قصة قدوم طفلتي وولادتها

مرحبا ياحوامل
شلونكن
وعقبالكن ان شاء الله
وعقبال اللي ماحملت تحمل

واللي ماتزوجت تتزوج وتحمل :)

ابعطيكم قصة ولادتي .. كما هي عادة كل وحدة كانت حامل وولدت
ههههه


طبعا انا ولدت يوم السبت14/5/2005
وكنت قبلها فيني طلق من يوم الثلاثاء السابق...تعبت جدا
لدرجة اني كتبت لكم اني ناوية اشرب زيت الخروع ...خـــــلاااااص ماعاد فيني صبر
وفعلا كان اخر عهد لي معكم هو يوم الجمعة
وبعد ماشجعوني بعض البنات هنا بالمنتدى على الخروع
توكلت على الله وشربته مع عصير البرتقال

ونص ساعه بس .. والله لايوريكم .. رايحة جاية على الحمام
اسهال وانتو بكرامة
وجاء الفرج ونزلت السدادة ..
وانا صرت كذا :icon33:
نزل علي الخوف.. وقام قلبي يرقص
ياويلي وش السواة... انادي على زوجي _ وهالكلام قبل المغرب_ وللا ادور على شنطتي ... يووووه وين شنطتي ...يازوجها وين شنطتها ..
ايه صح شنطتي عند امي... واتصل على امي
وبس اسمع صوتها ... و ... وااااااااااااااااااي لحقيني يايمه

والبس عباتي واخذ شنطتي اليدوية ووينك ياكتاب الافادة فيما جاء في ورد الولادة

وعلى المستشفى

وادخل غرفة انتظار الولادة .... وكل شوي تجي الدكتورة تقيس
والرحم على الـــ3 ... واجلس عندهم من الساعه 7 المغرب الى الساعه 2 الفجر وجت الدكتورة لتقيس لقيته 3ونص سم
يؤ شكلي بطول
وطبعا انواع الملل ... بس الله جاب لي وحدة بنت حلال يمي تبي تولد مثلي وهات ياسوالف عن الولادة
ولما جت الساعه 3 الفجر قالت الدكتورة الظاهر ماعندك ولادة الابكرا لان البكرية عادة تطول خاصة اذا كانت حامل ببنت
وامي وزوجي ذبحهم القلق برا لانه ممنوع يدخلون في غرف الولادة
قلت للدكتور بصراحه يادكتورة المكان هنا ذابحني من الخوف مابيه
قالت لي طيب اعملك ايه
قلت لها اباخذ غرفة من بدري واتم فيها الليلة الين اولد على الاقل امي وزوجي عندي
ينسوني المي واحس بامان معاهم
والله وحقق لي اللي ابيه
وانام ساعه وحدة بس.. وتجيني دكتورة في غرفتي تقيس الطلق ولقيته بيزيد
وقالت لي الساعه 8 الصباح بندخلك كشك الولادةوللمعلومية انا صايمة عن الاكل بامر الدكتورة

وجات الساعه 8 وياخذوني على الكشك ويلبسوني لبس تاني
وعندي ممرضتي
تراعيني
وتقوللي لسا بدري عليك
واحط راسي واناااااااااااام الى الساعه 11 صحتني تبي تقيس عنق الرحم ولقيته 3 ونص مثل ماكان
وارجع اناااااااااااااام الى الساعه 3 العصر... حطولي الطلق الصناعي... على دفعات ,
ورجعت نمت بس نوم متقطع بسبب الام الطلق اللي بدت تزيد
_ ماتلاحظون اني قصرت وقت الانتظار بالنوم.... تعبانة والله _

و جتني تقيس عنق الرحم وفتحت لي كيس الماء وانا تفاجات بصراحة من هالماء اللي نزل مني مرة وحدة

وشوي بس .. الا قمت اصارخ من الالم
ياويلي وش ذا.. :icon33:

وابي انام مثل قبل
مو قادرة والدنيا هدوء غير صوتي انا اصارخ .. يـــــا ســــســتـــر :D

ابي بنج
ابي اي شي يخفف الالم

امي تقولي اسمع الصراخ عرفت انه صراخ بنتي

:27:

المهم جات الدكتورة وانا ابكي واقولها الله يخليك ابي بنج لو موضعي ..ياحليلي خخخخ

وقاست الدكتورة عنق الرحم ولقيته 5 ونص ياعيني

واظل على هالحال حتى الكمامة ماعاد تنفع معاي
الى الساعه5 تقريبا

وتجي تقيس الممرضة وتلاقيني متوسعه 7سم
وتنادي الدكتورة وممرضة ثانية .. ويلبسون ذاك اللبس الاخضر
وبدا شغل الولادة
وطلبت مني الدكتورة مع كل طلقة ادفع
وانا حيلي مهدود
5 ايام وانا اطلق
وادفع والممرضة تشجعني بوش بوش بوش
الين حسيت بان الراس طلع
تدرون وش صار لي ... لاني نسيت طريقة اخذ الشهيق والزفير
_ اغمى علي من الارهاق والتعب _

وكانوا ناوين يعملون لي قيصرية ...
بس الحمدلله مرت على خير

وماوعيت الا الساعه 7 ونص المغرب صحتني الممرضة
واحط يدي على بطني ... والا مافيش حاقة
واسال ممرضتي .. خلاص ولادة
وتجاوبني .. ايوا خلاص
_ طيب والبيبي كويس
_ ايو الحمدلله كويس
واحمد ربي .. وكانوا حاطين لي قسطرة ويوم سحبتها الا واشوف العذاب بعينه بس طبعا مو مثل عذاب الولادة الله يخففه على كل حامل
والبس وتاخذني الممرضة بسريري وتطلعني برا قسم الولادة ولاني متغطية مااشوف
بس سمعت اصوات كثيرة منها صوت امي واختي وخالتي واخوي وولد اختي الصغيرون والظاهر ان زوجي كان يتابع حالة البنت لانها انخنقت في مجرى الولادة

واروح لغرفتي واسال امي وكل شخص اقابله .. البنت بخير
ماني مصدقة اني ولدت
والحين بنوتتي القمر عندي...صاير عمرها شهر و12 يوم



والحمدلله على سلامتي وسلامة كل وحدة ولدت
والله يحفظ لنا عيالنا