شكلها انحذفت هيه والقصه الثانيه

تبونها انا حافظتها عندي

هل ياترى راح اكسب حب ام زوجي بالفعل؟؟؟
.............................. ...
أول ماولدت وقبل لا اطلع من غرفة الولاده اتصلت على امه
((امي انا اولدت))
الف الف مبروك يابنتي ودموووووووع الحمدلله على سلامتك ترىاسمها نوره على اسمي ,,
ابشري يا امي ,
هنا لي وقفه
معقوله بنات انا كنت ظالمتها
معقوله تحبني
اصلآ ليش تكرهني انا ماضريتها بشي
وليش انا اتصلت عليها هي قبل الكل؟ يمكن انا بعد احبها وانا مدري...
هي ماخذه ولدها بالقوه مني وعيشتني وحيده ولا تكلمت ماحسيت بالرجال من خذته...لالا اكيد الحين كل شي بيتغير مو انا ام عياله.....!!!
كبرت بنتي وصار عمرها 6 شهووووروانا في قمة السعاده
ورغم اني بيني وبينه الف حاجز لأنه كل شي يقوله لأمه
لكن حبيته وحبيته وحبيته(( ووهنا سجدة شكر لله رب العالمين)))
فكرت اني اسافر لو مره برى المملكه خاصه ان اختي الكبيره مع بناتها بسوريا ابي اروح مع بوعيالي اكيد الحين تغير وصار يحب يكون لنا خصوصيه ابي احس اني متزوجه شوي وبتزيد الرومنسيه
قلت له الموضوع فرح ووافق على طول بس من دون ما ادري خذ جواز امه عشان يجدده وابوه
لكن السفر راح يكون بعد اسبوع والجواز راح يطول والحمدلله ماراحوووو
السالفه هذي ماعرفتها الا وانا في الطريق انقهرت بس ماتكلمت>>لاحظو صمت صمت صمت من ناحية امه..بس الى متى تتوقعون؟؟
قبل لا امشي بيوم اتصلت اختي اللي بسوريا قالت ترى حنا بنطلع من سوريا بنروح لبنان لحقي علينا
واااااااااو يالشام معقوله بزروك
وش الدنيا خذت مني وش جالسه تعطيني
الحمدلله يارب لك الحمدلله والشكر
مشينا الى الحدود السوريه الا بأتصال اختي
..الو ,::اختي لا تجين خلاص ترى اليوم صار حرب على لبنان وسكرو كل المنافذ ماتقدرين تدخلين
طيب وانتم...؟؟ قالت لا ماعليك نتصرف...!!!
معقوله.. يارب انك تحفظ اختي وبناااتها
قلت لزوجي قال خلينا نروح سوريا كم يوم ونرجع
طيب خلاص الأمر امرك
واول ماوصلنا سوريا الا اتصااااااااااااااال من الأمم المتحده امه,,,,,,,,
رديت وماسمعت غير الصراااااخ الووووووووووووووووو
يؤ والباقي مافهمته
رميت جوالي على ولدها
قالت له: اقوووووووووول الحين ترجعون
الحيييييييييييين مافيه روحه
اصلن انتم تدورون على روحكم الشر
بتموتون رجعو
بعد اقناع مني له رفض نرجع وضلينا 10 ايام بسوريا ماخلت لحضه الا تتصل فيها مدري من وين بتسدد كل الفواتير هذي
بس والله عشت احلى شي بحياتي واخيرآ قدرت اتكلم معه بكل راحه لكن بحـــذر...
رجعت وشوفو بس الأستقباااااااااال
/B]
صدت عني بشكل ملحووووووووووووووووووظ
سلمت عليها وحسيت انها ماتبي تشوف شي من وجهي
جلسنا وانا حاااسه انها ماتبي وجودي
كرهتني معقوله...؟؟
شغلت كيمرا الفيديو راحت شالت السلك بالمره وقالت يالله قومو تغدو بلا خرابيط 
وحزنت كثيررر على هذا الموقف
باقي على اجازة زوجي اكثر من 20 يوم
قلت له شرايك ناخذ امك معنا مكه ووافق بدون أي تردد
ورحنا انا وهو وبنتي وخدامة امه
وفي مكه حصلت اشيااااااااء في 5 ايام بس
وصلت الظهر واخذنا غرفتين ودورة مياه وحده
وخلصنا العمره ورحت بنفس اليوم
بعد 4 شهور قامت اصلي العشاء
الله ياصوووووووووووووتك يالشريم
بنتي كانت تحبي وانا اصلي ربطت رجلها بخيط طويل الى يدي عشان ماتتعدى بعيد
في الركعه الثانيه فيه بنت مع اخوها جننوني مع بنتي
ماقدرت انسجم بالصلاه
حركاااات تبط الكبد
وقلت خلني بس اخلص اروح اتفاهم مع امهم ماصاااااارت ..معقوله ماتحترم المكان اللي هي فيه...!!؟؟
وخلصت صلاه ورحت جري ادور ام البنت والولد
مسكت البنت...وين امك..؟؟
البنت صقيره مااعتقد تقدر تفهم كلامي...
الا جاء اخوها اللي مسوي بطل لابس كاب مرسوم عليه زورو يامااااااال لزورو اللي يشلك انت وامك من هنا...
سألني... وش تبين...؟؟
قلت له وين امك...؟؟
قال هذا هي وأشر لي مسااافه بسيطه تبعد عني
جلست اناضر بالولد
شكيت بالووووضع شوي
ابتعدت عن ام زوجي بمسافه
رحت اناااااضر فيه اكثر
تدروووون من طلع.......؟؟؟؟؟؟؟
/B #227
nonoo28
عضوة نشيطة



