني اني مالي دخل بهذا الولد .. والولد ولدهم مدري وش سالفته هو ولا هي
مايبونه بيدي ... حتى يوم اركب معهم بسياره ياخذه وليه تلبسينه كذا ومايصلح كذا وامه اي والله انك صادق انت ليه كذا ملبسته وليه كذا مسويه ثم ياخذه ويعطيه امه ..
وطول الطريق في المستشفى ويوم ننتظر ويوم ياخذه الدكتور ياخذه ويحطه عند امه وامه تاخذه وهكذا وانا عادي اقول جدته ابوه ... بس ليه كذا يتعاملون معي ...
ودايم كلمته انت ماله داعي تروحين معه انت ماله داعي تنامين معه امي تنام معه انت ماله داعي تروحين معه امي تروح معه انت ماله داعي سوين كذا له امي تسوي كذا له
ولا وش رايك نخليه عند امي ... ولا كلمته انا ما ابيه يتعلق فيك انت اكثر ابيه يتعلق فيني انا اكثر ..
ويبيه يتعلق في امه اكثر مايتعلق فيني انا .... خايفين الولد يتعلق فيني اكثر هههههههههه مدري رش سالفتهم ...
وانا عادي عندي يشبعون بولدهم وجدته وتحبه تاخذه باي وقت وهو ابوه .. بس ليه كذا هالتعامل معي وتهميشي وانه ولدهم وانا مالي داعي انا ... وان كل شي اسويه غلط رفعت المكيف نزليه ذبحتيه بالحر ... نزلت المكيف ارفعي ذبحتيه بالبرد ... ثم عاد تقول يوووه والله شكلي باخذه انا اهتم فيه انت ماتعرفين له ... وهو شكلي بخليه عند امي تهتم فيه وش رايك لسافرنا لامي نخليه عندها اسبوع وبعدين اجي اخذه الولد هذا عمره شهر شهرين ويبيها تتركه عند امه وتسافر لمدينه ثانيه وولدها بمدينه ثانيه 😅 ... وكيف اتعامل معهم .. وهل انا حساسه ولا هم خلوني اصير حساسه بتعاملهم معي ..
تقول محسسني ماعرف اقوم بهالولد ولا اهتم فيه ولا شي وهو لو على كيفه يخليه يعيش الولد عند امه ..




عاد انا قلت لها طنشي وخليهم يشبعون فيه .. ولاتكوني حساسه ... بيكبر ويملون منه .. انتم وش رايكم وكد مرت عليكم مثل كذا .....
والله انا لشفت مثل هالقصص اجلس محتاره من تصرف الزوج وامه اللي ربي مشغلهم بهالولد و الزوجه اللي تتحسس من كل تصرف لام زوجها وكل كلمه تقولها احس احسن حل التطنيش تريح راسها ومخها .. عاد قلت اقولكم سالفتها واشوف رايكم ..