السـلام عليكم ورحمة الله وبركــآته ,,
كيفكم ؟ إن شاء الله بخير
يآلله شفتو جدة ايش صار فيها !!!! " ]
والله ذاك اليوم كان أكشن بالنسبه لي .. وصارت لي أفلاام فيه I طبعاً وثقتها بالصور .. بس من الآاااان بقولكم .. أعتذر وبشده على رداءة الصور " " لأن كلها تصوير البي بي وما يحتاج أوصفلكم تصويره كيف سيييء "
اول شي انا يوم الثلوث الليل ما نمت زي الناس .. والله يدووب ساعتين وصحيت أراجع لأختباري حق يووم الربوع
قلت ياشيخه الأختبار كله ساعتين بعدين أرجع البيت وأطقها نومه للعشاااء .. ما وراي شي
ومن جد صحيت على الساعه 7 تقريباً .. كان الجو مغيم وفيه هتاان
بس انا بيتي في الشمال والجامعه في الجنوب يعني مو شرط ان الجامعه كمان يكون الجو عندهم مطر
المهم طلعت من البيت الساعه 9
دخلت الجامعه والجو عااااادي .. فيه شمس وقلييل غيوم
بدينا نختبر والمطر كل ماله يقوى .. الكلاس فيه شبابيك كبييييره ... يالللله مني قادره اركز عين في الورقه وعين في المطر
مرت تقريباً نص ساعه .. شوي جو بنات يصرخون اطلعووو حريقه حريقه !!!
والاستاذه صارت تقول حطو الورق بسرعه مو لازم توقعون ..
وبس طلعت من المبنى الا الاقي في وجهي رجال كثااار " حقين الدفاع المدني ... تخيييلو المبنى اللي انا فيه صار فيه اللتماس ادى الى حريق وجو الدفاع
اصلاً السما كانت سووودا ما كأننا في الظهر !!
الحريم حقات الأمن لآبسين شي أصفر بلآستيك .. صحبتي معايا تقول تعالي خلينا نقولهم نبغا زيكم " " ورحنا في جهه قاعدين نتصور أنا وهي " << لسا ما كنا مستوعبين خطورة الوضع
شوي شافتنا وحده من حقات الآمن .. صارت تصرخ مهااابيييل انتم اطلعوو ومدري ايش .. والله خوفتني .. وعلى طول طلعنا " لمن طلعت كانت الأجواء من جدددد تفجع "
تخيلووو كل ذا والساعه ما جات 12 !!!!!!
بس بعدين فجأه صار الدفاع في كل مكان ورجال حق الأمن برى عند المواقف صار يصارخ علينا انا وصحبتي أدخلوووا اي سياره اي باص بسرعه اركبوا اي شي
قسم بالله رعب .. على طووول ركبت في باص قدامي ومشينا
كان في الباص 7 بنات .. وانا الثامنه
طبعاً الطرق والشوارع كلهاااا غرقانه
وبشوييييييييييييييييش نمشي .. يمين بالله كأننا وسط بحر !!
شي مو بس مرعب " والبنات يبكوووون .. والله بس أنا وبنتين اللي ما بكينا " صراحه أنبهرت من نفسي .. أكتشفت أني أمراه ذات قلب فولاذي " "
هنا لما طلعنا من الجامعه
صور من طريقنا
هنا وانا بالباص قاعده اطالع جزمتي + شنطتي بحسره " تكرمون"
والله غرقاااانين مويا .. انعدموووو
صوره للمطر ..
مسجد كان على طريقنا
يتبع ,,,
طبعاً طووووول ما أحنا نمشي نشوف السيارات الغرقانه والعالم الواقفين "
هنا السواق صار يقول ما اقدر أمشي خلاص !!!! لو في حفره في الأرض أو شي .. مااا اشوف شي
ومن جد وقفنا .. جلسنا شي ابو ربع ساعه واقفين
هو .. يتكلم ويبربر<< أنه المفروض نوقف لأن الوضع كله ماله يسوء وممكن المناطق الجايه اللعن من ذي ومدري ايش ...
والبنات.. يبكون
وأنا .. أصور
بعدين مشينا ..
بعدين وصلنا لمنطقه وربي ررررعب
موووويا موووويا مووويا والله مو بس كأننا في بحر
والباص زي الضباب .. حتى بررى !!!!!!
أصلاً السواق ما صار يشوف شي .. أنا جنب الطاقه ما صرت أشوف شي
والله افتحها وأطلع راسي مااااا اشوف ولا ششي .. ضــباااااب
آخر شي صار السواق يمشي بدون ما يشوف شي .. تخيلو واحد يسوق بدون ما يشوف ..
قاعدين نمشي على الله
ووقتها خلااص وقفت تصوير .. حسيت كل جسمي تيبّس
وكلنا سااكتيين ندعي ونستغفر
بس الحمدلله بعدين بدت الرؤيه نوعاً ما تتضح ..