قصة عمتي وانا الضحيه/ طرح غير مناسب

بسم الله الرحمن الرحيم

أنا عضوهـ هنا بالمنتدى بس ماحبيت أكتب بمعرفي لان صديقاتي وبعض أهلي يعرفونه

ولاتجي وحدهـ تقوي انتي كذابه او هذا من خيالك والله والله والله أن كل حرف بكتبه

انه صار لي وأنا ماجيت أدور حل بس مجرد فضفضه لأن الموضوع انحسم خلاص

أنا قبل فترة 4 سنوات تزوجت ةكنت أنا الكبيره بين اخواتي وتزوجت عن حب

ولله الحمد طبيعي مثلي مثل أي بنت جبت مصوره لزواجي وتصورت وانبسطت

وكان موعد خروج الالبوم حق صوري بكون انا مسافره مو موجوده واهلي

بعد زواجي سافرو واهل زوجي مو بنفس المنطقه ديرتهم بعيده احترت

من استئمنه على صوري وجلست انا وامي وخواتي نحلها من من

وقررنا نخلي عمتي تاخذها وتحطها عندها لين ارجع انا وهذا اللي صار

راحت عمتي واخذت صوري انا وزوجي وكنت مطمنه

اعطيكم نبذه عن عمتي هذي وفرضا بسميها ( شهد)

عمرها 30 ..متخرجه من الجامعه ....مو متزوجه

كانت ملتزمه واربعه وعشرين ساعه على السجاده

وكانت دايمن تنصح طبعا ماكنت اشك واحد في الميه

فيها او انها مو امينه ورجعت من شهر العسل

ورحت لاجدادي الي هم اهل شهد واخذت الصور وتفرجنا فيها

وقالت لي ترا شفنا صورك ونتي مسافره قلت عادي عماتي انتو

واخذت الالبوم ورحت بيتي ومشت الحياه طبيعي وحملت وخلفت

وجبت بنت ..عمتي شهد بينها وبي اخواتي مشاكل ويكرهون بعض

في يوم اخواتي وامي راحو لاجدادي وكانت شهد عندها جوال

وسئلوها عن جوالها اخواتي قالت كسرت الشريحه واصلا البنت مايصلح يصير معه جوال

وش تبغاه فيه .. علما اخواتي معاهم جوالات وهي يمكن تدقهم بالحكي يمكن لا

الله اعلم بنيتها وجلست فتره وراحو اهلي مره ثانيه لاجدادي وبهالزياره

كان يتصل على جوال جدتي رقم غريب رجال وقامت شهد قالت ان هذا الرقم ماجاء في جوال امي الا من فلانه

الي هي اختي الصغيره وفرضا بسميها منال .. اختي منال حقانيه ماتسكت عالغلط

قالت دا ظلمتني اوريك واخذت الرقم ودقت عليه

المكالمه الي دارت بين اختي والرجال هذا وفرضا بسميه فهد

منال .. الوو

فهد .. هلا

منال ..لو سمحت انت تدق على الرقم الفلاني وتزعج واهلي حطوها براسي من تبغا

فهد.. ابغا سنفوره .. الي هو اسمي

منال .. نعم ايش من فين تعرفها انت انت مجنون

فهد.. الا اعرفها وصورها عندي يوم زواجها وزوجها فلان وبنتها فلانه واحبها وتحبني

منال .. اختي مستحيل تكلم رجال اعرفها وتحب زوجها

فهد .. والله اكلمها واعرفها وصورها معايا

منال .. ممكن تقلي رقمها طيب

فهد .. اعطاها رقم عمتي شهد وقال كانت تكلمني من الرقم ذا وتزاعلنا وهددتها ابخوفها ومن بعدها

تقفلت شريحتها وصرت ادق على الرقم حق اختها يقصد رقم جدتي

منال .. هذي مو سنفوره هذي عمتي واسمها شهد وكلبه وكذابه وتقمصت شخصية اختي تبغا تخرب بيتها

