قصة ضياااااع وخوف والم..خآآلتي

السلام عليكم ورحمة الله ...

اليوم بكتب لكم قصة خالتي اخت امي الشقيقه..
انا كتبت لكم القصه عشان شي بنفسي ونهايه القصه راح اقوله لكم..
جدي كان متزوج من4نساء وهم عايشين بقريه وحالتهم الماديه سيئه لأبعد حد

المهم هو يتدين من فلان ويطلب من الثاني عشان يصرف على اولاده وهذي حياتهم..

خالتي لما جاء عمرها 6سنوات ارسلتها جدتي لاختها تبيها تدرس لان هم بالقريه ماعندهم مدرسه

وزمان ماكان عندهم وسائل تواصل ولا حاجه يعني ارسلتها لاختها وتركتها ع اساس انها بتدرس

مرت سنه وجت السنه الثانيه وانتهت وراحت جدتي بتشوف بنتها وتسلم عليها
لكن!!!


يوم جت لقت اختها مخليه البنت عندها خدآآمه وتخليها تنظل وتشتغل وما خلتها تدرس كان عمرها 8سنوات
جدتي زعلت وعصبت واخذتها معها للقريه وقالت مو لازم تدرس..

المهم بعد رجوعها بكم شهر

جاء لجدي رجال من اللي متدين منهم وطلب منه يسدد الدين ووصل فيهم الامر الى شي ماله حدود
المهم قال جدي فلوس ماعندي ابد عشان اعطيك لكن بعطيك بنتي تخليها مثل الرهينه عندك
الى ان اجمع مبلغ واجيبه لك
اخذ الرجال خالتي...
اختفى الرجال واختفت خالتي معه شهر شهرين سنه سنتين 3سنوات

وصل 6سنوات وهي مختفيييه
جدتي انهبلت من يوم ما اعطاها الرجال وهي تبكي وتركض وتدور بالقرى اللي حولها
لكن لامجيب
جدي بارد وكان الامر ماهمه وهي ماعندها اولاد عندها تقريبا 6بنات

مافيه احد يساعدها
كانت تبكي وتبكي لكن مافاد بكاها وبعدها يئست انها راح تلقاها

بيوم من الايام جاء غريب لهم وجدتي من عادتها اي احد يجي من برى القريه تساله
عن بنتها وهي تسال الرجال قالت انا ضايعه لي بنت مواصفاتها كذا وكذا


قال اعرفها تشتغل بقريه قريبه مننا بمزرعه عند رجال
جدتي جن جنونها قالت ودني لها ولك اللي تبي ابي بنتي بس

قال الرجال اوديك بشرط تعطيني اجره
وهي تعطيه لحاف بناتها اللي يتلحفون فيه بالليل هذا اغلى شي تملكه
بمهنى اصح كانت قمه الفقر

يتبع