قصة فعلا إتحزن

السلام عليكم ورحمة الله وبركاته ،،،

بنات هذي قصة فتاة من إمارة دبي وقصتها فعلا عجييييييييييييييييييييييييييييييييييبة

البنت هذي نشأت في أسرة مكونة من 5 أفراد ( الأب والأم و ثلاث بنات ) ، ترتيب البنت هذي المتوسطة وعمرها 27 سنة .
البنت هذي شعلة من النشاط ، ذكية ، خلوقة ، مؤدبة ، قمة في الذكاء في الدراسة والتحصيل العلمي ، الكل يشهد لها بحسن الخلق بعكس خواتها الباقيات .
توفى الوالد وهي تبلغ من العمر 22 سنة والأم كانت جاهلة لا تعرف تقرا ولا تكتب ولكنها ربت بناتها أحسن تربية ، يمكن أم متعلمة ما بتربيهم مثلها .
البنت هذي كانت فعلا غير في كل شي ، بعد ما خلصت الثانوية دخلت الجامعة واتخرجت بتقدير جيد جدا مرتفع وكانت من البنات المتفوقات في الجامعة .
طبعا الوالد توفى وهي لازم تتحمل مسئولية أمها والبيت وخواتها الباقيات ( بحكم إن الأخت الكبيرة كانت كسولة وايد وما اتحب إنها تشتغل بس إتحب إنها إتحصل فلوس على الجاهز ، بدون أي تعب ) .
قدمت أ وراقها في عدة أماكن ، وكانوا يوعدونها ولكن بدون فايدة ( لأن ما عندها واسطة ) ظلت البنت هذي تنتظر مدة 3 سنين بدون فايدة لين ما قطعت الأمل .
وفي يوم كانت جالسة مع أمها وخواتها ورن التيلفون وكان واحد من جهة حكومية يتصل فيها علشان يبلغها خبر تعيينها .
فرحت البنت واستعدت إنها إتداوم بعد أسبوع .
بعد أسبوع راحت الشغل واستلمت الوظيفة وهي فرحانة كثير كثير .
المهم إنها كانت ملتزمة وما اتكلم أي حد في الشغل ( لا الرجال ولا النساء ) ، وفي واحد كان معجب فيها ، لكنها كانت ما اتعيره إنتباه .
المهم هذا الشاب كان مغرور كثير وكان ما يحب إن أي وحدة ما تلتفت له ، المهم قرر إنه ينتقم من البنت هذي .
قام يشوه سمعتها بين الموظفين ، حتى إنه جاب رقم موبايلها وكان يصورها بموبايله وركب صورها على صور بنات مب محتشمات .
البنت إنصعقت من الكلام ومن الإشاعات واتفاجئت بقرار إنهاء خدماتها ، طبعا الولد هذا واسطته كبيرة علشان جذي محد حقق معاه .
رجعت البنت البيت وما خبرت أمها ولا خواتها بقرار إنهاء خدماتها وكانت تطلع كل يوم الصبح وترجع في نفس الموعد علشان محد يحس بأي شي .
تعبت البنت كثير وأهلها عرفوا بالموضوع ، طبعا أمها كانت متعاطفة معاها ، لكن خواتها للأسف ماكانوا متعاطفين معاها .
البنت هذي طلع لها ورم خبيث في جسمها وكان ياكل من جسمها بدون لا اتحس .
اتوفت هذي البنت وهي صغيرة ( الله يرحمها ) .
والولد إللي شوه سمعتها إتزوج من وحدة صاحبة سوابق وكانت إتخونه ، واكتشف خيانة زوجته له وفي بيته .
المهم إنه قتل زوجته وعشيقها وانسجن ولين الحين هو مسجون .
بس الله يرحم البنت هذي صدق إنها مظلومة .