قصة طريفة باللهجة السودانية غايتو الشفوت بفهموها بسرعة هههههههه

معاوية 😂اللصقة 📏


😂 قصة طريفة 😂


عندنا زول متلحنا تتلح .. ﻻصق فينا اليوم كلو و من بيتنا ما بطلع ..
فطور/ غدا/ عشا /تحلية /شاي / لبن ...
ماف شي بي يفوتو غالبنا البنسوي معاهو .
نحمر ليهو يعاين في التلفزيون ..
نقفل التلفزيون و نحمر ليهو يعاين للمروحة ..
نقفل المروحة و نحمر ليهو ... يطقطق اصابيعهوو .
مادايرين نقولها ليهو عديل عشان ما نخسرو ﻻنو مرات كدا بي يفيدنا في البيت لو في حيطة واقعه وﻻ راكوبه دايرة تصليح وﻻ عتاله بجي وبندرش ..
دا حقو و ما ناكرينو ليو ..
امي قالت شوفو ليكم حل مع الولد ده يا تخارجهو بالحسنى يا كمان تتخارجو كلكم معاهو ..
المهم عقدنا اجتماع سري و طارئ بعنوان : ( كيف نتخلص من معاوية) و اﻻجتماع جميل و هادئ انا و ابوي و اخواني و أخواتي و معاوية في نصنا يصفق سااااي مبسوط اﻷجتماع بي اسمو ..
مش قلت ليكم لصقه 😠 ....
الحاج اقترح حل لكن حل قااااسي شديد وصعب و ضاغط على اﻷسرة و اكتر زول متكيف من اﻷقتراح دا عمك الحاج الوالد .. ﻻنو اقتصادي معاهو شديييييد 😊
اﻻقتراح انو ما ناكل حاجه تاني غير (عدس) و اتفقنا على كدا .. وحلفنا قسم الطاعه و الوﻻء كلنا و الخاين الله يخونو و ماف زول ياكل برة ..
و فعﻼ شرعنا في الموضوع و بقى البرنامج كالتالي :
عدس اصفر فطور 😷
فتة عدس الغدا 😷
عدس بالصلصه بالقراصة العشا 😷
تﻼااااته يوم شغالين كدا ..
بعد شوية ينادو الناس للوجبة يلقو في زول ناقص .. و معاوية قااااااعد 😂 ...
بعد خمسة يوم اﻷكل بقو يسوهو لي معاوية براااااهو .. كلنا هربنا 💃..
امي تجيب العدس و معاوية يفرم ..
عدس بي كسرة ياااكلو .. 🙊
عدس بي قراصة ياكلو .. 🙊
عدس بي قرقوش يااااكلوو .. 🙊
عدس بي ملعقة ياكلو .. 🙊
عدس بي عدس يااااكلو .. 🙊
شغال ليك فرم جد طااااحونه بس 🙈
امي شكت في الموضوع قالت يمكن العدس البتعملو دا سمح ...
بقت تجيبو من غير ملح برضو اكلووو .. 🙉
بقت ما بتعمل فيهو بهارات برضو اكلووو .. 🙉
جابتو ليهوو حب في الصينيه سفااهووو ليها ... 🙉
ياخ وراها الطفا النور منو .... 😭😭
معاوية دا اكل كمية عدس لمن بقى لونو اصفر ..
ﻻ زهج ﻻ اتضايق ﻻ اتحسس وﻻ دا و ﻻ دا .. 😏
بصراحة خفنا عليهو يجيهو فقر دم و ﻻ شلل رعاش .. برضو فيالنهاية زول بنعرفوو هو شغال معانا تحدي عدييييييل ..
و الموضوع اخد جانب شخصي بينوو بين الحاجه و نحنا بنتفرج ...
امي اي كمية عدس تسويها هو بياكلها..
و معاوية ثابت و ما اتزعزع ابدا ..
و فعﻼ كسب التحدي ..
و امي كرهت حاجه اسمها عدس و كرهت يومو ..
و بقت لمن تشم ريحة عدس لمن تجيها دوخه و تقع عديل اﻻ يفوقوها ..
و أعلنت استسﻼمها التام لمعاوية ... 😒


تم تكريم معاوية من قبل الحاج بي مبلغ مليون و نص ﻻنو وفر ليهو تمانية مليون من منصرفات البيت في سته شهور ..
و تم تبني معاوية كا فرد من اﻷسرة و حاليا يتمتع بي كامل حقوق اي فرد من الاسرة !!!
😂😂😂😂😂😂