تزوجت على زوجتي وانآ اعشقهآ . . والأسبآب !! ؟
تزوجت و انآ عمري 24 سنة و كآنت زوجتي أصغر مني بـ5 سنين
كنت اموت فيهآ و احبهآ وهي كآنت بعد تحبني كنت أشوفهآ ملكة جمآل هذا العآلم رغم انهآ متوسطة الجمآل كآنت تعجبني بكل النوآحي مرتبة نظيفة تهتم بالبيت و بنفسهآ ..
من كثر حبي لهآ و حبهآ لي كآنو الأقآرب يسموننآ كنآري الحب
و من حبي لهآ فرضت أحترآمها على اهلي ... و بنفس الوقت حبوهآ من حبي لهآ...
تعلقوآ فيهآ و خآصة امي لأن كمآن زوجتي كآنت محترمة و تحب اهلي و اشوف طريقة تعآملهآ معهم و كيف كآنت تطلب مني اننآ نروح لأهلي نزور لأنهآ مشتاقة لأمي او خوآتي..
أستمرينآ في حيآتنآ كأي زوجين ... انآ كنت في بدآية مشوآري العملي و كآن مدخولي متوسط
فمرة من المرات جتني تبي مصرووف لهآ وقلت لهآ كم تبين..؟ قآلت ابي 2000 اذآ امكن و كنت لسة مستلم رآتبي الي كان وقتهآ7000 ريال فعطيتهآ 5000 و اخذت انآ الـ 2000 كنت احب اكرمهآ و ادلعهآ لأن كآن دلعي لهآ يبين عليهآ لمآ اعطيهآ المصرووف مآكانت تضيعة على خرآبيط كآنت تشتري عطور قميص نوم لهآ عشآني مفرش جديد للسرير كريمآت . و اشيآء ثانية
كنت احب انهآ تدلع نفسها عشآني ...
و الحمد لله مع الوقت فصلت من وظيفتي لأني لقيت لي مشرووع و توسع عملي شوي شوي
صآرت عندي عقآرآت و محلآت و صرت من اكبر التجآر..
و صآر عندي 4 أولآد و بنتين
بس مرة السنين بسرعة لدرجة اني مآلآحظت التغير الي صآر في زوجتي في السنين الي رآحت
انشغلت عنهآ شوي و مو شوي كثيييييير بس مآكنت ابخل عليهآ
انشغلت لأني كنت ابي أأمن مستقبلنآ الي وصلت له الحين و لله الحمد
في السنين الي رآحت كآنت في مشآكل بيننآ
تغيرت حبيبتي
تغيرت زوجتي
تغيرت قلبي
سبب تغير زوجتي و الله أعلم وحدة تعرفت عليهآ كنت ألآحظهآ
تتكلم معآهآ وآجد في التلفوون تروح لهآ كثير طلعآت و دخلآت معآهآ
كنت اجي للبيت تعبآن قبل لآتتغير زوجتي رجليني مآتشيلني من الدورآن في الأرآضي و المخططآت
فكآنت تجي تقول لي ليه تغيرت
لية مآصرت رومنسي زي اول
و كآنت تسألني بأستمرآر انت تحبني...؟
كنت اكره هل سؤال .... كنت اكره نقها بأستمرآر ابي رومنسية ابي تقولي انك تحبني
و ليه تغيرت على
كآنت تعلق على دآيم انتم يآ السعوديين كيذآ تطلعون رومنسيتكم اول شهر من الزوآج بعدين خلآص
كآنت تزلعني و تعصبني من هل كلآآآآآآآآآآآآآآآم و كثير نتخآنق عشآن هل موضوع
تبي رومنسية ..............