تاريخ التسجيل: 31-08-2009
المشاركات: 453
علــــــــــــــــــــــــــــ ـــــــــي
والله انه علي,,,, رفعت الكاب شفت شعره من ورى بقايا الحروق
ابي اتأكد اكثر,,وش اسمك..؟؟
علي...علووووووووووووي معقوله اشوفك
عرفتني ياعلي
طلع لي لسانه >
علي انا ماما ...قصدي نونو...لا يمه علي عرفتني
ساكت...>وش تهذري ذي
شلت الغطااا من وجهي
عطااااني ابتسااااااااامه عمري عمري عمري ما راح انساها
الله معقوله اشوفك ثانيه ياعلي ,,سبحان مجمع الصدف....
قلت شلونك ياقلبي
قال طيب بس وين الدباب حقي اللي في بيتكم....؟؟
قلت انت وين بيتكم
قال حنى في دبي
بس ترى امي كله تسافر لحالها وتاخذنا معها
قلت اجل من جابكم مكه
قال امي بس الحين معانا خالي ...خالك مين..؟؟
قال الرجال اللي مع امي الحين بيجي ياخذنا هذا خالي...!!
معقوله امه فجائه طلع لها اخ. فجائه..؟؟ جاااايز
من متى وهو معكم ؟
من جينا مكه بس ..بس لاتقولين لاحد ترى امي تقول ياويليك لو قلت لأحد
لاحول الله
بس مو مهم
بروح اخذ رقمها قبل يجي زوجي ولا امه
رحت لها....بكااامل زينتها ووين...؟؟...استغفر الله العظيم
سلمت عليها وعلى طول جاتها مكالمه وما اهتمت فيني وتحااااول تصد
صدت عني وتأشر لشخص وااااضح من شكله انه ابدآ مو خليجي...
راحت له ومسكت يده بقوه ولا همها احد بعكس الرجال اللي معها خايف ويتلفت يمين ويسار..
الله يا ام علي وصلتي للمرحله هذي..
معقوله ووين ..في بيت الله عاد...؟؟
والله ماعرفتي نعمة البيت اللي جالسه تتمشين فيه غيرك يموت عشان يمشي مكانك....
حزززززززنت وانا افكر في مصير الولد
ورحت لعلي قبل لا تمشي وضمييييييتته ضميييييته وحسيت انه تضايق ويبي يلحق امه
الله يستر عليك ياعلوي وتهدي امك يارب العالمين
,,,وراااااااااااااااااح,,,,,
هنا لي وقفه
بمكاني اغصب امه تاخذ رقمي
بمكاني اخذ رقمها
بس بعد اللي شفته ..وش يضمن لي انها ماراح تأذيني
لالالالا خلاص مابي منها شي وعلي الله له ودعائي
الله يستر عليك ياعلي شكلك تعيش العز ويا امك بس مو عارف امك وش تمشي عليه...!!
/B]
وهنا لي وقفه
خواتي اللي تشوفينها طريقها مش ولا بد ,,,
تجنبيها قد ماتقدرين وفي حكمه
الزاني يتمنى الكل زناه مثله وراح يحقد عليك ويبتليك
اذا بأمكانك تنصحي انصحي ..حسيتي بتذمر خلاص شيلي عفشك وانحاشي
وهذا من تجرررررررررررربه...
..............................
ورجعت لأم زوجي والمعاااااناه
سألتني من الحرمه اللي رحتي لها ومن الولد اللي ضيمتيه وليش..؟؟
قلت هذي صديقيتي ايام الدراسه وعيالها والضمه عاديه
وراحت قالت لزوجي ...ومافيه حيله اعترفت لزوجي ان هذا علي...وصااااااااااااااارت الطاااامه ماقصر فيني هوااااااش وهددني احرمك بناتك لو سويتيها مره ثانيه<<وش ذا الناس ياربي
ورجعنا الفندق
وجاتني الشروط من الحكومه امه......
شوفي يا ام نوره
لا تصكين الباب وانتي نايمه برد على البنت
واصحي بكرا بدري عشان تسوين لي فطور ولا تحطين ملح
وبعد الفطور توديني السوق ((اول مره اهل زووجي يروحون مكه ومايدلون شي بعكسي انا))>بن بطوطه وانا مدري
ورجعنا وانا اهم شي كسبت اجر فيها واعتمرت
ورجعنا ديرتنا بسلاااام الحمدلله
لكن بدت هنا لي حياة جديده جدآآآآآآآآآ