وانهارت اختي تبكي

فهد.. هنا هو بدى الكلب الوسخ يلعب لعبته

فهد .. خلاص انا بوقف معكم واختك بريئه وليه شهد تقول انها سنفوره وليه وليه
\
منال .. قفلت ودقت عليه علمتني السالفه من الى .. انا انهرت وجلست اصيح وابكي

وقلت انا من يوم انخلقت شريفه و الله ماعمري كلمت احد او سويت هالاشياء ليه ياربي

انا وثقت فيها لان كانت تسوي نفسها ملتزمه

وبعد ساعه .. ارسل لمنال صوري انا وبتي ووجي :(

كانت صدمه لي وكنت منهاره ومدري وين اروح ولمين اتكلم ومن بيصدقني

كنت اطالع في زوجي واقول يارب بتتخلا عني ولا بتصدق اني مظلومه

كنت اضم بنتي وادعي على اجدادي ان الله يرد كيدهم في نحرهم

وهنا كلمت اختي منال وقل لاعاد تتكلمين مع فهد ..

ورحت كلمت اخوي الكبير وعلمته من الى ووريته الصور

راح كلم عمي ووراه الصور وشهد عرفت اننا عرفنا والرجال الي اسمه فهد كان في صفنا



انكرت وجحد وحلفت بالمصحف انها موهي واني انا الي اكلمه وانا الي ابدبسها فيها

اهلها للاسف صدقوها حتى ابويه مع اخواته ويقول انتي زي خالاتك ماضمنكم

اكبر قهر لمن ابوك ابوك يقول ماثق فيك عشان يوقف بصف اخته

ضاقت عي الدنيا واخوي قال خلاص انا بتصرف

صار فهديرسل على جوالي رسايل


كيف جاب رقمي اكيد من شهد

وانقلب صار يقول ردي والله لاقول انك انتي الي اعرفك

والله لطلع شهد من المشكله انتي وسخه وكلبه وتهديدات وسب على جوالي وجوالات اخواتي

وابوي واخوي نفس المسجات تجيهم


هنا انا قررت اعلم زوجي

وعلمته ووريته كل شي واخوي كان معانا تقبل الموضوع

وبدء يهديني ويوقف معاي عكس ابوي الي براء اخته

4 شهور مرت خوف رعب تهديد خايفه ينشر صوري

خايفه على سمعتي اخوي طلع برنت على رقم عمتي الي قفلته وعلى رقم فهد

ولقي مكالمات بساعات

والصدمه طلع واحد من جماعتنا :( الله يالفضيحه


ومتزوج وعنده 2 عيال كلمه اخوي وقال جيب الميموري والجهاز والا واله لافضحك عند اهلك واهل زوجتك

وانا عرفتك وواعده بمكان وراح اخذ المموري وضربه وفقع راسه ورجع ..بس وش ينفع الضرب وهو شافني :(

وراح لابوي واعمامي وقال هذا برنت من يعني سنفورهبتكلمه كيف من رقم شهد

اختكم صايعه وداشره ودامها تبي تدشر لا تحطها بغيرها اتقوا الله

ابي لاتعليق

اعمامي الشباب مصريبن انها بريئه

شهد دعيت عليها لين تعبت ومالت ادعي عليها

اجدادي قطعناهم وهم قطعونا

ابوي صار يصد عني ومايكلمني ابد

الناس بدت تلاحظ انقطاعنا ويسئلون

اخوياوي طرده من زمان ولا يطب البيت لانه طلع الحقيقه وابوي مايرضا في اهله

زوجي الحمد لله ماتاثرت علاقتنا

بس مازلت في رعب وخوف واحيان انهار من البكا

بتقولون ليه ماكلتو الهيئه كلمتهم انا بنفسي قال جيبي محرم وقدمي معروض عالاماره وننظر لوضعك

والله هذا اللي قالوه بكيت ترجيته ماكنت ابغا اهلي وتكبر المشكه لكنه سدها في وجهي

واخيرا احب اقول لاتثقون في اي احد حتى لو اختك شوفو هذا وه عمتي

حسبي يالله ونعم الوكيل فيها



مجرد فضفضه .. لان ماقدر افضفض لاي احد