انآ صحيح رجل شرقي مآتعودنآ على الرومنسيآت بالنسبة لي انآ كرجل و رجل شرقي
أبي حبي لزوجتي بطرق عديدة غير الرومنسية
كنت ابين اني احبهآ اني مآ اطآلع غيرهآ و مآ احب افكر اني اخونهآ
كنت ادلعهآ و اعطيهآ الي تبي
كنت اهتم فيهآ لمآ تمرض اوديهآ بنفسي رغم ان جآيب لهآ سوآق و اكون انآ مشغول بس اكنسل كل موآعيدي و ارتبطآتي عشآنهآ
كنت امدحهآ قدآم النآس و اثني على طبخهآ ولآ شكلهآ و سنعهآ
بس هي مثل النآآآآآآآآآآر هل من مزييييييييييييييييييد
حبيبتي زوجتي
كآنت مثل النآر...هل من مزيد
شوي شوي صآرت تقلل اهتمآمهآ فيني و لمآ اقول لهآ ورآك اليوم مآلبستي مثل العآدة ولآ مسويتلي كيذا
تقول و ليش مآرآح تشوف ولآ تلآحظ...!
كيف مآ الآحظ و انآ الحين ملآحظ انك مآتزينتي زي اول
تقول انت كل مآلبست و تكشخت مآتعلق ولآ اتقولي شي....
قلت لهآ بأسلوب حلووو الزين مآيحتآج نثني علية و انتي وآثقة من عمرك فمآتحتآجين احد يمدح
و انآ يآقلبي مدحتك كم مررررة و اثنيت على لبسك و تكشخك
بي مو دآآآآآآآآآيم ..الوآحد ينسى يجي تعبآن .. او تعود خلآص على تكشخك و تزينك مآيحتآج امدح...
كآنت حبيبتي تزعل وآجد مني لأنهآ اتعرف غلآتها عندي كآنت تحب التغلي بدلع
و كنت ارآضيهآ و أضمهآ مآ احب اشوفهآ زعلآنة
بس لمآ انشغلت كآنت تزعل على قولتهآ و انآ مآ انتبهت انهآ كآت زعلآنة
كنت اقولهآ وش فيك تقولي مآفيه , و تطلع و تخليني
انآ تعبآن ابي انآم مآلي جلد اطلع الحقهآ
شوي شوي بعدنآعن بعض
كآنت صديقتهآ تنصحهآ و الله اعلم نصآيح مو من مصلحتهآ لأني لآحظتهآ لمآ تكلمهآ ذآك اليوم تتغير على تنقلب عآقدة احجآجها الكلآم من طرف خشمهآ
و لمآ اكون معهآ ذآك اليوم غير اسلوبهآ حلو و لسانهآ عسل و تقولي مآ ابي شي من الدنيآ اهم شي اننآ مع بعض
عرفت ان صديقتهآ مأثرة عليهآ
كم مرة انصحهآ اقولهآ يآبنت النآس انآ الحين بلحظة انتقآل اصبري على شوي و شوفي الدلع انآ الحين أأمن لمستقبلك انتي و وولدنآ و النونو الي ببطنك هذآ قبل لآننرزق ببآقي اولآدي
قلت لهآ انآ رآسي مليآن و تعبآن و دآخل مشآريع فرآعي ضغوطآتي
كآنت تسمع كلآمي اسبوع و اسبوعين ترآعيني و تهيء جوي و تريحني لمآ اجي للبيت
بعدين ترجع حليمة لعآدتهآ القديمة .. تنكد علي عيشتي و تبي و تبي
و تفآجئت لمآ عرفت انهآ تشتكي عند امي على لمآ رحت لهآ قآلت يآوليدي ترآك مهمل زوجتك و ولدك وهي حآمل
ترى الحمآل نفسيآتهم تتعب ...