وفعلآ حملت بعد مشاكل كثيييييييييييره سببتها لي مع زوجي
وحملت و9 شهور وانا في عصبيه مكتومه وقهر من كل جهه
زوجي العصبي بدرجة 80%
انا والوحام وكتماني القهر من امه
نظرات الأحتقار من اخته الللي لو اكتب ديوان كامل فيها ماخلصت
وولدت بالبنت الثانيه
ولللللللللللللوش ياهي فرحه صارت بيت اهلي زوجي
واهلي الحمدلله لكن اهلي ما شاء الله متعودين على الخلفه لكثرة خواتي >>ام زوجي تسمي اهلي الدوده من كثرهم 
وتمت السعاده من كل جهه
بعد طلوعي من النفااااااااس حصل شي ماكنت اتوقعه ابد ابد ابد
ام زوجي شرت بيت جديد
دورين وكل دور مستغل لوحده
شارت على زوجي نسكن معها
زوجي هو المسؤل عن طلبات البيت بحكم انه الكبير
زوجي هو الكل بالكل عندها؛؛<ما الومها انا حبيت علي خلال سنه بس وش لون هي ,,,!!
((بس ياليت تخليني بحالي ,,واعيش حياتي كزوجه))
ورفضت انا طبعآ ...
لكن ياحسره ,,,ابدآآآآآآآآ مالي رأي يٌـــــــــــــذكر..!
وسكنت معها ومابينا الا باب وياويل من سكره
كان الشي الحلو اللي استفدته هي انها تاخذ بناتي شوي
وتمسكهم عني
انها تكلمني بكل حنيه
انها تقدر جيتي لها
لا والله شكل ألأوضاع راح تتحسن بس الصبر الصبر
سكنت وبعد شهر زااااااااادت المشاكل
ماقدرت اتحمل
هي تحن على ولدها زوجتك وزوجتك وزوجتك عكس ماتخيلت ابد
واذا كلمتها قالت يؤ ابد ماقلت
وان كلمت ولدها,,, عصب وكسر اثاث البيت من العصبيه
وتحملت
تحملت
ظلم ظلم كل يوووووم على هذه الحاله
بطلع لو بقاله لازم اروح استشيرها
الا اهلي هذا المكان الوحيد اللي ماتروح معي فيه
ولا جيت انواع التحقيق
وش سويتي وش قالو ..والله شي غررررررريب حتى عن اسرار اهلي بتسأل
...وكنت الى هنا بقمة الطيبه
حد ماجاء يوووووم
وكنى نتغدا عندها وانا بطبعي ما احب اللحم نهااااائي
انا ...بناتي.. وامه...وزوجي على السفره
سألتني الى متى ماتكلني لحم...؟؟
رديت ..: الى ان اموت
هنا بعد مارحت بيتي سوت صياح ونياح اني ما احترم ردي لها وجاني زوجي بنفس العصبيه ونفس التكسير ونفس كل شي
حاولت اني اساير امه في كل شي
وبصبر وبصبر لأني حبيت ولدها ولو انه بعيد عني بس على الاقل ضل رجال يحميني...
في يوم الخميس عادة اروح بيت اهلي
وفي الليل حوالي الساعه 12 جاء زوجي ياخذني
ركبت السياره
الرجال ولا كلمه
شفيك..؟
مايرد..؟؟
شسالفه..؟؟
بو نوره رد علي صاير شي ..؟
قال اوريك بس لارحنا البيت
ووصلت البيت
حطيت بناتي على اسرتهم بعد مانامو في الطريق
زوجي جاء بعد ماجلس اكثر من ربع ساعه في الشارع
وكلمني ...انتي ليش تقولين ان امي حاسدتك في الأكل..؟؟>>بنات ركزو وزني الحين 48 >> من زين الجسم بس هذا وزني من تطلقت
وليش تتكلمين عن امي في كل مكان....؟؟
تدرين لو يصير في امي شي وش بسوي فيك..؟؟
والله لا اقلب الدنيا كلها عليك وعلى اهلك
هناك امي مرتفع عليها السكر بسببك
معقوووووووووووله متى قلت هذا الكلام
بو نوره الظلم ظلمااااات حرام عليك وخلني اروح اتفاهم معها
ومشيت على الباب اللي يوديني لأمه ومسك يدي وصرخ بوجهي
انتي اعرفي انتي بنت من..؟؟
واعرفي انا ولد من..؟؟
واعرفي وش كنتي ..؟؟
وشنو صرتي...؟؟
,,,,,,,, معقوله انت يابونوره تكلمني كذا...!!
الحمدلله عشت في ضل ابوي ماشكييت الحال ..
قال نسيتي ابوك يوم رفضني وشهرين وانا اطرد وراه..؟؟
ولا اخوانك عاد ونظرات الأحتقار ..اهلك ابد مايحبوني وانا ماحبهم وحتى انتي بكرهك معهم من اسلوبك
<<<<<< شصاير وش الكلام اللي قاعد يقوله بو نوره
بونوره انا مايهمني اهلي ولا اهلك انا ابي اعيش بخير وبس
قال اهلي تاج راسك ولا تتكلمين عنهم كذا
قلت وانا ماغلطت عليهم تاج راسي فعلآ تاج راسي مثلك ولآنك ولدهم>احاول اهديه من صراخه
رد علي امي تعبانه بسببك .. ورماني من يدي اللي كان ماسكها بقوه ...وراح ينام<<تتوقعون نام...؟؟
انا مالي هنا احد خلاص...؟؟
خذت سجادتي وابكي لله يا ربي ظلموني ياربي والله اني ماتكلمت ..ولا قلت شي
الساعه 5 الفجر صليت وعزمت اني اروح اكلم امه يمكن انها فاهمتني غلط...
لا الا اكيد غلط انا والله عمري ماتعمدت اجرحها بشي
يمكن اني احيان لا شفتها تتدخل بخصوصياتي اكتم وهذا غصب علي
لكن ماعمري بينت لها قهري منهااااااااااااا
الحين زوجي نايم,,,بروح اشوف شسالفتها وليش قالت عني كذا ,,بقوي نفسي وبروووح
وفعلآ رحت لها
قربت من جهة غرفتها
سمعتها تكلم جوال ...!!
جوال الساعه 5 الفجر..؟؟
مين ياربي ..؟؟
والله مو قصدي اتجسس عليها..ويمكن تجسست من دون قصد
ولا قصدي شيئ سيئ
بس يالله بنات الحين ابيكم تحطون نفسكم مكاني وابي ااعرف ردة فعلكم.<عذرآ للكلام السيئ>>
وهذا هو اللي سمعته وانا امشي لغرفتها
(((الكلــــ....ام نوره تبي تسرق كل حلال ولدي ,,لا وتتكلم عني وتقول اني حاسدتها في الأكل وفي اهلها الدوده من كثرهم ..حتى امها ذا العجوز تراها مو هينه>ياحبة عيني يا امي ليتك تعرفين كل اسامي بناتك
امها تقول اني مسويه سحر لبنتها))
الى هنا مو قادره اوقف لازم ادخل
الله اكبر على الظاااااالم>>سحر مره وحده ياللي اناديك بأمي
ياللي اطبخ لك رمضان كله وارسل لك
ياللي تحملت انك تاخذي زوجي مني
ياللي غلطتي حتى على اهلي وماكلمتك
سحر مره وحده,,,
اتقوووو السبع الموبيقات<<ظلمتيني يا امي
وددخلت عليها وانا في حااالة تعجب
هي جالسه على السرير
وتهز رجولها من كثر انفعالها
وتضرب على فخذها من كثر القهر
انا ..معقوله كل هذا الي انا
ناضرتني وسكرت الجوال وقالت
وش تبين..؟؟
انا..:امي معقوله انا اتهمتك بالسحر واهلي تكلمو فيك..
معقوله انا خذت حلال ولدك؟
معقوله يا امي ياللي جبتي لي الغالي تقولي عني ذا الكلام
وليش ؟؟
صرخت علي بررررررررررررا
برااااااا ولا ابي اشوووووفك
طلعت وانا ابكي ومن قوة صراخها علي الا بجية زوجي وقابلته في طريقي وانا طالعه
المكان ضيق ..كلها ممر ..جدار معلق عليه جهاز الرد على الجرس ((التيلفون))
وقفت انا هناااا
وهو الحين قبالي
ناضرته ..والله يابو نوره انها ظلمتني ,,,وربي ظلمتني
ظالمتك يالكذاااابه
وسحبني من شعري ورماني على الأرض
ورفسني برجلينه
والضرب كان مركز على البطن
حاولت اوقف لكن ماعطاني فرصه اجمع قواي
اناديه بو نوره حرااام والله
ومن قوة الضرب قلت له والله والله خلااااص ماعااااد اقول عنها شي ارحمني خلااااص بموووت
ولمحت امه جات وراه
قالت بس لاتضربها.............!!
وهنا خف شوي ووقفت انا مستنده على الجدااار
دم من فمي
وشعري بيدي
ودموووعي وانا بصوت مبحووووح
انا ام عيالك
ابي افهم ليش
ردت امه علي وانا امه بعد تبين تبعدينه عني ياالظالمه..
اخر شي ... خذ الجهاز اللي معلق على الجدار وضربني على راسي واسمعه يقول لا تردين على امي كذا وضرب مره ومرتين وثلاث الرابعه مادريت عن شي خلااااااااااااااااص
اول مره اطيح الطيحه هذي من عرفت عمري قويه واتحمل كل شي

