قصة عرسي عجيييييبة

:42:
اول شي السلام عليكم اشحالكم ياالغاليات؟
انا سالفة عرسي ساااالفة حبيت اخبركم اياها وابغاكم تدعولي
*قبل العرس بيوم سرت آخذ فستاني من المحل وصاحبة المحل قالتلي اول ما توصلين البيت ع طول علقيه عشان
ما يخترب.واخوي الله يحفظه نفس اليوم كان تعبااان ورجعنا االبيت وقلت لاخوي طلع الفستان عن يخترب عسب باجر العرس واخوي قالي عقب بطلعه واتخيلوا الفستان تم في السيارة لييين يوم العرس /يوم العرس كنت وااايد متضايقة لان فستاني شكله الله لايوريكم المهم ام زوجي كانت زعلانة وتتصل عشان ايبون مكواة البخار حق الفستان وقتها انا كنت ف الصالون واتخيلوا كنت ما مسوية المسكة اخوي عطاني مسكة من ورد مجفف مال الهنود وانا قلت شو هذا ماينفع عقب اختي يزاها الله خير اتصلت ع محل ورود وقالت اللحين في ساعة نبغي ورد بالون احمر وابيض والحمدلله ربي سهل وسوولي اياه وكان روعة وعقب رحت القاعة كنت متأخرة وبسرعة لبسوني الفستان واتخيلوا الجلابية اللي فسخته كان معلق في تور الفستان ومحد انتبه من السرعة/ المهم درت في القاعة ولا ظهرت الحمدلله عاد عقب يوم يييت افسخ الفستان شفت الجلابية وانصدمت وضحكت على عمري وماقدرت اخبر زوجي من الفشلة..شو رايكم في قصتي حلوة صح وعجيييييبة / :42:بانتظار ردودكم