طيب يآيمة من يرآعي انآ نفسيتي
انآ مآقصرت عليهآ بس الضغوط الوحيدة الي في حيآتها تبي رومنسية و طلعآت و مطآعم
انآ ضغوطي عمل و عمآل و بنى و كرف و مشآريع من يرآعيني
زعلت على زوجتي و تهآوشنآ لأن مآ احب انهآ تتكلم عن حياتنآ الشخصية عند احد
تفآجئت لمآ تخآنقت معآهآ انهآ باليوم الثآني رآحت عند اهلهآ و قآلت بروح عند اهلي كم يوم ارتآح قلت برآحتك
خليتهآ يوم يومين و ثلآثة مآدقيت عليهآ ولآدقت لحد مآكملت اسبوعين
صآرت ترسلي لي مسجآت حب و شوق و انهآ تتأسف على تصرفهآ
مآرديت عليهآ ... دقت علي و كنت اكلمهآ و انآ تعبآن منهآ مآني قآدر احكي معهآ لأنهآ جرحتني كرجل
قآلت مآتبي تجي تآخذنآ قلت لهآ الي طلع من نفسه يجي من نفسه
و زعلت و سكرت السمآعة بوجهي
و حلفت عقبهآ مآاحآكيهآ ولآ ارجعهآ
كملت عند اهلهآ شهرين و ولدت زوجتي في الثآمن و حطو الووم على اني انآ الي تعبتهآ نفسيآ و اني خليتهآ تولد ولآدة مبكرة
و ان حآلتها النفسية تدمرت
مآ انكر اني حسيت بذنب بس كنت اكآبر كرجل و هذآ غلط مني .. و كنت اقول هي غلطت و انآ مآمنعتهآ انهآ ترجع بس كل الي قلته الي طلع من نفسه يرجع من نفسه
وهي بعد بدورهآ كآبرت مثل مآ انآ كآبرت و كآنت غلطتنآ أحنآ الأثنين..
دخلت عليهآ و كآنت تعبآنة مرررررة ولآ سألت عن بنتي سألت عن زوجتي حبيبتي و حبيت رآسهآ و تحمدت لهآ على السلآمه ... و كآنت لحظة صفآ بيننآ عآتبتني و عآتبتهآ و ترآضينآ ....
رجعت زوجتي مثل مآكانت حلوة و مرتبة و مهتمة في بيتهآ و عيآلها و فيني
بس على طول رجعت لحركآتهآ القديمة طنشتهآ قلت احسن من الهوآش
فجأه هدت قلت اكيد اعقلت فهمت انآ رجآل مشغوووووووووووووووووووول
بس مآكان عقل منهآ لآآآآآآآآآ
كنت لمآ ادخل البيت تجيب لي الأكل لحآلي و تتحجج في الأطفآل و انهآ مشغولة
عديتهآ كم مرة
في وقت النووم تتحجج انهآ نآيمة كل العصر و مآفيهآ نووم و تسهر لحآلهآ
و لمآ اصحى تنآم
و لمآ اطلع من البيت تكون في البيت و لمآ ادخل البيت تطلع مع اهلهآ لجآرتهآ مع صديقآتهآ
اهملتني ... بس مآ اهتميت في هل موضوع قلت تعدي ان شآء الله بس اخلص من الشغل الي دآخل انآ فيه
صرت ارجع للبيت مآفيه جوو في البيت كآبة وجة معبس نكد زن
طلبآآآآآآآآآآآآت
كأني مو توني جآي من عمآل نفس الطريقة وجية معبسة و نكد و مشآكل في العمل و طلبآت موآد لآتنتهي
صآر عملي برآ البيت نفس جوآ البيت
كنت احس اني كزوج مجرد عمل و دوآم لي لآزم اكون في البيت و البي الطلبآت
صرت اسهر في الاسترآحآت رغم اني قبل الزوآج كنت انتقد الرجآل المتزوجين الي يروحون للإسترآحآت اقول الإسترآحآت هذي للعزآبية الي مآعندهم زوجآت
الوآحد اذآ صآر عنده زوجة حلوة و يحبهآ و تحبه و مبسوط معهآ ليه استرآحة..؟
صرت اسهر مع اصدقآئي و كآنت جلسآت حلوة
ضحك و تعليق و سوآليف و نآسه
كآن فيه كم رجل في الإسترآحة للأسف متزوجين كآنو يعرفون بنآت من ورى زوجاتهم و رآعين علآقات محرمه
انآ مآعجبني الموضوع و نصحتهم و قآلو بكرآ تصير زينآ و الواحد لو شافله شي يفتح النفس بالبيت مآدور غيره..