وقفه
بنات معقوله بو نوره يسوي فيني كذا..؟؟
تتوقعون ليش .؟؟
وشنو اللي خلاه لدرجه هذي يضربني وبالقساوه الفضيعه
بو نوره اللي كنت ابوس الأرض اللي يمشي عليها برغم بعاده عني
بو نوره اللي حطيته فوق راسي ..الحين ضرب راسي ولا عاااد احس بقوااااي
وامه ليش قالت عني كذا..؟؟
وشنو الشي اللي سويته وخلاها تسوي فيني كذا
آآآآآآآآآآآآه بس يابو نوره
وربي حلفت اخلي حياتنا جنه
وربي ماعمري قصدت اضايقك ولا اخليك تشوف مكروه
×××××××××××××××××××××××××××××× ×
بالعنايه المركزه
جهاز متصل من عند المثانه
حلقي اثار جروح من الداخل..
وجسمي ثقيييييييييييييييييييييييييييي ييل
حتى لساني ثقيل
تدرون شنو كنت ابي اقول
والله كلمه وحده بس((الحمدلله ))
الحمدلله اني عشت
الحمدلله يارب
ومررررررت علي كل معااااناتي ابتداااااااء من زواجي بمحمد
ضربه والغاز والسكين وحرقة علي وطلاقي وحرماني من زوجي بو نوره الى ضربه ولييييش ؟؟؟
وبكيت لكن المره هذي من دون دموع تعرفون ليش...؟؟؟


