قصة عجيبة صارت مع وحدة اعرفها

بسم الله

سلمكم الله هذي وحدة اعرفها حق المعرفة ، الادمية حالتها المادية مش و لابد بس الحمد لله ممشية امورها بالفلوس اللي عندها ، تقول صار لي شي عجيب ، انا فلوسي ما شاء الله مو راضية تخلص ! تجيني الفلوس و تكثر و مهما اصرف منها ما تخلص ، تذكرت اني مرة طلعت الشارع و شفت عامل نظافة اعطيته عشرة ريال قلت مسكين مثل ما الله اغناني خلني اعطي هالمسكين لاني حاسة بشعوره ، و تعطيه مبلغ بسيط ، و تمشي ، سوتها يمكن مرتين ثلاث ، تقول والله فلوسي مو راضية تخلص هالشهر ، شريت من النت كم شغلة ، عطيت غيري فلوس ، طلعت مع قريبتي و رحنا مطعهم و انا اللي دفعت حسابه ، اعطيت قريبتي فلوس ، شريت من الصيدلية و بملغ كبير ، ٤٠٠ ريال تقريبا و فلوسي الى الان مو راضية تخلص
والله يا بنات ان الاخت هذي عاااااطلة عن العمل و لاهي متزوجة و ابوها يتضايق لا طلبت منه فلوس ، بهذا الشهر اعطاها عيدية بنفس طيبة حسب كلامها و انها ما تعامل معها بأسلوب فيه ذل ...
والله يا بنات اللي صار مع هالاخت فيما يترجح لي انه بسبب الصدقة ..
فالنبي عليه الصلاة و السلام يقول : ( ما نقصت صدقة من مال ) و قال تعالى ( وَمَا أَنْفَقْتُمْ مِنْ شَيْءٍ فَهُوَ يُخْلِفُهُ ) وفي الحديث أن الملكين يقولان : اللهم أعط منفقًا خلفًا اللهم أعط ممسكًا تلفًا ...


خلونا من اليوم نحرص على الصدقة ففيها من النفع الشي الكثير .