بس انآ كآن عندي وجهة نظر في الموضوع
اول شي الوآحد اذآ مآكآن مرتآح مع زوجته و محتآج انثى ثآنيه يجيبهآ بالحلآل مو الحرآم
ثآني شي كنت اعتبر الزوج اللي يحط العله في زوجتة عشآن يكون عذر له عشآن يغآزل هذآ انسآن كذآآآآآآآآآآآآآب ولآ حبهآ اصلاً
لأن الوآحد لآحب زوجته يخآف الله فيهآ ولو قصرت في حقه يتزوج عليهآ و مآينقص من غلآتها شي
..............................

هددت زوجتي كم مرة اني رآح اتزوج عليهآ


و كآن ردهآ اني مآ اقدر و تقولي اتحدآآآآآآآآآآآآآك
ولآتقولي لو تزوجت علي بروح و اخليك و اطلب الطلآق اصلا مآ عآد ابيك لآتزوجت علي
و من هل كلآم
قلت لهآ ارجعي لعقلك و ارجعي حبيبتي القديمة .. بس مآفي فآيدة
اشتكت لنآس على
خلت امي و خوآتي ضدي لأنهآ غآلية عندهم
نكرت كل الزين الي اسوية لهآ
و كنت افهمهآ الحيآة مو كلهآ حلوة و بس حلو الوآحد يتذكر الشي الحلو فيهآ
و انتي الله يهديك مآيهمك الي رآح و الي سويته معك اهم شي عندك اللحظة و بس
كآنت تحب تنبسط في لحظتهآ و لمآ تخلص هل لحظة تنسآهآ و يجي بكرآ و تبي نفس الأمس
و طآقتي مآتقدر على مجآرآتهآ
اهملت نفسهآ و شكلهآ
سريرنآ الي كآنت كل اسبوع تغيرة صآر يجلس في الشهرين و الثلآثة
ملآبسي مآكآنت على اكمل وجة كآن كويهآ مو مرتب
ملآبسي وصخه
مرة من المرآت طلعت في فنيلة دآخليه من امس لآبسها لأنهآ مآغسلت الملآبس ولآ لقيت شي نظيف البسه
لمآ قلت لهآ ابي اهتمآم في شكلك و بالبيت قآلت مآ الحق ابي خدآمة
صرآحة انآ مآ احب احمل زوجتي فوق طآقتهآ
انآ مو رآعي عزآيم ولآ كنت اتشرط في اكلي و شربي اي شي تطبخة آكل
لدرجة انهآ كل يوم تسوي لي نفس الطبخة ولآ كآنت عندي مشكلة اهم شي اكل نظيف و لذيذ و لمآ امل و المح لهآ تغير تقول مآ الحق انآ تعبت
جبت لهآ خدآمه و بعد الخدآمه الأولى جبت خدآمه ثانيه
خدآمتين في البيت
برغم اني اشوف اجنبيآت ببيت و اطفآل و مآشآء الله مهتمه في بيتهآ و بلبسهآ و عيآلها و مآعندهآ خدآمه
بس معليش عشآن خآطر زوجتي قلبي حبيت اريحهآ
لقيت في تطور
البيت نظيف و الاكل صآر فيه تنوع الملآبس نظيفه و مكويه
الآ شي وآحد مآتغير...