يارب لك الحمد والشكر كما ينبقي لجلال وجهك وعظيم سلطانك



زوجي صار يجي يزورني ويسحب الكرسي اللي جنب السرير ويمسك يدي
سبحان الله ياكم الموقف هذا اثر فيني
يقول لي وبدموعه ...
ام نوره اصحي
انا اسف بس اصحي
وربي ماكنت قاصد>>!!!!!؟؟؟؟؟!!!!!!!!!
وربي كانت اعصابي تعبانه
تسمعيني,,..؟؟
طيب اذا تسمعيني حركي صبعك...
تكفين..
ردي علي .... ويبكي
بو نوره
تتوقع اقدر ارد عليك الحين؟؟؟؟
ياما تمنيتك ماترد علي,,,ياما كنت اتمنى تتكلم معي,,..
ياما حرمتني من حبك وحنااانك ومن كل شي وخليتني لحالي
وتبكي بعد ...........!!!
ضربتني عشانها ...خلاص روح لها
وانا الى الأن ولا حركه
ياليتني اقدر اقولك كل شي بخاطري ..يمكن هذي فرصتي الوحيده....يمكن لا صحيت تاخذك مني امك ثانيه
ابكي يا بو نوره على حالي انا ياما بكيت لوحدي ومحد حس فيني
الحين ضربك لراسي سبب لي خلل في توازن الجسم كله وحركة الجسم الأيراديه
ماقدر يا بو نوره مااااقدر
مثانتي صابها ضرب وتمزق من الداخل
عجبك وضعي الأن ...!!
((على فكره بو نوره اخذني مستشفى خاص حتى يتحاشى التحقيق من اثار الضرب))
وبعدشهرواسبوع
قدرت اتحرك بنسبة40% والحمدلله
وكل يوم اتحسن اكثر واكثر
تكلمت كثيرمع بو نوره ولأول مره من بعد 5 سنوات زو ااااج
ووعدني بكل خير
ولي رجعه لشقتي لكن شروط
الباب اللي بيني ووبين اهلك يتسكر
روح زورها وعلى راحتك لو 24 ساعه بس حدد لي وقت اتفاهم معك فيه
اهلك اختك وامك واخوانك خلاص ينسون شي اسمه ام نوره
وكفاااااايه يا بونوره كفاااايه الله يخليك
انا خسرت صحتي بعد ماخسرتك 5 سنوات
والى هنا الله يخليك ابي اعيش بسلاااام
وفعلآ رجعت البيت والحمدلله
والعلاقه بيني وبين اهله انقطعت خلاص
بس تدرون وش صار................؟؟

انا مو بس ابتعدت عن اهله
الا والله حتى بو نوره راح معهم
وصاااااار ابعد من الشمس
وعشت وحيده جدآ جدآ جدآ
عالمي بناتي وبس
ارتحت من امه ومشاكلها
ارتحت من اشيااااء كثيره
واحس بفرااااااااااااااااغ كبير
عاطفي و وقتي...ياربي انك تقضيها على خير
وصرت اقضي حياتي على النت
وكل وقتي نت نت نت نت
وفي يوم من الأيام حصل شي كبيييييير بالنت


وهنا لي الف الف الف وقفه,,,,,,,,,,,,,,,,,,,,,,,
خواتي انا ابوس راس كل وحده فيكم
لا تدخلون مواقع فيها رجال مهما كان الموقع
انتبهو لبناتكم ياللي عندهم بنات كبار
والله النت مفتااااح سهل والكل يقدر يفتحه الا من ربي انعم عليه نعمة الخوف من الله
لاتقولون كلنا نخاف الله
الشيطاااان يجري مجرى الدم واذا بتدخلين مواقع فيها رجال انتي فتحتي له باب ماتقصدينه ابد
(انا كنت متردده جدآ جدآ في كتابة قصتي التاليه لكن..
كثير من خواتي لازم اعلمهم تجربه غيرت من حياتي كثير
انا اخطييت واخطيت بحق الله قبل نفسي وندمت لكن كااان درس لي قوي جدآ جدآ
والله يحب التوابين والحمدلله يارب اللهم اجعلني من احباااابك يارب العالمين..رجآ بما اني احبكم في الله ودليلي كتابة قصتي هذه بعد تردد كبير لكن ارجو منكم حسن الضن والأسلوب فهذا من دافع التنبيه فقط فا النفس امااااره بالسوء والشيطان شاطر في التحاااايل
والأن احللكم بفتح ملفي الشخصي دون تجريح))
لكن شوفو وش صار معي

