السلام عليكم ورحمة الله وبركاته
كيفكم يابنات حواء والله احبكم انا متابعتكم من زمان من حبي لكم سجلت عشان اتواصل معكم .
ابدأ بقصتي انا متزوجة لي سنة ، اول ماتزوجت حملت من الشهر الثاني وما كنت ادري وسقطت وانا مدري وش السالفة :44:ورحت المستشفى وماعطوني شي المهم جلست عشرة شهور ماحملت وخفت ان فيني تكيس والا شي من ذا القبيل وزوجي ازعجني كل شهر يحسب للدورة يقول ان شاءالله الشهر هذا حامل وبعدين تنزل الدورة ويخيب امله ومرة تاخرت الدورة عشرة ايام قال انا متأكد انك حامل وقال اني لو اكون حامل بأكون اسعد انسان في الدنيا وماراح اخليك تشيلين شي ولا تسوين شي المهم قلت يارب اكون حامل رحنا مستوصف خاص وحللت قالولي مافي حمل وأصبنا بخيبة امل كبيرة :icon33:وصار مهموم وشهيته خفت للاكل وضحكه قل وانا نفس الشي .
والمشكلة انا وياه كل شهر نحسب للدورة لين احس ان حالتي النفسية تعبانه وضغط اهله اتعبني انا وياه ، وكل ما اصلي ادعي من كل قلبي انه يرزقنا الذرية الصالحة واذا جتني الدورة اشرب بردقوش وفي نفس الوقت انشغلت انا وزوجي بزواج واحد من اقاربنا عاد تعرفون انتم الزواجات تشغل اللي ماينشغل < اسواق وفساتين واكسسوارات ومكياج وتسريحة ومخاسير وقلة حيا ....ههههه
المهم ونسينا انا وزوجي الدورة هو ماسالني عنها وانا ماحسبت لها
ويجي ذاك اليوم :time:ياطويلات العمر وانا كنت اغسل الملابس والمواعين :angry:واشيل واحط الا وينزل علي دم قلت آآآه الدورة نزلت قال زوجي انا ماعاد اقدر استحمل امشي المستشفى واروح للمستشفى وزوجي يعلم الدكتورة القصة ومتحمس وقالها اخاف المشكلة فيني انا والا فيها المهم نبغاك تفحصينا وتقولينلنا وش المشكلة اللي فينا قالت الدكتور اول شي ابحلل المدام تحليل دم بعدين اشوف وش المشاكل اللي فيكم يمكن الهرمونات ضاربه والا فيه تكيس وانا كنت مرة خايفة ونستنى ساعة وفالساعه هذي زوجي يقولي لومافيك مشاكل وانا اللي فيني مشاكل تتركيني قلت لو اجلس معك العمر كله بدون عيال ما اترك وقلت له لو فيني مشاكل تتركني قال مايبيلها كلا م اكيد ابتزوج عليك قال لالا امزح قلت والله مدري عنكم يالرجال مالكم امان ،
وبعد ساعه طلعت النتيجة وقالتلنا الدكتورة مبروك حامل يامدام وطرت انا وياه من الفرحة وحمدت ربي وشكرته :39:.
قصتي كتبتها للمتأخرات في الحمل : لاتخافين ولايضيق صدرك ادعي الله واعملي الاسباب ولاتحسبين وقت الدورة وان شاء الله ربي يرزقك بالذرية الصالحة .
طلباتي / انا عضوة جديدة واول مرة انزل موضوع ابغى ردود تبسطني وابغى رايكم ياحبيباتي في قصتي وعلموني متى احس بحركة الجنين >>>> وحدة مستعجلة ماصدقت انها حامل :04:
وشكرا
نديمة اللئيمة @ndym_allyym
عضوة جديدة
يلزم عليك تسجيل الدخول أولًا لكتابة تعليق.
um eyad 1430
•
الف مبرووووووووووك والله يرزقك شوفته بصحه وسلامه يارب بالنسبه للحركه يمكن اخر الرابع او الخامس
الف مبرووووووووووك والله يرزقك شوفته بصحه وسلامه يارب بالنسبه للحركه يمكن اخر الرابع او الخامس
الف مبروك حبيبتي
انتبهي على نفسك زين وان شاء الله يثبتلك حملك
وحياك الله عضوه جديده بين اخواتك
انتبهي على نفسك زين وان شاء الله يثبتلك حملك
وحياك الله عضوه جديده بين اخواتك
ياعمري عقبال ماتكتبين قصه ولادتك ياااارب
وتبشرينا باحلى ولد ولابنوته ربي يكتب لك اللي فيه الخير
وتبشرينا باحلى ولد ولابنوته ربي يكتب لك اللي فيه الخير
الف مبروك حبيبتي انتبهي على نفسك زين وان شاء الله يثبتلك حملك وحياك الله عضوه جديده بين اخواتكالف مبروك حبيبتي انتبهي على نفسك زين وان شاء الله يثبتلك حملك وحياك الله عضوه جديده بين اخواتك
الصفحة الأخيرة