زوجتي لسه بجلآبيتهآ رغم انهآ صغيرة و جسمهآ حلووو
لسه بشبآشب البيت
ادخل عليهآ الآقيهآ قدآم التلفزيون ولآ تكلم بتلفوون ولآ نآيمه ..... و تتعلل انهآ تعبآنة ولآ اعذآر ثآنيه
و في الأخير قررت أسوي نفسي اني رآح اتزوج عليهآ بس عشآن أأدبهآ
خليت وآحد من اصدقآئي اخوة يعرف اخوهآ و يقوله قل لفلآن ان فلآن نسيبك خآطب من عندنآ
عشآن يوصل لهآ الكلآم
و فعلآ وصل لهآ و تغيرت اسبوع كآمل وهي بكآمل زينتهآ و حلآوتهآ و رجعت عروسي الجميلة
و سألتني اني كنت نآوي اتزوج و انكرت عشآن اقلقهآ
بس اصرت و قلت ايه
توقعت انهآ بتترجآني اني مآ اتزوج او تقولي وش مقصره عليك عشآن تفكر تتزوج
بس قآلت طلقني و ودني بيت اهلي و صآرت تصيح و تصآرخ زي المجنونة
و على فكرة هي مو اول مرة تزآعق و تخبط في الأثآث ولآتكسر شي قدآمهآ كم مرة و صبرت عليهآ
المهم حآولت اهديهآ و وقفتهآ و مسكتهآ بقووة و قلت بس قولي لآ تتزوج و مآرآح اتزوج
قآلت لأ اتزوج اصلاً انآ مآ ابيك
و رآحت لبيت اهلهآ و خطتي مانجحت و خليتها و طلبت الطلآق و قلت لهآ مآرآح اتزوج .. بس اصرت عليه
و طلقتهآ
بعد الطلآق اسودت الدنيآ فعلاً بعيني كنت اشوف صورة زوجتي في كل زآويه و كل مآتذكرتهآ قلت الله يهديك يآحبيبتي يآنور عيني وشلون هنت عليك
بس من برآ كنت مثل الاسد
مآيهمني شي و كنت اكآبر و اقول بدآل المره 100
و كل مآقآل لي احد نبي نصلحكم اقول لآ مآيحتآج بدور لي بس على زوجه ثانيه و هذي خليهآ يجيهآ نصيبهآ و انآ قلبي يتقطع من جوآ
رحت لفترة عمل في بلد عربيه و كآن شريكي في التجآرة متزوج من وحده في هذيك البلد زوآج مسيآر لآ اهله ولآ زوجته تدري
المهم كآنت عندهآ بنت اخت حلوة و كآن عمرهآ 20 سنة و كآن صديقي يقنعني اني اتزوجهآ
و فعلاً تزوجتهآ لأني كنت محتآج زوجه
كآنت مؤدبة خلوقه
ترضى بالقليل و كآنت تقولي مآ ابي غير الستر
و كآنت موآفقة اننآ نخلي الزوآج بالسر و مسيآآآآآآر
بس انآ مآ كنت احب هل نووع من الزوآجآت و انتقدهآ
سويت اورآقها و جبتهآ معآي لمدينتي و دخلتهآ على اهلي و كآنت صدمة و مآتقبلوهآ
كنت احآول افرض احترآمهآ مثل مآسويت مع زوجتي الاولى بس مآكآن فيه تقبل
سكنتهآ في نفس السكن الي كآنت فية زوجتي الأولى و كآنت زوجه مطيعه
فجأه قسى قلبي على الأولى لمآ نستني الثآنية ذكرآيآتهآ
اخذت اطفآلي منهآ و خليتهم معآي في البيت
كآنوآ 4 أطفآل ولآ فيه في البيت خدآمة و مع ذلك قآمت فيهم و نوعت في اكلي و نظفت البيت و ملآبسي مكويه و نظيفه
انآ مآكآن همي في البيت كثر ترتيب الزوجة و ابتسآمتهآ
من تزوجت الثآنية مآقلت لهآ احبك ... و مع ذلك مبسوطه معآي و قآيمه في وآجبي وهي الي تقول احبك
حسيت اني ملك من معآملتهآ
