قصة علاجي من الخوف مع طريقة العلاج الحين أنام وانا مرتاحه

السلام عليكم خواتي شحالكم حبيباتي
أولا أتمنى الموضوع ما ينتقل منن هذا لقسم لانه قسم حيوي ماشاء الله وأبي كل وحده نفس حالتي تقرا موضوعي يمكن وحده تطبق وتعالج بإذن الله وبفضل موضوعي

ثانيا أقروا موضوعي اللي بحط رابطه كتبته قبل كم شهر

http://forum.hawaaworld.com/showthread.php?t=4062765

كتبت موضوعي علاجي لأنكم ساعدتوني وايد وايد وحبيت أطمنكم أني تشافيت بنسبة 90 بالميه من مرض الخوف والوسواس اللي دام معاي سنتين ونص تقريبا

قصة خرفي بدت من الشغاله حسبي الله عليها جعل ربي يبتليها لا تلوموني لو دعيت عليها لأني والله العظيم كنت على شفى حفره من الموت

أقروا الموضوع فالرابط

شغله ثانية كتبت موضوعي لأني شفت كذا عضوه نفس حالتي

والله العظيم أني كل كلمه اكتبها صادقه فيها وهالشي طبقته علي يعني عالجت نفسي بنفسي اجتهدت ومحد ساعدني والحمد لله الله شافاني والله كان الموضوع سحرررررررررررررر من. حرمه يوميا ما تنام وبس قاعده أتخيل جن وظلال وحرامي ممكن يقتلني مع أني أقفل الباب واقفل الدرايش عدل عدل والتأكد مليون مره إذا الباب مقفول الدرايش كنت إذا مشيت أتخيل حد يقولي حد ورااااج صدي ورا وانا يا بنات انهبل أموت امووووت لان زوجي يغيب عني 4 أيام ومرات أكثر بحكم دوامه والله تخيلات في تخيلات الله لا يبتلي احد بشي صار فيني

الحين

ماشاء الله تبارك الله والحمد لله حمدا كثيرا طيبا مباركا فيه
أنام وانا مرتاحه يا بنات والله العظيم


ادري طولت والكل يبي العلاج صح بس يا أخواتي أبيكم تدعون لي بالهدااااااايه ماابي أكثر من جي

لو اتبعتي العلاج بإذن الواحد احد بتتشافيت وكأنه شي مااصااار

أولا دخلي النت واكتبي الرقية الشرعية العامه اطبيعا بورقة عشان تسهل عليج القراءه
ثانيا جيبي كتيب الأذكار وما شاء الله مآظن فيه بيت ما يخلو من الكتيبات او برامج الفون
خلي أذكار المساء والصباح وأذكارها النوم اهم شي
ثالثا اكتبي في قوقل آيات السكينة او ممكن تقرينها من الجوال وبخبر كم تحت بالتفاصيل
والقراءن الكريم طبعا
هذا لجدول أنا اتبعته يعني انتي تقرين تغييرين متى تقرين الرقيه ويفضل صباحا ومساءا

1 بعد صلاة الفجر اقري أذكار الصباح
2 بعد صلاة المغرب اقري أذكار المساء او بعد العصر
3 فليل اتوضي وأمسكي المصحف واقري سورة الفاتحة والبقرة كاااامله ما تأخذ ساعه او ساعه ونص ( لا تقولون طويله ونحن نقعد على الجولات بالساعات وما ملينا وعندنا هالمعجزه ونشوف السورة طويله ترا مع الاستمرار والله بيكون كل شي سهالات)
بعدها ما تخلصين القراءة
4 اقري الرقية الشژعية ولا مانع من البكاء والتضرع لله بنية الشفاء من هالمرض وإذا خلصتي انفخي على ايدج وامسحي جسمج كامل من الرأس لتحت مع الدعاء والصلاة على النبي وممكن تنفخين في ماي زمزم او عادي وزيت زيتون وبعدها شربي من الماء وادهني جسمج بالزيت
5 قومي صلي قيام الليل وانا كنت أصلي بعز خوفي واصيح وأدعي ربي واتضرع بالدعاء
6 بعد الصلاه وهذي اهم نقطه ،،،،آيات السكينة..... يا بنات والله العظيم معجزززززززززه إذا قريتيها بتمعن ومن قلب بقدرة الله يرتاح قلبج وتهدا اعصابج وتنزل عليج السكيييينه سبحان الله
هذي تقرينها بعد الصلاه ومههههههم بعد كل فرض تصلينه أنا كنت أقراهم بعد الفروض بس للأمانة مش كل الفروض بس كنت أقراهم
7 تبين تنامين الحين اتوضي إذا بطل الوضوء ضروري اتمين على وضوء 24 ساعه وقبل النوم اتوضي وأنسدحي واقري أذكار النوم بعدها آيات السكينة
8 الاستغفار الاستغفار الاستغفار شي ولا بالخيال بنية كل شي مش شرط الشفاء
وذكر الله دائماً التعوذ من الشيطان الرجيم وإذا حسيتي بخوف اببببببتتسسسسسسسمي
عطي نفسج ذكي الابتسامة اللي تشق البوز شق وكان انتي مش خايفه
طبعا الخوف هو الشيطان يوسوس لج كل مابينتي انج خايفه الشيطان الرجيم يزيد يزييييد
بمجرد ماتبتسمين خلاص هو يهلك ويبتعد
9 مافيه بيت مايخلو من التلفزيون ما عندج تلفزيون إيجاد جلكسي راديو
حطي القران خليه 24 ساعه
أنا أحط قناة اسمها الدوائية تقرا سورة البقرة والرقية الأذان هي خاصه للعلاج قناة فنانه أنصحكم فيها طبعا شغاله 24 ساعه الحين لا بس أشغلها وقت النوم للعصر او الظهر
عشان الكهرباء ;)



والله أني اجتهدت فالبداية كان الأمر صعب علي والشيطان يوسوس لي بان صعب وما اقدر ولكن اجتهدت وسويت ولكل مجتهد نصيب

أولا وأخيرا النيييييييه الخالصة لوجه الله بان الله قادر حي قيوم لا يموت هو الشافي المعافي بيده كل شي وهو على كل شي قدير قادر على أن يحيي الموتى وقادر على شفاء المريض

من بعدها التزمي بالجدول اللي كتبته والله والله بعدها وكان شي لم يكن

مابي أطول عليكم وايد عشان مايكون موضوعي ممل ومحد يقرأه
كتبته عشان الكل يستفيد لا تقولين شي وراقي عالجي نفسج بنفسج اول مره ممكنة تخافين وما يتغير شي ثاني يوم الخوف بيقل ولكن بيكون موجود ومع الالتزام بينتهي كل شي بإذن الواحد احد

لا تنسون الصلاه على خير البشر حبيبنا وقدوتنا محمد صلى الله عليه وسلم