ابتعدت عن كل شي ونسيت ان عندي رب يسمع ويجيب المضطر اذا نداه
عشت وحيده ونسيت ان عندي رب قدر يطلعني حتى من الموت
استغلني الشيطان بالحضة ضعــــــــف
واتجهت...............

الى لعبة البلياااااااااردو
لا لي أي فايده ولا لي أي منفعه راح استفيد منها ابد
كنت ادخل والعب بحماس ومايهمني العب مع رجال ولا حرمه
المهم العب ..بالبدايه كنت العب بصمت
ثم تطورت وصرت اتكلم
بالعكس اذا تضايقت احس ان عندي اصدقاء ماعرفهم واتكلم لهم وينصحوني وهم مايعرفوني
تدروووون ...تراني انبسطت كثيييير
وياما ضحكت
وياما وياما ..خلااااص ودعت الحزن اصلآ
وفي يوم لعبت مع شخص حسيت انه من جد فهمني
وكل يوم ادخل الموقع انتظره
صرت اشتاااق
ياربي متى بيدخل ..مره اشوفه قبلي ومراااات بالكثير انا اللي انتظره
بصراحه الأنسان هذا غير حياتي 180 درجه
تماديت شوي
وعطيته ايميلي
وصار وقتي نت نت دوووون انقطاااع الا لضروره
وزوجي ابد ماكان يعني لي شي
خلاص زوجي سلمته لأمه
حتى في الليل
انتظر بس متى ينام عشان ادخل مع شخص ينتظر وجودي
شخص احس بشوقه لي
شخص يسمعني لا شكيت
يضحك معي من قلب
شخص ما يتكلم معي عشان يفضح سري لأمه
يعني لقيت كل شي فيك يا سعوود
الله ياسعود من جد وينك من زمان
وتعلقت فووووق ماتتصورون
كرهت زوجي
كرهت اني اتكلم معه
كرهت حتى اشوف وجهه
كرهت اني البس له
ارحب فيه
لأن خلاص وقت حبي لك يا بو نوره انتهى
اذا فيه وقت..بعطيه بناتي
الوقت كلـــــــــــــــــــــــه لسعووووووووووووووود
حصلت مشكله بيني وبين زوجي والسبب اهمالي له
لكن ولا همني ..خلاص ..
ورحت اشتكي لتركي
وهنا ..
لا ابد ماينفع اني اتكلم معه بالمسن
قلت لازم اكلمه
............معقوله انا اقول كذا.....!!
وهذا هو النص اللي حصل بالمسن..
سعود...
سمي
ابي اكلمك
معقوله..؟
أي والله ابي اكلمك فيني هم مو قادره اكتبه
ماتخافين اعرف رقمك؟
لا وش دعوه كل ذا المده وما اثق فيك ياعمي روح انا وثقت فيك فوق ماتتصور
طيب خلاص بكلمك بس بشرط
شنو؟
كل ما احتجتيني دقي
وكل ماضاقت فيك الوسيعه دقي
وكل ماتبينه وماتلاقينه دقي
لالالالالا شدعوه ياسعووودتراها مره ولا عاد اعودهااااا ابد
طيب انتي بس دقي خليني على الأقل اسمع صوتك >>حسبي الله ونعم الوكيل
اجل يالله انتظرني بروح اقفل كل الأبواب واجيك

لي وقفه
سبحان الله شافتو كيف ابليس يحلي الكلام
شافتو كيف انا تركت سجادتي اللي كنت ابكي عليها
شافتو كيف قلت له ابي اقفل الأبواب
يعني ربي مو شايفني
ولا زوجي بخليه احقر من من الذباااانه

وتماااااديت وصرت اكلم غير زوجي
كنت اخلق الأعذار
كله من امه
كله منه هو
لا كله من الوقت اللي حرمني اني اعيش بحب
زوجي مسوي لي اشتراك ويجدده كل ما انقطع
زوجي يصرف علي من دون مايدري انا وش اسوي
شوي وشوي بديت حتى الصلاه اتكاااااسل
ليش وهو فيه وقت اصليها في وقتها ...!!
((حقيره حقيره لأبعد حد...))
كنت اعيش بهم..حزن ...سعادتي بوقت ما انا اكلم سعود بس
لما اسكر خوف من زوجي لا يكشفني >>مو ربي اقوووول زوجي
ياربي وش ذا الحياه والكائبه من جد