اول مآ ادخل شآلت شمآغي و اخذت ثوبي و قآبلتني بكآس عصير بآآآآآآآآرد ابرد فيه اعصآبي بعد حر الجو برآ
انآم ولآ اسمع اصوآت اطفآل برآ عكس حبيبتي الأولى الي كآن الأطفآل يدخلون غرفتي و انآ نآيم و يصيحون
كآنت تآخذهم فترة قيلولتي لغرفه ثانيه اخر البيت و تجلس تلعبهم
و مره و انآ في الدوآم جتني رسآله و قلبي الي كآن قآسي و حجر صآر يبكي شوق و لهفة
كآنت رسآله من زوجتي الاولى
كآنت تسأل عن احوآلي و كيفهم العيآل و قآلت انهآ مشتآقه لهم و تبي تشوفهم
على طول رحت للبيت و اخذتهم و وديتهم لهآ
طلبو مني ينآمون عندهآ خليتهم عندهآ الآ الكبير رجع معآي و انآ بالسياره أسأله كيفهآ امك ..؟ و مآنآقصهآ شي
و بعطيك فلوس بس لآتقول انهآ مني و عطهآ امك كأنها منك
صرت كل ليله افكر فيهآ و بأول ايآم زوآجنآ صرت اتذكر الأيآم الحلوه و قلبي صآر يلين شوي شوي
و قررت اني ارجعهآ
حبيت أرجعهآ ... بس مآعرفت كيف كآن كبريآئي يمنعني لحد مآجت من الله
عمهآ قآبلني في مكآن عملي و قآل وش رآيك ترجع بنت اخوي و من هل كلآم على طول قلت برجعهآ بس عشآن جيتك لمي و عنوتك
و انآ قلبي كآنت طبول و اعرآس من جوآتي ..
رجعتهآ .. و سكنتهآ في نفس البيت
و بدت المشآكل الضرتين
صرآحة كآنت المشآكل اكثرهآ من زوجتي الاولى الله يهديهآ
كنت اقسى عليهآ و اعرف انهآ تعبآنه دآخلياً بس مآكنت ابيهآ تتمآدى في اخطآئهآ
و للأسف مآتغير شي كثير من شخصيتهآ
بس زآدت
كآنت تجلس معي و تقول من تحب اكثر انآ ولآ هي
و من احلآ انآ ولآ هي
صرآحة زوجتي الثانيه لآتقآرن جمآلها بجمآل الاولى بس كآن قلبي يهوى الاولى و يحبهآ
بس هي مآكآنت تفهم هذآ الشي
كآنت مستحيل و من سآبع المستحيلآت زوجتي تطلع من البيت و انآ موجوود
لأنهآ مآكآنت تبيني اخذ رآحتي مع الثآنية على الاخير ... و صرآحة كنت مبسوط دآخلياً لأنهآ تغآر...
زوجتي الثآنيه قررت تسآفر عند اهلهآ كم يوم لأنهآ اشتآقت لهم و خليتهآ تروح
فكآنت فرصة اقوي علآقتي مع زوجتي الأولى مرة ثآنيه و يفضآلنآ الجووو
بس مآصآر الي في بآلي
صآرت زوجتي لآهية في طلعآت و دخلآت مثل اسلوبهآ اول
كنت اتمنى انهآ تجلس مثل مآكآنت تجلس عندي ولآصقه فيني 24 سآعه لمآ كآنت زوجتي الثانيه موجوده
و اذآ قلت لهآ لآ تطلعين اجلسي جلست بس بدون نفس طيبه
مكشره و حآلتهآ حاله
يآلله يآزوجتي متى تفهمين رغبآت الزوج ... صحيح انآ انآني و الرجآل انآنيين يبون الوحده كامله
بس انآ من جهتي مآقصرت عليك ... فيآليتك عطيتيني نص مآعطيتك
حتى لو انآ مقصر في بعض النوآحي من وجهه نظرك
.................
جتني مكآلمة في الليل من الدوله العربيه قآلو لي ان زوجتك تعبآنه مره سآفرت لزوجتي الثآنيه و كآنت تعبآنه مررررره
لمآ كشفوآ عليهآآ لقو عندهآ سرطآن و في الثدي ...
