قصة عذآآآآآب أمــــــــي

السلام عليـــــــكم ورحمة الله وبركاته
(قصة عذآآآآب أمــــــي)
تزوجت أمي ولد خالها وكانت صغيره كان عمرها 19
صغيره عند مجتمعنا الحمدلله
وبعد 5 شهور من زواجها حملت بحمد
الله بدت عيون الناس تزوجت بدري حملت
بدري ومن هلكلام الفاضي وتعبت جدتي وراحت
للمستشفى وقالوا لخالي فيها جلطه براس
كانت جدتي تتعذب تقاوم الألم
وكانت أمي متعلقه بجدتي بشكل مو طبيعي
مره,لأنها العنقود المهم بعد كم يوم درت
أن جدتي فيها جلطه برااااس أنهااااارت
صيااااااح وأغمى عليها ونقلوها لغرفه
جا الدكتور يهاوشها أنتي حامل بشهر الأول يضر
الطفل أمي لاحياة لمن تنادي بس تصيح
(بدايـــــــــــــــــــــــة المأساه)
توفت جدتي وأمي جاها أنهيار عصبي
وحالتها يرثى لها امي متعلقه بجدتي تشكيلها
وتفهمها مع أن عندها خوات لاكن الأم مافي مثلها
بالدنياوكل يوم وهي مغمي عليها وللمستشفى كل
يوم المهم ولدت أمي وجابت بنت(اللي هي أنا)
خوالي وأهلها أستانسوا عشان لعلى تنسى
وفاة جدتي بعد فترة أمي تجيها أشياء
غريبه تصارخ وتصييييييح
وبعض الأحيان تهدا وبعد أسابيع بدت
أمي صراخ متوااااااصل وتشكي راسها يمكن كان عمرها ذاك الوقت 20 سنه صغيره مره
وزود على ذالك كان أبوي يدرس بقريه بعيده
مره مايجي ألا خميس وجمعه عذاااااب أمي زاد
المهم بعد فتره حالتها تزيد وتزيد وأنا كان عمري
يمكن 6شهور تخليني عند خالتي وتروح للمستشفى
مافيه فاااااااااااايده قال خالي لأبوي
خلينا نوديها لشيخ يقرا عليها المهم أمي يوم
قالوا لها ترفض وتصارخ وبعض الأحيان تطيح
ويغمى عليها وأخذوه للشيخ وعلى طول من قالوا له
عن حالتها قال (عيــــــــــــــــــــــــــــن)
محد متوقع لأبوي ولاخوااااااالي
قرا عليهاوراحت البيت وكل يوم تتردد على شيخ
والحمدلله خفت مررره
عاد الحين رجعت لها قبل يومين طاحت وحمرت
وتون وتقول كلام مو مفهوم وأطراف يديها زرقت
وبردت مرررررره ودينها للمستشفى بس حطو
أكسجين وطلعت وقرينا عليها ورجعت لها
نفس المأسها اللي قبل 16 سنه
الحين معها(4 بنات)و (2وولدين)
الحمدلله على كل حال والله يوم قالي أبوي
رجع لها تعبها القديم أني بكيت بكيت
لين صدعت أمي تتعذب قدامي ماندري وش فيها
بس صداااااع وتقول ظهري يوجعني وتقولي أوقفي
فوق ظهري وطقيه أطقه لها تقول أضربي ظهري
ضرب رفضت أنشغل القرآن بس تصيح
وتشهد أنا يوم شفتها تشهد بغيت أموووووووووووت
كل شوي أناديها وترد علي الحمدلله
عاد كان ذاك اليوم عندنا عمتي الحمدلله وبنتها
وجدتي ومرت عمي الله يعافيهم والله لو طاحت
عندي أنا واخواني يمكن اطيح معها مدري وش فيها
أبوي عرف لها وقرا عليهاالحمدلله
كان عند أبوي ريجيل وابوي قال سوي شاهي
والحريم عند أمي أنا من الخلعه على أمي
كبيت ملعقتين شاهي بالبريق والمويا بارد
وماشغلت الفرن لأن شغالتناتوها رايحه
عاد الحمدلله الحين أمي بخير
هذي هي تحني خواتي الله لايحرمنا منها
أبيكم الله يعافيكم تدعون لها
لان انا الكبيره أركض لأمي وأركض للغدا وللبيت
الله يعين بس أمي ماعندها أحد يواسيها
ويكون سند لها اللي هو أنا أبوي مشغول
مانشوفه الا بالليل
أدعوا لها ان العين ماترررررررررجع لها أبداً
ويطول بعمرها ويخليها لنا

والسلاااام عليكم

أستغفر الله أستغفر الله أستغفر الله
لاأله الا الله محمد رسول الله