"]((ومن يعرض عن ذكري فأن له عيشة ضنكآ)) واه يا الضنك اللي كنت اعيشه
وربي لا لليلي لليل ولا نهاري نهار
بموووت من الحزن مدري ليش
وكنت اشوف عدوي هو... زوجي
اللي كنت كنت كنت احبه
بس يقهرني وجوده
لما وصلت لمرحله الكائبه
دخلت وتعرفت على موقع غير دنيتي وروحي وعقلي ((عااااالم حواااااااااااء)))
الله ياعالم حواء
كتبت هنا مشكلتي
بعضكم دعا لي
وبعضكم مرور عادي
والأغلبيه انتقدني ولامني
وانا مع الكل والله الكل كنت معه حتى اللي غلط علي
تدرون ليش....لأن اللي قاعده اسويه مو صح
لأن فيني خير ومات لكن الحين ابي اصحيه
لأني كنت عارفه الصح وينه لكن ابي اساعد نفسي عليه..
اللي على العام يدعي لي ,,, واللي بالخاص يقول لي انا بساعدك ...يافديت روحكم وربي ماتدرون وش سويتو فيني
اذكر وحده مصريه قالت لي
ابوس يديكي ورجليكي اتركيه...>>ياعمري لدرجه هذي شايفه معصيتي كبيره؟
حتى انتي حزنتي لوضعي
واللي اضافتني بالمسن تقول بساعدك
واذكر محرره قالت انا كنت مثلك بس تبت وعشت حياااه رهيبه وربي عوضني الكثير

هنا لي وقفه
المحرره هذي والمصريه اذا انتي تقرين موضوعي والله العضيم انك غيرتي اشياء بداخلي ماتدرون عنها
ساعدتوني كلكم بالدعاء
وصلتوني لمرحله عمري ماحلمت فيها
ماتدرون ان كلمة الله يكون في عونك بس
هذي لوحدها ربي عااااني بأشياء كثيره
قلت يعني الناس وهي بعيده ومن كل ديره
تترجاني اتركه حتى في بلاد المتحرره وانا هنا وفي بلاد الحرمين اعصيه..؟؟
وجلست ادعيه وادعيه وادعيه

وجزمت لاااااااااااااازم اتركه
قلت ااول شي احل الفراااغ اللي ماله داعي
وبما ان ربي رزقني حلاوة الصوت بقرأة القرأن
قلت لازم ادخل حلقات التجويد
ورحت سجلت في اقرب مسجد جنب بيتي
صرت اروح على الأقل وشغلت جزء من يومي
اجتمعت بأشكااال جدآ خيره
ومستعده تنصح واهم مافي السالفه
الأسلوووووب
بنات اذا احد اخطئ انصحو لكن اهتمو با الأسلوب والله ماتدرون وش يسوي بالنفس
حبيت تعاملهم
حبيت اسلوبهم
تعلمت منهم اشياء كثيره
بس مازلت متعلقه بتركي
كملت الباقي ودخلت حلقات الذكر
وياااامحلاااااااااااااااه من ذكر الله
وسجلت رسمي في مدرسة تحفيظ القرآن المسائيه
هنا بديت اتغير
شوي وشوي وشوي
صرت اشوف الصلح بنفسي
حبيت الصلاه
وخااااصة صلاة الفجر
حبيت اشياء كثيره من النعمه اللي ربي رزقني فيها ((نعمة الدين))
صح كلنا مسلمين بس وش عطينا اسلامنا ..وش خذ منى
انا خذ مني المعصيه وكرهني فيها
خذ مني تركي واياااامه
وفي يوم من الأياااااام
جاني ايميل عن وقاااة الشيخ امام الحرم ((( علي جااااااااااااااابر ))
وبكيت وبكيت حد ماتفجر راسي

ليش ..وليييييش
وش فيني انا ما اطمح ان موتتي تكون مثله
وش فيني انا عشان ما احاول اصلاح نفسي
ولا اقدم معروف لأحد
وش بستفيد لأمت ووجهي اسود عشان دنيا
ولا عشان تركي تروح سمعتي ملح..........!!
ولا نفسي ,,,...!!
ابي اموت مبتسمه
ابي اموت رافعه السبابه لشهاده
ابي اهلي يفتخرون فيني
عيالي
زوجي
ابي انذكر بالخير
يلعنك يا ابليس وش سويت فيني
عطيتك مجال اكثر من مره .... الا كل مره
كنت الوم ام علي وصرت في مستواااها
استغفر الله العضيييييم

رحت فرشت سجاااادتي اللي فقدت اني ابكي عليها
وتوضيت وضوء التوبه
وغسلت جسمي من معااااصيه
والله والله والله والله والله للمره مليون
ماتدرون وش حسيت فيه
عمري كله ما حسيت بهذا الشي
عمري ما استلذيت في الدعاء كثر الحين
احبك ياربي احبك واحب كل عيون تقراء حروفي ويارب اجمعني بهم في طاعتك يارب االجــــــــــــــــــــــــزء الأخير