و انشغلت فعلاً عن زوجتي الاولى مع الثآنيه المريضه
رغم مرض زوجتي الخطير زوجتي مآرآعت هذآ الشي منعتني اني اسآفر انآ ويآهآ لحآلنآ للخآرج لعلآجهآ
و مآكآن مني الآ اني اخذهآ معآنآ هي و الأطفآل
و تخيلآو الثقل و المسؤليه شلتهآ معآآآآآي
كنت اتركهآ في البيت و اروح للمستشفى لموآعيد الثآنيه فلمآ ارجع نفس الطريقه ترجع وش رآيك نطلع نتمشى و نغير جو حنى و الأولآد و انآ طفشآنه و الأولآد طفشآنين
انآ كنت معصب توني جآي من المستشفى فصرخت عليهآ و قلت محد قآلك تجين معآنآ و ترآك مثقله على و محملتني مسؤليتك انتي و بزرآنك.... قلت هل كلآم و انآ في كآمل غضبي
بس مآ انلآم كنت مضغوووووووووووووووووووووو وووط
زعلت و سوت لي هوآش في ذآك اليوم و قدآم الأطفآل و كلمه مني و كلمه منهآ ضربتهآ كف
و قلت تسآفرين الاسبوع الجآي و تنقلعين لبيتك
سفرتهآ و جلست 5 شهور و حآلة زوجتي كل مآلهآ تدهور للأسوء لحد ما انتشر المرض و طلبت مني اوديهآ لأهلهآ و فعلاً وديتهآ و توفيت الله يرحمهآ و يسكنهآ جناته
رجعت لديرتي و كنت من بعد هل تجربه تحولت لإنسان ثآني مآيعرف الصبر
ولآ الكلآم اللين و تغيرت 180 درجه
صرت عصبي على زوجتي لأتفه الاسبآب
صرت ازعل على الكبيره و الصغيره
لأنهآ و بكل بسآطه استنفذت صبري
اتستفذت رصيد احترآمي لهآ
أستنفذت كل شي
................
و مع هل اسلوب و التوتر بيننآ قررت اتزوج مرة ثآنيه بس هل مره من نفس ديرتي...
و بفترة البحث عن عروس جديده كآنت زوجتي الأولى تلبس لي
و تغيرت
و طلبت مني اني اسفر وحده من الخدآمآت
و كآنت تبتسم لي و تغير اسلوبهآ معي
بس مآكنت اشوف هذآ التغيير
لأني كنت اخآف انهآ ترجع مثل كل مره تتغير اسبوع او شهر او شهرين و ترجع لعآدآتهآ القديمه
بس مر شهر شهرين و ثلاثة و زوجتي مآزآلت كمآ هيآ
مهتمه فيني و بلبسي
و كآنت تسوي مثل مآكآنت زوجتي الثانيه الله يرحمهآ مآتسوي كآنت تستقبلني بكآس العصير لمآ اجي من برآ
كآنت تآخذ الأطفآل لآخر البيت تخآف يزعجوني
بس كآنت هل مره الاخطآء مني انآ
كنت قآسي معهآ... بآرد في كلآمي...مآ القي لهآ اي اهتمآم.. كان هل اسلوب يضآيقني بس مآكنت عآرف ليش مستمر في نفس المعآمله رغم اني ملآحظ التغيير....
