brillent :

ما كملت الردود ولا ادري وش صار على موضوعك لكن لفت انتباهي كثير بنات كاتبين كلمي امه وقولي انا وش قصرت معم ؟؟؟؟؟؟ بنات بالله من جدكم!!! وش قطة الوجه هذي !!! اتمنى انك يا صاحبة الموضوع ماخطيتي هالخطوه ابدا ابدا انتبهي تدقين على اي احد من اهله وتبررين لنفسك ترى التبرير احيانا يكون تلميح لترقيع الغلط ... انتبهي انتبهي.. حتى هو لا تتواصلين معه رجال ويتحمل نتيجة كلمته انا مريت بظروف مشابهه لظروفك بس ما تطلقت وجلست عند اهلي شهور .. زوجي كان ضعيف شخصيه ويتأثر بكلام اهله وبسبب تدخلاتهم وصار خلاف بيني وبينه وتدخلت امه وصار سوء فهم وكبرت المشكله ورحت لاهلي جلست اكثر من ست اشهر .. تحسبيني كلمتهم او عطيتهم وجه رغم اني مظلومه والغلط راكب ولدهم وراكبهم كلهم !!!!!! والله والله سحبت عليهم ولدرجة اكثر من وحده تقولي كلمي امه وبرري لها الموقف خليها تعرف انك مظلومه و ولدها غلطان وانا ااقولهم عساهم ما عرفو مو لازم يعرفون ان ولدهم غلطان خليهم يشبعون فيه هو بنفسه زي ما طلع علي كلام وسمح لهم يتدخلون بيرجع ثاني و بدافع عني و يبرر لهم والله والله كنت اعرف ان موقفه بيتغير مثل ما وقف معهم وانا مو غلطانه بيرجع يوقف معي و هو بنفسه اللي يبرر لي مو انا ابرر لنفسي ،،،، لدجة وانا عند اهلي اخته ارسلت لي مره تقول فلان يبيك تشيلين البلوك يبي يكلمك وانا ما رديت ابدا و بعد كم يوم اخته الثانيه تسألني ع الواتس فلانه اخبارك فلان يقول عندك رغبه ترجعين بيتك.. وانا ولا كاني شفت الرساله... رغم ان خواته عادي اتواصل معهم بخصوص الاولاد وارد على رسايلهم كلها بس الرسايل اللي بخصوص اخوهم وبخصوص رجعتي والله كنت اطنش افتح الواتس واقرا الرساله ولا ارد ولا كأني شفت شي .. تطنيشي هو اللي اثبت لهم اني ماني غلطانه و واثقه من نفسي من غير ابرر .. واني بايعه وفي الاخير اخوهم جا هو بنفسه برضاوه لي و خاتمه لابوي ( الخاتمه مبلغ لاهل الزوجه مثل الرضوه يعني) ورجعت لبيتي وانا مرفوعة الراس لا دقيت على احد ولا بررت موقفي لاحد.. حتى ايام خلافاتنا لمن امه كانت تكلمني على اساس انها بتدخل وتحل المشكله كنت ما اعطيها التفاصيل وكل ماقالت لي ليه سويتي لزوجك كذا وليه قلتي له كذا كنت اقولها اسألي ولدك وخذي التفاصيل منه.. اقسم بالله انها كانت تسكت وتحتار لانها مو لاقيه شي علي مجرد كلام يوصلها عني ومو من لساني بعد اسمعي مني وانا اختك اسحبي عليه وعلى اهله لو فيه خير بيجيك وبترجعين مرفوعة الراس ولو مافيه خير لك ربي من سابع سما بيصرفه عنك على اهون سبب .. حتى امك لا تكلمه ولا تكلم امه خليه الوقت بيمر بيمر خليه هالوقت هو بيتأدب فيه وبيصير رجال يعرف كيف يمشي حياته مع اهله و مع زوجته .. واي صح نسيت خذي دورات او سجلي في نادي لا تجلسين بالبيت كذا وتتركين نفسك للحزن .. انا اذكر اني سجلت في دورة حاسب و مررره انبسط فيها ونسيت زوجي و ومشاكلي معه والله يوفقك يااارب و ييسر لك

ما كملت الردود ولا ادري وش صار على موضوعك لكن لفت انتباهي كثير بنات كاتبين كلمي امه وقولي انا وش...

الشفوقه :

الله يفرج همك اش صار عليك ياصاحبة الموضوع

الله يفرج همك اش صار عليك ياصاحبة الموضوع