خلاص الحين انا طالبه متفوقه في مداااارس التحفيظ
قارئه ممتازه >>لست حافضه واطمح لشي هذا
دااااعيه بدائيه بقدر ما استطيع
لاحضت تغير في معاملة زوجي لي
اهتمام فضيع حتى انه اصلح من نفسه اشياء ولا يوم توقعته
ويارب اصلح ما تبقى منه
عرفت قيمه الصحه فا انا اتكلم اكتب انظر اضحك ابكي كل هذي نعم وان فقدت القليل منها فالكثير اكثر بكثييييير
والزوج
والعيال
(ولئن شكرتم لأزيدنكم))>>>احب الأيه هذي بكل قوه
سبحانك يارب

لي وقفه..
خواتي اللي يشتكون من تغير ازواجهم
اصلحو انفسكم اصلحوووها
مو شرط مثل معصيتي
غيبه...>>وياكثرها فينا يا الحريم
قلة ذكر...
الأغاااااني ..والله ماتدرون وش تسوي الأغاني فيناااا
..انصحكم شوفو موضوعي بعنوان ((ردي على اختي خديجه تقهوي وعطينا سوالفك مع الجن))
>>كني فضحتك ياحبــــة عيني ياخديجه
الله لا يحرمك رضاه وطاعته يارب فديتك
ويوم من الأيام زوجي عزمني على سفره على ذوقي
وسافرت لوحدي عقب ماكنت اشوف هذا خيال>>سحر التفوس الدعااااااااااااء
سبحان مقلب القلوب ثبت قلبي على دينك وثبتك قلوبنا لحبك يا الرحم الرحمين
اصلحت نفسي وصرت اساعد كل من يحتاجني ويااااهي فرحه
وهذا بفضل الله ثم خوات لم تلدهم امي ولم تراهم عيني ((انتم فديت روحكم))
نسيت كل همي
سامحت كل من غلط بحقي
امه واخته وكل من غلط علي...انخلقنا من تراب وراح نرجع من تراب ..ومابين ذا وذاك حسااااااب
نورت حسابي
وصقفيت نيتي والحقد مو من صفاتنا هذا شي من ابليس
غيرت كل كل شي خلااااااص
ويارب انك تتقبل ياااارب

ولي وقفه
بنات والله اسعد لحضه عندي هي لما اكون عون ولا اقدم نصيحه او مساعده لخواتي
وتدرون من اول من اصلحت ...؟؟؟؟؟؟؟؟؟
ام علــــي..
نعم ام علي التقيت فيها بمسجد برمضان وهي جايه تزور اهلها ولما سمعتني القي كلمه بعنوان ((اصلح نفسك))
لخواتي بالمسجد
جات تخبرني بمأساة حياتها ...معصية الله...والحمدلله والشكر تاااابت لله توبه نصوحه وجلست تربي عيالها التربيه الصالحه بأذن الله
لا تستصغرون المعصيه يا لبا قلوبكم...هذا ربنا خلق لطاعته فقط طاعته ولاحقين على جنات النعيم
نشوف جداتنا راحو
واللي اخوه
واللي امه واللي واللي ...يعني حنى مخلدين ...؟؟

هذا واسفه اسفه اسفه على الأطاله من كل قلبي
واتمنى اني قدمت شي افيدكم فيه
كلامي هذا راح اتحاسب عليه يوم القيامه
وكلامي عليه رقيب رجآ اتقبل النقد لكن دون تجريح ..فأنا بشر من تراب مثلكم حبو لي ماتحبون لأنفسكم,,,,

خواتي اللي سألو انا من وين ...اقولكم انا من الأحساء
خواتي اللي يبون يعرفون شنو دراستي ...الحياه فقط
خواتي اللي سألأو عن علي كثير...علي بخير لكن لا اقدر ان اتواصل معه بسبب صعوبة الأتصلات بدبي
خواتي اللي قرأو موضوع ((تعبت من الفقر))هذه قصة عانيت منها فتره والحمدلله بديت استرجع ماديتي بأذن الله

ولئن شكرتم لأازيدنكم
احبكم في الله
نونو
اختكم ام نورهلعالمين



الحين بنتي عمرها 7 شهوروامه تحن على ولدها يالله نبي بزر ثاني
يالله وش تنتظر نبي نفرح فيك
ويالله عاد احملي
وش احمل بكيفها هو
وتحن وتحن وتحـــــــــــــــــن
انا بديت اكرهااا خلاص الا خلااااص جزمت الكره قطعيآ
ماخفي لكم اعضم بكثير لكن المصيبه...
اذا رحت لها تقابلني بكااامل طيبتها
وتحط وتشيل
وحتى بنتها نفس السلوك بس بنتها احيان ماتكلمني ,,بكيفها مو مهمه بطقاق
لكن والله والله كنت احس اني سعيده بالنسبه لحياتي السابقه ويارب لك الحمد والشكر

الله يعين ويسر اموركم

سبحان الله والحمدلله ولاإله إلا الله والله اكبر

اعجبتني طريقة سرد القصه


في مواقف ما دخلت راسي لكن ممكن تصير


ليش لا


او انها صارت بسبب ضغطكم على نوو


لكن اول مره اتابع قصه


واختلافكم بعد قصه