و لقيت العروس الثآنيه و خطبتهآ و قررنآ وقت للملكه
و رحت لزوجتي الأولى عشآن اعلمهآ
و لمآ قلت لهآ
توقعت ذيك المجنونه الي تطلع من طورهآ تكسر كل البيت و تصآرخ و تتلفظ بألفاظ مآتنآسبهآ كأنثى
بس لاآآآآأ
دمعت عيون حبيبتي .. و كآنت دموع بدون اي صوت
و قآلت بصوت مخنوق الله يوفقك..و يوفقهآ
قلت لهآ و انآ اتصنع القسآوه ترى ملكتنآ الخميس الجآي
و جآء يوم الأربعآء و انآ طآلع للعمل جت زوجتي و قآلت بزوآجك الثآني قلت لي لو مآتبيني اتزوج قولي لآ تتزوج
انآ الحين اقولك لآ تتزوج و بكت بصوت عآلي و قآلت لو مآترآجعت عن قرآرك مآرآح الومك لاني انآ اخطيت كثير في حقك .. بس رآح اضل لك زوجه مخلصه . و مآرآح اطلب الطلآق هل مررررررررره
جآء يوم الخميس الي هو يوم الملكه كنت متضآيق مو فرحآن
مآ ودي اقهر عمري روحي حيآتي الي مآتدري وش كثر انآ حآبها و اغليهآ
مآ تدري ان دموعهآ مآتهون على .. و طلبآتها بالنسبه لي اوآمر
بس الشكوى لله انآ عطيت الكلمه للرجآل و الملكه اليوووم مآيصلح ...
ركبت السيآره مع اخوي الله يصلحه شوي مطيووور و رجه و جريء و علمته و قلت والله ام فلآن مآتهون علي و بيني و بينك مآودي اتملك اليوم قآل اكيد مآودك قلت ايه
قآل طيب قل انك استخرت و مآ ارتحت .... قلت له لآ صعبه يآرجآل مو حلوه قدآم الرجآجيل
قآل خلآص انآ عندي الحل .. قلت وشلون قآل لآ بعدين تعرف المهم دخلنآ بيت اهل العرووس
و اخوي كآن يحكي مع اخوهم برآ و كنآ نحتر المملك شوي و اخوي يجلس و عقب كيذآ ربع سآعه الولد نآدى ابوه
و انآ مآ ادري وش السآلفه
المهم نحتري المملك مآجآء و قآل الأبو اننآ نتصل على جوآله مآيرد
على العموم تفضلوآ على العشى و اذآ مآتملكو اليوم يتملكون بكرآ
بعد مآخلصو الرجآل من العشى جآء لمي ابو البنت و قآل والله مآ ندري وش نقولك
.. بس البنت عييت تقول انهآ مو مرتآحه
انآ فرحت دآخلياً و بنفس الوقت مصدوم مآ ادري وش المشكله ...
و دريت ان اخوي هو السبب و الي فركش الدعوه و خلآهم هم الي يرفضوني
رجعت لبيتي و دخلت على زوجتي و كآنت فآرشه سجآدتهآ و تدعي و ضميتهآ لصدري و علمتهآ اني مآ اتزوجت فجأه اسجدت وهي تصيح و انآ جلست اصيح معهآ....
عرفت ان زوجتي اول مآإبتدت تتغير للأحسن كآنت قآطعه علآقتها مع صديقتهآ الي كنت شآك انهآ ورى تغيير زوجتي
رجعت لزوجتي و حبيته اكثر من الأول
و الحين الحمد لله مآفيه دوله الآ مسآفرين لهآ لأني ارتحت الحين مآدياً ولآ فيه شي يشغلني عنهآ زي اول
و نصيحة لكل زوجه اصبري على زوجك و سآعدية في كفاحه في عمله
و الشكوى لله ترآنآ متطلبين و غثيثين بس استحملونآ
و هذي قصتي
.
.
قرأتهآ في احد المنتديآت وحبيت انقلهآ لكم علشآن تعتبرون منهآ
في انتظآر ارآئكم
ولآ تنسوني من دعآئكم
على فكره مآأبغى القصه تمر مرور الكرآم
ابغآ اعرف استنتآجكم وإنطبآعكم عن شخصيآت القصه
ايش كآن محتآج الزوج ؟
ايش كآنت محتآجه الزوجه ؟
ايش هي نقآط الخلآف الأسآسيه بينهم ومآقدرو يتجآوزونهآ غآلباً؟
يعني ابغى الكل يطلع بفآيده وسعة إدرآك
تقديري لكم~